Løgtingslóg nr. 137 frá 20. desember 2012 um broyting í løgtingslóg um tryggingarvirksemi

20. desember 2012Nr. 137

Løgtingslóg um broyting í løgtingslóg um tryggingarvirksemi

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 55 frá 9. juni 2008 um tryggingarvirksemi, sum broytt við løgtingslóg nr. 69 frá 27. mai 2011, verða gjørdar hesar broytingar:

 

1)   § 1, stk. 1 verður orðað soleiðis:
”§ 1. Henda løgtingslóg er galdandi fyri tryggingarvirksemi, tryggingarmeklaravirksemi, umframt virksemi, sum er fevnt av stk. 2-6.”

 

 

2)   Í § 1, stk. 2 verður aftaná ”49, stk. 4,” sett ”§ 56, stk. 1, nr. 9, og stk. 2, §§ 61a-61c,”, og aftaná ”§ 74,” verður sett ”§ 105 a,” og aftaná ”kapittul 13,” verður sett: “§ 133, stk. 3,”.

 

 

3)   Í § 1, stk. 3 og § 22, stk. 6 verður ”partafelagslógini” broytt til: ”vinnufelagslógini”.

 

 

4)   § 1, stk. 4 verður orðað soleiðis:
”Stk. 4. Um ein sínámillum avtala er gjørd millum Føroyar og ES, ella Føroyar gera beinleiðis avtalur við einstøk ES-lond ella við lond, sum ES hevur avtalu við, eru §§ 22, 24, 25-28, 35-36, 39-45, 190, 193, stk. 1, 2, 4 og 5, § 201og §§ 214-216 galdandi fyri deildir í Føroyum hjá tryggingarfeløgum, ið hava fingið loyvi at reka tryggingarvirksemi í einum ES-landi ella í einum landi, sum ES hevur avtalu við á fíggjarøkinum, í tann mun føroysk tryggingarfeløg hava sama rætt í viðkomandi landi.”

 

 

5)   § 1, stk. 5 verður orðað soleiðis:
”Stk. 5. Um ein sínámillum avtala er gjørd millum Føroyar og ES, ella Føroyar gera beinleiðis avtalur við einstøk ES-lond ella við lond, sum ES hevur avtalu við, eru §§ 23, 28, 35, 36, 39-45 og § 193, stk. 1, galdandi fyri tænastuveitingar í Føroyum, sum eitt tryggingarfelag veitir, har loyvi er fingið í einum ES-landi ella í einum landi, sum ES hevur avtalu við, í tann mun føroysk tryggingarfeløg hava sama rætt í viðkomandi landi.”

 

 

6)   § 1, stk. 7 verður orðað soleiðis:
”Stk. 7. Reglur um nevndina ella nevndarlimir, og reglur um leiðsluna í § 10, stk. 1, nr. 2, §§ 49, 50, 57-59, 64, 67 og 107, nr. 2, § 108, nr. 2, §§ 112, 113 og 141, § 167, stk. 1, § 177, § 192, stk. 2 og 3, § 195, stk. 2, nr. 2, § 197, § 202, stk. 2, nr. 9, og stk. 3, § 203 og §§ 215-216 eru við neyðugum tillagingum eisini galdandi fyri innanhýsis eftirlitið ella limir tess í SE-feløgum, sum hava eina tvístreingjaða leiðsluskipan, umframt leiðslubólkin og limirnar.”

 

 

7)   Í § 1 verður sum stk. 8 sett:
”Stk. 8. § 193, stk. 1 og 5 eru galdandi fyri veitarar og undirveitarar hjá útveitingarfeløgum, sbr. § 5, stk. 1, nr. 14 og 15.“

 

 

8)   Í § 2 verður aftaná ”46,” sett ”46a-c,”.

 

 

9)   Í § 4, stk. 2, verður ”partafelagslógini” broytt til: ”løgtingslógini um parta- og smápartafeløg (vinnufelagslógini)”, og ”§ 49, stk. 3 í partafelagslógini” broytt til: ”§ 141 í vinnufelagslógini”.

