Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
10. december 2003Nr. 124
Løgtingslóg um broyting í løgtingslóg um frítíðarundirvísing
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 70 frá 30. juni 1983 um frítíðarundirvísing v.m., sum broytt við løgtingslóg nr. 67 frá 20. mai 1996, verða gjørdar hesar broytingar:
1. Í § 13, stk. 1 verða orðini “Leiðarin av kommununnar skúlaverki” broytt til: “Skúlaleiðarin ella annað fólk, ið hevur samsvarandi útbúgving,”
2. § 13, stk. 2 verður orðað soleiðis:
“Stk. 2. Um so er, at ein kommuna hevur fleiri skúlaleiðarar, so setir kommunan ein av skúlaleiðarunum ella annað fólk, ið hevur samsvarandi útbúgving, at taka sær av tí í stk. 1 nevnda verkevni. Landsstýrismaðurin skal góðkenna setanina.”
§ 2
Henda løgtingslóg kemur í gildi dagin eftir, at hon er kunngjørd.
Tórshavn, 10. december 2003
Anfinn Kallsberg (sign.)
løgmaður
Lm. nr. 25/2003
