Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Mentamálaráðið
  • Útgávudagur: 15-07-2011
Tilvísingar
Kunngerðablaðið
  • Kunngerðarblað 2011 A - Hefti 28 A frá 15. juli 2011
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

12. juli 2011Nr. 98

Kunngerð um kærunevnd at viðgera avgerðir yrkisnevndarinnar

Við heimild í § 23, stk. 5 í løgtingslóg nr. 94 frá 29. desember 1998 um yrkisútbúgvingar, sum seinast broytt við løgtingslóg nr. 52 frá 17. mai 2011, verður ásett:

§ 1. Kærunevndin viðger og tekur støðu til kærur um avgerðir tiknar av yrkisnevndini.

§ 2. Landsstýrismaðurin tilnevnir formannin, sum er fastur limur í nevndini. Formaðurin skal verða løgfrøðingur og verða tilnevndur fyri eitt 4 ár skeið. Á sama hátt tilnevnir landsstýrismaðurin ein varalim fyri formannin.

Stk. 2. Í seinasta lagi 4 vikur eftir, at kæra er móttikin, tilnevnir formaðurin eitt arbeiðsgevaraumboð og eitt løntakaraumboð í nevndina eftir tilmæli frá avvarðandi yrkisfeløgum.

§ 3. Kærufreistin er 4 vikur frá tí degi, kærarin fær skrivliga fráboðan um avgerð yrkisnevndarinnar.

§ 4. Formaðurin boðar nevndarlimunum til fundar. Nevndin er viðtøkufør, tá ið allir limirnir eru møttir. Avgerðir verða tiknar við vanligum meiriluta.

§ 5. Kærunevndin skal miða eftir at taka avgerð innan 4 vikur, eftir at allir tørvandi upplýsingar í málinum eru nevndini í hendi.

Stk. 2. Kærarin skal hava skrivlig boð um avgerðina innan 8 dagar eftir, at hon er tikin.

Stk. 3. Avgerð tikin av kærunevndini er endalig innan fyrisitingina.

§ 6. Landskassin rindar útreiðslurnar av virkseminum hjá kærunevndini.

§ 7. Henda kunngerð kemur í gildi dagin eftir hon er kunngjørd.

Stk. 2. Samstundis fer kunngerð nr. 87 frá 15. mai 2001 um kærunevnd í sambandi við góðkenning av virkjum sum lærupláss, sum broytt við kunngerð nr. 119 frá 24. august 2001 úr gildi.

 

 

Mentamálaráðið, 12. juli 2011

 

Helena Dam á Neystabø (sign.)

landsstýriskvinna

 

/ Leivur Harryson (sign.)