 

 

10) § 5, stk. 1, nr. 1 verður orðað soleiðis:
”1) Móðurfelag:
Eitt felag, sum hevur eitt ella fleiri dótturfeløg.”

 

 

11) § 5, stk. 1, nr. 2, verður orðað soleiðis:
”2) Dótturfelag:
Eitt felag, sum móðurfelagið hevur avgerandi ávirkan á.”

 

 

12) § 5, stk. 1, nr. 3 verður orðað soleiðis:
”3) Samtøka:
Eitt móðurfelag og dótturfeløg tess, sbrt. § 5 a.”

 

 

13) § 5, stk. 1, nr. 4, litra a verður orðað soleiðis:
“4) Fíggjarligur haldfelagsskapur:
Eitt móðurfelag, ið ikki er eitt tryggingarfelag í einari samtøku, har í minsta lagi eitt av dótturfeløgunum í samtøkuni er eitt tryggingarfelag, og har í minsta lagi 40 prosent av samlaða fíggjarjavnanum fyri samtøkuna, og afturatknýtt feløg hjá móðurfelagnum viðvíkja tryggingarfelag, sbr. tó stk. 7, ella”

 

 

14) § 5, stk. 1, nr. 4, litra b verður orðað soleiðis:
”eitt móðurfelag, hvørs virksemi bara, ella fyrst og fremst, er at eiga fæfeingislutir í dótturfeløgum, ið eru tryggingarfeløg.”

 

 

15) Í § 5, stk. 1 verður sum nr. 11 sett:
”11) Captivt endurtryggingarfelag:
Eitt tryggingarfelag, hvørs virksemi er avmarkað til at endurtryggja tryggingarváða í samtøkuni, sum felagið er partur av, um ikki onnur tryggingarfeløg eru í hesi samtøkuni.”

 

 

16) Í § 5, stk. 1 verða sum nr. 12-15 sett:
”12) Útveiting:
Tá ið felag flytur týðandi virkisøki, sum Tryggingareftirlitið hevur eftirlit við, til ein veitara.

13) Útveitingarvirksemi:
Tá ið tryggingarfelag útveitir virksemi til ein veitara.

14) Veitari:
Felag, ið røkir útveittar uppgávur fyri útveitingarfelagið.

15) Víðariútveiting:
Tá ið veitari útveitir tær uppgávur, sum hann røkir sambært avtalu við útveitingarfelagið, til ein undirveitara, og undirveitarin møguliga útveitir uppgávurnar víðari til annan undirveitara, og útveiting heldur fram soleiðis niður gjøgnum fleiri røð av undirveitarum.”

 

 

17) Í 5, stk. 1 verður sum nr. 16 sett:
”16) Tryggingarmeklaravirksemi:
Felag, sum fremur vinnuliga miðlan av tryggingum, sum, ímóti viðurgjaldi, fevnir um tað virksemi at leggja fram, skjóta upp ella fremja byrjunararbeiðið í sambandi við gerð av tryggingaravtalum, ella at gera slíkar avtalur ella at hjálpa til við umsitingini og fulnaðinum av slíkum avtalum, serliga í skaðaføri.”

 

 

18) Í § 5, stk. 3 verður “skikkaðan” broytt til: “kvalifiseraðan”.

 

 

19) § 5, stk. 6 verður strikað.
Stk. 7-8 verða eftir hetta stk. 6 og 7.

 

 

20) Í § 5, stk. 6, nr. 4 verður ”§§ 84-85” broytt til: ”§ 83”.

 

 

21) Í § 5, stk. 6, nr. 5 verður ”88” broytt til: ”83”.

 

 

22) Í § 5, stk. 6, nr. 6 verður ”89” broytt til: ”83”.

 

 

23) Í § 5, stk. 6, nr. 7 verður ”§§ 87 og 91” broytt til: ”§ 83”.

 

 

24) Í § 5, stk. 6, nr. 8 verður ”86” broytt til: ”83”.

 

 

25) Í § 5, stk. 6, nr. 1 verður “gjaldføriskrav” broytt til: ”solvenskrav” og ”gjaldføristørvur” broytt til: ”solvenstørvur”.

