Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
18. juni 2013Nr. 89
Kunngerð um trúnað í sambandi við viðgerð Sjóvinnustýrisins av klagum um arbeiðs- og liviumstøður umborð á skipum
Við heimild í § 18, stk. 4 í løgtingslóg nr. 165 frá 21. december 2001 um trygd á sjónum, sum seinast broytt við løgtingslóg nr. 61 frá 17. mai 2013, verður ásett:
§ 1. Klagur, ið Sjóvinnustýrið fær frá sjófólki ella fakfeløgum teirra viðvíkjandi arbeiðs- og liviumstøðunum umborð á skipum sambært MLC-sáttmálanum, skulu viðgerast í trúnaði, og Sjóvinnustýrið kann ikki upplýsa fyri reiðaranum, arbeiðsgevaranum ella umboðsfólki teirra, at ein eftirlitsvitjan umborð á avvarðandi skipi er orsakað av tílíkari klagu.
Stk. 2. Í sambandi við viðgerð av klagu frá manningini um arbeiðs- og liviumstøðurnar umborð, kann Sjóvinnustýrið ikki upplýsa fyri reiðaranum ella umboðsfólki hansara, hvør av manningini tað er, ið hevur klagað.
§ 2. Henda kunngerð kemur í gildi 20. august 2013.
Vinnumálaráðið, 18. juni 2013
Johan Dahl (sign.)
landsstýrismaður
/ Bjørgfríð Ludvig (sign.)
