Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
5. juli 1994Nr. 99
Kunngerð um dugnaskaparútbúgving í motorpassing
Við heimild í § 6 í løgtingslóg nr. 50 frá 28. apríl 1992 um maskinmeistaraútbúgving og aðrar maskin- og eltøkniútbúgvingar hevur landsstýrið fyrisett:
§ 1. Dugnaskaparútbúgving í motorpassing fer fram á maskinskúla ella á øðrum skeiðum eftir góðkenning frá Landsskúlafyrisitingini.
§ 2. Ein og hvør, sum hevur lokið skylduga skúlagongd fólkaskúlans, og hevur fylt 18 ár, kann verða tikin upp til dugnaskaparútbúgving í motorpassing.
§ 3. Frálærutíðin er 160 tímar og fatar um:
1) Maskinlæru
2) Ravmagnslæru
3) Kølitøkni
4) Eldsløkking
5) Tænastukunnleika
§ 4. Til dugnaskaparroynd í motorpassing verða 2 próvtøl givin:
|
Maskinlæra og kølitøkni |
1 próvtal í skrivligum |
|
Maskinlæra, kølitøkni, ravmagnslæra og tænastukunnleiki |
1 próvtal |
§ 5. Henda kunngerð fær gildi dagin eftir, at hon er kunngjørd og samstundis fer úr gildi kunngerð nr. 130 frá 14. september 1992 um dugnaskaparútbúgving í motorpassing.