 

 

26) Aftaná § 5 verður sett:

”Samtøkur

§ 5 a. Eitt móðurfelag er saman við einum ella fleiri dótturfeløgum ein samtøka. Feløg kunnu bert hava eitt beinleiðis móðurfelag. Um fleiri feløg lúka eina ella fleiri av treytunum í § 5 b, er tað bert tað felagið, sum hevur avgerandi ávirkan á fíggjarligu og rakstrarligu avgerðirnar hjá felagnum, sum verður roknað sum móðurfelag.

§ 5 b. Við avgerandi ávirkan er at skilja heimildin at stýra fíggjarligu og rakstrarligu avgerðunum í einum dótturfelag.
Stk. 2. Avgerandi ávirkan í mun til eitt dótturfelag er til staðar, tá ið móðurfelagið beinleiðis ella óbeinleiðis gjøgnum eitt dótturfelag eigur meira enn helvtina av atkvøðurættindunum í einum felag, uttan so, at tað í serligum førum greitt kann vísast á, at slíkur eigaraskapur ikki hevur avgerandi ávirkan.
Stk. 3. Um eitt móðurfelag ikki eigur meira enn helvtina av atkvøðurættindunum í einum felag, verður tað roknað sum avgerandi ávirkan, um móðurfelagið hevur
1) ræðið á meiri enn helvtini av atkvøðurættindunum sambært avtalu við aðrar íleggjarar,
2) heimild at stýra fíggjarligu og rakstrarligu viðurskiftunum í einum felag sambært viðtøku ella avtalu,
3) heimild at seta ella koyra frá meirilutan av limunum í ovasta leiðslubólkinum, og hesin bólkur hevur ta avgerandi ávirkanina á felagið, ella
4) ræðið á veruliga meirilutanum av atkvøðunum á aðalfundinum ella á einum samsvarandi stjórnarstigi og sostatt hevur ta veruligu avgerandi ávirkanina í felagnum.
Stk. 4. Hjáveran og ávirkanin av møguligum atkvøðurættindum, undir hesum tekningarrættur og forkeypsrættur til fæfeingislutir, ið beinanvegin kunnu gagnnýtast ella umsetast, skulu takast við, tá ið mett verður um, hvørt felagið hevur avgerandi ávirkan ella ikki.
Stk. 5. Tá ið atkvøðurættindi í einum dótturfelag verða gjørd upp, skulu tey atkvøðurættindi, sum eru knýtt at fæfeingislutum, ið dótturfelagið ella dótturfeløg tess eiga, ikki íroknast.”

 

 

27) § 7, stk. 1, 1. pkt. verður orðað soleiðis:
”Feløg, ið reka tryggingarvirksemi, undir hesum endurtryggingarvirksemi, skulu hava loyvi at virka sum tryggingarfelag ella captivt endurtryggingarfelag, sbr. tó §§ 22 og 23.”

 

 

28) Í § 7, stk. 1, 2. pkt. verður ”tað virksemi” broytt til: ”teir tryggingarflokkar”.

 

 

29) Í § 7, stk. 3, 1. pkt. verður aftaná ”sínámillum felag,” sett ”, captivt endurtryggingarfelag”.

 

 

30) Í § 7, stk. 4 verður sett  aftaná 2. pkt.: ”Captiv endurtryggingarfeløg hava skyldu til at nýta heitið ”captivt endurtryggingarfelag.”.”

 

 

31) Í § 7, stk. 4 verður ”§ 153, stk. 2-6, í partafelagslógini” broytt til: ”§ 2, stk. 2-4, §§ 3 og 299 í vinnufelagslógini”.

 

 

32) Í § 7 verður sum stk. 6 sett:
”Stk. 6. Felag, sum hevur loyvi til tryggingarflokk 10 (ábyrgdartrygging fyri motorrikin akfør á landi), tó undantikin ábyrgdin hjá fraktførara, skal til eina og hvørja tíð hava eitt skaðaumboð í hvørjum ES-landi, og í londum, sum ES hevur gjørt avtalu við á fíggjarøkinum.”

