Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
26. november 2010Nr. 107
Løgtingslóg um broyting í løgtingslóg um skatt av rentutryggingum v.m.
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 51 frá 29. desember 1971 um skatt av rentutryggingum v.m., sum seinast broytt við løgtingslóg nr. 181 frá 22. desember 2009, verða gjørdar hesar broytingar:
1) § 14, stk. 1 verður orðað soleiðis:
“Fyri lutaeftirlønarskipanir sbrt. § 1 D verður sett eitt samlað hámark fyri loyvdum inngjaldi við frádráttarrætti í skattskyldugu inntøkuni. Hámarkið um árið er kr. 100.000 fyri árini 2010 og 2011. Ov nógv inngoldin upphædd, ið ikki kann geva frádrátt í skattskyldugu inntøkuni fyri árini 2010 og 2011, verður goldin út aftur uttan avgjald. Henda áseting er eisini samsvarandi galdandi fyri § 1 A”.
2) Í § 14, stk. 6 verður aftaná “verður fyri” sett: “2010 og 2011”.
3) Í § 14, stk. 7 verður aftaná “ 2010” sett: “og 2011”.
§ 2
Henda løgtingslóg kemur í gildi 1. januar 2011.
Tórshavn, 26. november 2010
Kaj Leo Johannesen (sign.)
løgmaður
Lm. nr. 39/2010
