Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
29. jaunar 1992Nr. 9
Kunngerð um tænastugjald í sambandi við tolling og umtolling
Við heimild í § 16, stk. 5 og § 23 í løgtingslóg nr. 121 frá 23. september 1991 um toll hevur landsstýrið fyrisett:
§ 1. Fyri sendingar, ið koma til tolløkið, og sum verða skrásettar av tollvaldinum ella postverkinum, skal rindast kr. 30,-.
Stk. 2. Fyri brævsendingar, ið verða skrásettar, er gjaldið kr. 15,-.
Stk. 3. Av gjaldinum, ið er arbeiðspeningur, fær Føroya Tollstova kr. 5,- fyri skrásettar brævsendingar og kr. 13,- fyri skrásettar sendingar annars, og postverkið fær kr. 10,- fyri skrásettar brævsendingar og kr. 17,- fyri skrásettar sendingar annars.
Stk. 4. Arbeiðspeningin fyri sendingar, ið ikki verða avgreiddar av postverkinum, fær Føroya Tollstova.
§ 2. Í førum tá ið viðskiftafólk biður um umtolling, verður hetta gjørt móti kr. 200,-.
Stk. 2. Gjaldið sambært stk. 1 er arbeiðspeningur, ið Føroya Tollstova fær.
§ 3. Henda kunngerð kemur í gildi tann 1. februar 1992. Samstundis fer úr gildi kunngerð nr. 58 frá 25. juli 1979 um avgreiðslugjald fyri tollskyldugar postpakkar.