 

 

33) Í § 8 verður sum 2. pkt. sett: ”Captiv endurtryggingarfeløg skulu vera partafeløg.”

 

 

34) Í § 8 verður  sum stk. 2 sett:
”Stk. 2. Tryggingarfeløg, sum eru nevnd í stk. 1, skulu hava nevnd og stjórn.”

 

 

35) § 9, stk. 1 verður orðað soleiðis:
”§ 9. Partapeningurin í tryggingarfeløgum skal allur vera inngoldin. Óevnislig ogn kann ikki verða nýtt at gjalda partapening við.”

 

 

36) Í § 9 verður sett sum stk. 2:
”Stk. 2. Í tryggingarfeløgum er loyvt at býta partapeningin sundur í partabrævaflokkar, sum hava ymisk atkvøðuvirði.”

 

 

37) Í § 9 verður sett sum stk. 3:
”Stk. 3. Eitt tryggingarfelag kann ikki móti viðurgjaldi ogna sær egin partabrøv sum ogn ella veð, um áljóðandi virði av samlaðu innistøðuni av partabrøvum felagsins og dótturfeløgum tess við hesum fer upp um 10 prosent. Upp í loyvdu goymsluna av egnum partabrøvum verða íroknað tey partabrøv, sum triðimaður hevur útvegað sær í egnum navni, men fyri rokning felagsins.”

 

38) § 10, stk. 1, nr. 3 verður orðað soleiðis:
“3) ognarar av kvalifiseraðum lutum sbrt. § 5, stk. 3, lúka treytirnar í § 46 a, stk. 1,”

 

 

39) Í § 10, stk. 2 verður “serstøku” broytt til “kvalifiseraðu”.

 

 

40) § 10, stk. 3 verður orðað soleiðis:
”Stk. 3. Vrakar Tryggingareftirlitið eina umsókn um loyvi, skal hetta verða grundgivið og fráboðað umsøkjaranum í seinasta lagi 6 mánaðir eftir, at umsóknin er móttikin, ella, um umsóknin er ófullfíggjað, í seinasta lagi 6 mánaðir eftir, at umsøkjarin hevur sent tær upplýsingar, sum eru neyðugar, til tess at avgerð kann verða tikin. Í øllum førum skal avgerð verða tikin í seinasta lagi 12 mánaðir eftir, at eftirlitið hevur fingið umsóknina. Um Tryggingareftirlitið ikki hevur tikið avgerð 6 mánaðir eftir, at fullfíggjað umsókn er móttikin, kann felagið leggja málið fyri rættin.”

 

 

41) § 12, stk. 2 verður orðað soleiðis:
“Stk. 2. Saman við umsókn um loyvi til tryggingarflokk 10 (ábyrgdartrygging fyri motorrikin akfør á landi) skulu vera upplýsingar um, hvønn persón felagið ætlar at tilnevna sum skaðaumboð í hvørjum einstøkum ES-landi og í londum, sum ES hevur gjørt avtalu við á fíggjarøkinum. Tryggingareftirlitið ásetir neyvari reglur um skaðaumboð og heimildir teirra.”

 

 

42) Í § 13 verður  sum nýtt stk. 3 sett:
”Stk. 3. Tryggingareftirlitið kann geva loyvi til, at eitt skaðatryggingarfelag, sum rekur virksemi gjøgnum eina deild í einum ES-landi ella einum landi, sum Føroyar hava gjørt avtalu við á fíggjarøkinum, kann nýta tryggingarhættir, ið samsvara við rættarreglunýtsluna í viðkomandi landi, hóast hetta ikki er loyvt í Føroyum.”

 

 

43) Í § 15, stk. 4, verður  sum 2. pkt. sett:
”Um grundarlagið undir útrokning av tryggingargjøldum, afturkeypsvirðum og tryggingarfrískjølsveitingum veitir møguleika fyri at býta inngoldna tryggingargjaldið sundur í ein lut, har garanteraða eftirlønin verður innvunnin, og ein lut, sum antin fer til tað kollektiva bonuspotentialið, ella til bonuspotentialið á tryggingarfrískjølsveitingum, so er tað nøktandi, at grundarlagið sum heild hvílir á tryggjandi fyritreytir.”

