Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
9. august 2005Nr. 97
Kunngerð um broyting í kunngerð um eldrasambýli og broyting í kunngerð um eldrarøkt í Sandoynni
§ 1
Í kunngerð nr. 71 frá 27. august 1998 um eldrasambýli verða gjørdar hesar broytingar:
1) § 4, stk. 4 verður orðað soleiðis:
“Stk. 4. Pensjónistur kann vera til umlætting í mesta lagi 90 dagar í einum ári. Gjaldið fyri umlætting er ásett í kunngerð um áseting og javning av almannaveitingum.”
2) Í § 7 verður sum stk. 6 sett:
“Stk. 6. Pensjónistur kann vera til umlætting í mesta lagi 90 dagar í einum ári. Gjaldið fyri umlætting er ásett í kunngerð um áseting og javning av almannaveitingum.”
§ 2
Í kunngerð nr. 7 frá 27. januar 2003 um eldrarøkt í Sandoynni verður § 2, stk. 7 orðað soleiðis:
“Stk. 7. Pensjónistur kann vera til umlætting í mesta lagi 90 dagar í einum ári. Gjaldið fyri umlætting er ásett í kunngerð um áseting og javning av almannaveitingum.”
§ 3
Henda kunngerð kemur í gildi dagin eftir, at hon er kunngjørd.
Almanna- og heilsumálaráðið, 9. august 2005
Hans Pauli Strøm (sign.)
landsstýrismaður
/ Aibritt á Plógv (sign.)
