Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
20. november 2007Nr. 104
Løgtingslóg um broyting í løgtingslóg um framleiðslu, flutning og veiting av ravmagni
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 59 frá 7. juni 2007 um framleiðslu, flutning og veiting av ravmagni verða gjørdar hesar broytingar:
1) Í § 5 verður aftaná stk. 1 sum nýtt stk. sett:
“Stk. 2. Loyvi eftir § 4 til framleiðslu av ravmagni úr vindorku verða veitt eftir, at alment er lýst eftir umsóknum. Áðrenn lýst verður eftir umsóknum, skal landsstýrismaðurin ráðføra seg við SEV, sbrt. § 11, stk. 3”.
2) Í verandi stk. 2, pkt. 3 verða orðini “eftir stk. 2” strikað, og verandi stk. 2 og 3 verða hereftir stk. 3 og 4.
§ 2
Henda løgtingslóg kemur í gildi dagin eftir, at hon er kunngjørd.
Tórshavn, 20. november 2007
Jóannes Eidesgaard (sign.)
løgmaður
/ Bjarni Djurholm (sign.)
Lm. nr. 32/2007