 

 

44) Í § 15 verður aftaná stk. 4 sum nýtt stk. sett:
”Stk. 5. Tá ið ein trygging er fevnd av stk. 4, 2. pkt., skal parturin av kollektivum bonuspotentiali og bonuspotentiali á tryggingarfrískjølsveitingum íroknast heilt við útrokning av afturkeypsvirðinum og við flyting frá einum felagi til annað felag, sbr. § 14, stk. 1, nr. 7.”
Stk. 5 og 6 verða eftir hetta stk. 6 og 7.

 

 

45) Í § 17, stk. 1, 1. pkt. verður ”verða §§ 3-13 í partafelagslógini” broytt til: ”verður kapittul 3 í vinnufelagslógini”.

 

 

46) Í § 17, stk. 1, 2. pkt. verður ”í partafelagslógini” broytt til: ”í vinnufelagslógini”.

 

 

47) Í § 17, stk. 2 verður ”í partafelagslógini” broytt til: ”í vinnufelagslógini”.

 

 

48) § 17, stk. 3 verður strikað.

 

 

49) Í § 22, stk. 3, § 23, stk. 2, nr. 1, § 30, stk. 2 og stk. 7 og í § 31, stk. 2 og 3 verður “gjaldførisprógv” broytt til: “solvensprógv”.

 

 

50) Í § 22, stk. 5 verður “gjaldførislyklatøl” broytt til: “solvenslyklatøl”.

 

 

51) § 23, stk. 6 verður orðað soleiðis:
”Stk. 6. Tilnevningin av nevnda umboði verður ikki í sjálvum sær mett sum stovnan av einum etableraðum handilsstaði, sbr. § 25.”

 

 

52) Í § 35, stk. 1 verður aftaná ”Tryggingarfeløg” sett ”tryggingarmeklarafeløg” og í stk. 2 verður aftaná ”tryggingarfeløgum” sett ”tryggingarmeklarafeløgum.”

 

 

53) § 42, stk. 1 verður orðað soleiðis:
”Eitt tryggingarfelag kann bara nýta eitt vinnurekandi virki til miðlan av tryggingarvørum, um virkið er skrásett í einum almennum yvirliti hjá Tryggingareftirlitinum yvir virki, sum miðla tryggingar.”

 

 

