Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Mentamálaráðið
  • Útgávudagur: 05-07-2019
Tilvísingar
Kunngerðablaðið
  • Kunngerðarblað 2019 A - Kunngerð 98 frá 2. juli 2019
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

2. juli 2019Nr. 98

Kunngerð um orgulleikaraútbúgving

Við heimild í § 2, stk. 6 í løgtingslóg nr. 83 frá 29. mai 2017 um musikkskúlaskipan (Musikkskúlalógin) verður ásett:

§ 1. Orgulleikaraútbúgvingin er ein 3 ára preliminer útbúgving í orgulspæli.

Stk. 2. Orgulleikaraútbúgvingin verður roknað sum førleiki at spæla á orgul til sálmasang, og at spæla inngangsspæl, útgangsspæl og konsertspæl í kirkjuligum og í samkomuligum høpi. Vegleiðandi byrjanarstig er ájavnt 4. stigi hjá Associated Board of The Royal Schools of Music.

§ 2. Næmingurin skal, eftir 3 ára nám, hava førleika til, í kirkjuligum og í samkomuligum høpi, at spæla á orgul til sálmasang, og at spæla inngangsspæl, útgangsspæl og konsertspæl. Eisini skal næmingurin duga at gera forspøl til sálmar og leiða kór.

Undirvísingin

§ 3. Høvuðslærugreinin í útbúgvingini er orgulspæl.

Stk. 2. Orgul sum høvuðslærugrein kann vera samskipað við høvuðslærugreinir á musikkskúlamiðnámsútbúgvingini.

§ 4. Tónleikaligar hjálærugreinir eru musikkteori, hoyrilæra, klaver, orgulkunnleiki, sangur, kórleiðsla og tónleikavitan.

Stk. 2. Undirvíst kann verða í øðrum tónleikaligum hjálærugreinum.

Stk. 3. Tónleikaligar hjálærugreinir kunnu vera samskipaðar við hjálærugreinir á musikkskúlamiðnámsútbúgvingini.

Stk. 4. Tónleikaligar hjálærugreinir á orgulleikaraútbúgvingini kunnu vera samskipaðar við samsvarandi tónleikaligar lærugreinir í tónleiki á hástigi í gymnasialum miðnámsútbúgvingum fyri lesandi, ið ganga á báðum útbúgvingunum.

§ 5. Kirkjuligu hjálærugreinirnar eru liturgik og sálmavitan.

Stk. 2. Musikkskúlaskipanin kann samstarva við avvarðandi stovn, felagsskap ella myndugleika um undirvísing í greinum og hjágreinum, sum hoyra til í kirkjuligum og í samkomuligum høpi.

§ 6. Kommunali musikkskúlaleiðarin ger saman við samskiparanum fyri orgulleikaraútbúgvingina námsætlan, leiðreglur og mannagongdir fyri orgulleikaraútbúgvingina undir ábyrgd musikkskúlastjórans.

§ 7. Vikutímatalið hjá næminginum er í miðal 3,5 tímar.

Upptøka

§ 8. Næmingar, ið verða mettir at standa eina preliminera orgulleikaraútbúgving eftir 3 ára útbúgving, kunnu verða upptiknir.

Stk. 2. Kommunali musikkskúlaleiðarin og faklærari standa fyri upptøkuroyndini.

Stk. 3. Um tørvur er á tí, kann kommunali musikkskúlaleiðarin hava onnur fakkøn við í metingini um upptøku.

Stk. 4. Kommunali musikkskúlaleiðarin ger mannagongdir í sambandi við upptøkuroyndina til prelimineru orgulleikaraútbúgvingina.

Próvtøka og royndir

§ 9. Próvtøkur verða hildnar so hvørt, ið námið á ymsu lærugreinunum er liðugt.

Stk. 2. Preliminera orgulleikaraútbúgvingin endar við próvtøku undir ábyrgd av kommunala musikkskúlaleiðaranum í tí skúlanum, har undirvísingin fer fram.

Stk. 3. Royndir verða hildnar á hvørjum ári.

Gildiskoma

§ 10. Henda kunngerð kemur í gildi dagin eftir, at hon er kunngjørd.

 

 

Mentamálaráðið, 2. juli 2019

 

Hanna Jensen (sign.)

landsstýrismaður

/ Poul Geert Hansen (sign.)