Kunngerð nr. 91 frá 6. juli 1988 um skipskokkaroynd, sum broytt við kunngerð nr. 93 frá 11. juli 1988

6. juli 1988Nr. 91

Kunngerð um skipskokkaroynd, sum broytt við kunngerð nr. 93 frá 11. juli 1988

Við heimild í § 7 í løgtingslóg nr. 65 frá 5. juni 1984 um sjómansútbúgving við seinni broytingum hevur landsstýrið fyrisett:

§ 1. Fyrireiking til skipskokkaroynd fer fram á teimum í lógini ásettu støðum eftir góðkenning frá Landsskúlafyrisitingini.

§ 2. Ein og hvør, sum hevur verið á

a)    grundskeiði, sum Landsskúlafyrisitingin hevur góðkent, og síðan havt lærutíð í kokkayrkinum til longdar í minsta lagi 23 mánaðir og av hesum í minsta lagi 12 mánaðir við havskipum ella

b)   hevur lærutíð í kokkayrkinum til longdar minst 33 mánaðir og av hesum í minsta lagi 18 mánaðir við havskipum og hevur verið á góðkendum skeiði í eldsløkking og í nýtslu av bjargingarútgerð v.m., kann verða upptikin á skipskokkaskeiði.

§ 3.¹⁾ Frálærutíðin er 20 vikur á 40 tímar og fevnir um hesar lærugreinir:

Føroyskt

Danskt

Enskt

Rokning/støddfrøði

Tænastukunnleiki

Heilsufrøði

Føðsluevnisfrøði og reinføri

Amboðslæra og viðlíkahald

Eldhúslæra

Proviantering og vørukunnleiki

Matgerð

Baking

§ 4. Til skipskokkaroynd verða 13 próvtøl givin:

§ 5. Landsskúlafyrisitingini verður heimilað at áseta nærri reglur um, hvussu undirvísingin skal fara fram, lærukrøv og próvtøkureglur.

§ 6. Tann, sum eftir hesi kunngerð hevur staðið skipskokkaroynd, fær prógv frá Landsskúlafyrisitingini.

§ 7. Henda kunngerð kemur í gildi dagin eftir, at hon er kunngjørd.