54) § 46 verður strikað, og í staðin verður § 46, § 46 a, § 46 b og 46 c sett:
”§ 46. Ein og hvør likamligur ella løgfrøðiligur persónur, ella likamligir og løgfrøðiligir persónar, sum í sátt og semju handla sínámillum, og sum beinleiðis ella óbeinleiðis ætla at ogna sær ein kvalifiseraðan lut, sbr. § 5, stk. 3, í einum tryggingarfelag ella einum haldfelagsskapi, skulu frammanundan søkja um góðkenning Tryggingareftirlitsins av ætlaðu ognanini. Sama er galdandi fyri eina øking av kvalifiseraða lutinum, ið hevur við sær, at hesin, aftaná ognanina, er farin ella fer upp um ávikavist 20 prosent, 33 prosent ella 50 prosent av partapeninginum ella atkvøðurættindunum, ella sum hevur við sær, at tryggingarfelagið ella haldfelagsskapurin verður eitt dótturfelag.
Stk. 2. Tryggingareftirlitið skal skrivliga vátta fyri móttøku av umsókn eftir stk. 1 í seinasta lagi 2 yrkadagar eftir, at umsóknin er móttikin. Sama er galdandi fyri móttøku av tilfari eftir stk. 4.
Stk. 3. Tryggingareftirlitið hevur, frá tí at skrivlig váttan fyri móttøku eftir stk. 2 er givin, og frá tí, at váttan fyri móttøku av øllum teimum skjølum, sum skulu vera løgd við umsóknini, er givin, eitt metingartíðarskeið upp á 60 yrkadagar at gera ta í § 46a nevndu meting. Samstundis, sum váttað verður fyri móttøku av umsóknini, sbr. stk. 2, skal Tryggingareftirlitið boða umsøkjaranum frá, nær metingartíðarskeiðið er úti.
Stk. 4. Tryggingareftirlitið kann fram til tann 50. yrkadagin í metingartíðarskeiðinum biðja um fleiri upplýsingar, sum eru neyðugar fyri metingina. Áheitanin skal vera skrivlig. Fyrstu ferð, slík áheitan verður sett fram, verður steðgur í metingartíðarskeiðinum í tíðarbilinum millum áheitanina og móttøkuna av svarinum. Steðgurin kann tó ikki fara upp um 20 yrkadagar, sbr. tó stk. 5.
Stk. 5. Tryggingareftirlitið kann leingja steðgin í metingartíðarskeiðinum sum nevnt í stk. 4 við upp til 10 yrkadøgum, um so er at:
1) umsøkjarin hevur heimstað ella er fevndur av lóggávu í einum landi uttan fyri ES, sum ES ikki hevur gjørt avtalu við á fíggjarøkinum, ella
2) umsøkjarin er ein likamligur ella løgfrøðiligur persónur, sum ikki hevur fingið loyvi at reka tað í § 7 nevnda virksemi í Føroyum, í einum ES-landi ella í einum landi, sum ES hevur gjørt avtalu við á fíggjarøkinum.
Stk. 6. Vrakar Tryggingareftirlitið eina umsókn um góðkenning av ætlaðari ognan, skal grundgevast skrivliga fyri hesum, eins og umsøkjarin skal hava fráboðan um avgerðina beinanvegin, tá ið henda fyriliggur. Fráboðast skal, áðrenn metingartíðarskeiðið er úti. Umsøkjarin kann biðja Tryggingareftirlitið almannakunngera grundgevingina fyri sýtingini.
Stk. 7. Hevur Tryggingareftirlitið ikki í metingartíðarskeiðinum skrivliga sýtt umsøkjaranum ætlaðu ognanina, verður ognanin at rokna sum góðkend.
Stk. 8. Tryggingareftirlitið kann, tá ið umsókn um ognan ella øking av luti verður góðkend eftir stk. 1, áseta freist fyri, nær ætlanin skal vera framd. Tryggingareftirlitið kann leingja slíka freist.
Stk. 9. Tryggingareftirlitið ásetir reglur um, nær ein ognan skal roknast upp í uppgerðina eftir stk. 1.

§ 46 a. Tá ið Tryggingareftirlitið metir um eina umsókn sambært § 46, stk. 1, skal Tryggingareftirlitið tryggja atlitið til eina skynsama og fullgóða umsiting av tí felagnum, ið ætlanin er at ogna sær lut í. Metingin skal harumframt fara fram við atliti til ta sannlíku ávirkanina, sum umsøkjarin fer at fáa á felagið, hvussu hóskiligur hann er til hetta virksemið og hvussu fíggjarligi soliditeturin verður aftaná ognanina í mun til hesi metingarstøði:
1) Umdømið hjá umsøkjaranum.
2) Umdømið og royndirnar hjá tí ella teimum persónum, sum aftaná ognanina fara at stjórna tryggingarfelagnum ella haldfelagsskapinum.
3) Fíggjarligu viðurskiftini hjá umsøkjaranum, serliga í mun til tað slag av virksemi, ið verður rikið ella sum ætlanin er at reka í tryggingarfelagnum ella haldfelagsskapinum, sum ætlanin er at ogna sær lutir í.
4) Hvørt felagið framvegis verður ført fyri at halda eftirlitskrøvini í lóggávuni, serliga um  tann samtøkan, ið felagið møguliga fer at gerast ein partur av, hevur ein bygnað, ið ger tað møguligt at fremja eitt munagott eftirlit og munagott umbýti av upplýsingum millum teir málføru myndugleikarnar, umframt at staðfesta, hvussu ábyrgdin skal verða býtt sundur millum teir myndugleikarnar, ið hava málsræðið.
5) Hvørt tað í sambandi við ætlaðu ognanina er orsøk til at halda, at hvítvasking av peningi ella fígging av yvirgangsvirksemi, sbr. §§ 6 og 7 í løgtingslóg um fyribyrgjandi tiltøk ímóti hvítvaski av vinningi og fígging av yvirgangi, fer at koma fyri.
Stk. 2. Tryggingareftirlitið kann sýta eini umsókn um góðkenning av ætlaðari ognan, um so er, grundað á krøvini í stk. 1, at rímilig orsøk er til at halda, at umsøkjarin fer at arbeiða ímóti eini skynsamari og fullgóðari umsiting av felagnum, sbr. stk. 1, ella um so er, at Tryggingareftirlitið ikki metir upplýsingarnar frá umsøkjaranum at vera nøktandi.
Stk. 3. Tryggingareftirlitið má ikki í metingini eftir stk.1 taka atlit til fíggjartørvin á marknaðinum.

