Løgtingslóg nr. 118 frá 15. desember 2014 um broyting í løgtingslóg um skatt av rentutryggingum v.m.

15. desember 2014Nr. 118

Løgtingslóg um broyting í løgtingslóg um skatt av rentutryggingum v.m.

(Rentutryggingarlógin)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 51 frá 29. desember 1971 um skatt av rentutryggingum v.m., sum seinast broytt við løgtingslóg nr. 158 frá 20. desember 2013 verða gjørdar hesar broytingar:

1.    § 1 I, verður strikað.

2.    Í § 7, stk. 1 verður sum 4. pkt. sett:

“1. pkt. er ikki galdandi, um eingin frádráttur er veittur við inngjald.”

§ 2

Stk. 1. Henda løgtingslóg kemur í gildi dagin eftir, at hon er kunngjørd.

Stk. 2. § 1, nr. 2 er galdandi, hóast inngjøldini fóru fram, áðrenn hendan løgtingslóg kom í gildi.

Í Tinganesi, 15. desember 2014

Kaj Leo Holm Johannesen (sign.)

løgmaður

Lm. nr. 46/2014