Løgtingslóg nr. 131 frá 20. desember 2016 um broyting í løgtingslóg um Búskapargrunn Føroya

Nr. 131                                                                                                             20. desember 2016

Løgtingslóg um broyting í løgtingslóg um Búskapargrunn Føroya

(Partur av avlopi landskassans í búskapargrunn)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 82 frá 7. juni 2011 um Búskapargrunn Føroya, sum broytt við løgtingslóg nr. 170 frá 23. desember 2011, verða gjørdar hesar broytingar:

1.    § 2 verður orðað soleiðis:

“§ 2. Serinntøkur landsins verða settar til síðis á fíggjarlóg og í roknskapi landsins á serstaka kontu, nevnd Búskapargrunnur Føroya.

Stk. 2. Serinntøkur eru:

1)    Inntøkur frá kolvetnisútvinningi

2)    ágóði av einskiljing landsins

3)    játtan á fíggjarlóg

4)    inntøka av íløgurøkt grunsins

Stk. 3. Umframt serinntøkurnar í stk. 2, skal partur av avlopinum hjá landskassanum flytast í Búskapargrunn Føroya:

1)    20 prosent av uppgjørda RLÚ I úrslitinum, tá ið avlopið er millum 0 og 200 mió. kr.

2)    50 prosent av tí parti av RLÚ I úrslitinum, ið er oman fyri 200 mió. kr.”

2.    Í § 5, stk. 2 verður 2. pkt. orðað soleiðis:

“Landsbanki Føroya umsitur grunnin.”

§ 2

Henda løgtingslóg kemur í gildi 1. januar 2017.

Í Tinganesi, 20. desember 2016

Aksel V. Johannesen (sign.)

løgmaður

Lm. nr. 12/2016