§ 46 b. Ein og hvør likamligur ella løgfrøðiligur persónur ella likamligir og løgfrøðiligir persónar, sum í sátt og semju handla sínámillum, sum beinleiðis ella óbeinleiðis ætla at avhenda ein kvalifiseraðan lut, sbr. § 5, stk. 3, ella at minka um ein kvalifiseraðan lut í einum tryggingarfelag ella einum haldfelagsskapi, soleiðis at avhendingin hevur við sær, at markið upp á ávikavist 20 prosent, 33 prosent ella 50 prosent av partapeninginum ella atkvøðurættindunum ikki longur er rokkið, ella sum hevur við sær, at felagið ella haldfelagsskapurin ikki longur er eitt dótturfelag, skulu frammanundan boða Tryggingareftirlitinum skrivliga frá hesum og skulu tilskila, hvussu stórur fæfeingisluturin frameftir væntast at verða.

§ 46 c. Tá ið eitt tryggingarfelag ella ein fíggjarligur haldfelagsskapur fær kunnleika til ognan ella avhending av lutum, sum nevnt í § 46, stk. 1 og § 46 b, skal felagið ella haldfelagsskapurin beinanvegin boða Tryggingareftirlitinum frá hesum.
Stk. 2. Tryggingarfeløg og haldfelagsskapir skulu í seinasta lagi í februar mánaði lata Tryggingareftirlitinum nøvnini á teimum fæfeingisognarum, sum við árslok í undanfarna ári áttu ein kvalifiseraðan lut i tryggingarfelagnum ella haldfelagsskapinum, og upplýsa, hvussu stórar lutir, talan er um.”

 

 

55) Í § 47, stk. 1 verður ”arbeiða ímóti einari skynsamari og fullgóðari umsiting av felagnum” broytt til: ”ikki lúka krøvini í § 46a, stk. 1”.

 

 

56) Í § 48, stk. 1 verður “serligan” broytt til: “kvalifiseraðan”, og “serligum” broytt til: “kvalifiseraðum”.

 

 

57) § 49 verður orðað soleiðis:
”§ 49. Ein limur í nevndini ella stjórnini í einum tryggingarfelag skal hava nøktandi royndir til at røkja starvið ella uppgávuna í viðkomandi felagi.
Stk. 2. Nevndar- ella stjórnarlimir skulu lúka hesar treytirnar:
1) Nevndar- ella stjórnarlimi má ikki verða áløgd revsiábyrgd fyri brot á revsilógina, løgtingslóg um tryggingarvirksemi ella aðra viðkomandi lóggávu, um brotið hevur við sær vanda fyri, at viðkomandi ikki kann røkja starvið ella uppgávuna á trygdargóðan hátt.
2) Nevndar- ella stjórnarlimur má ikki hava fráboðað gjaldsteðg, hava latið inn umsókn um neyðskuldarsemju, konkurs ella skuldarumskipan ella vera farin í gjaldsteðg, undir konkursviðgerð, skuldarumskipan ella neyðskuldarsemju.
3) Nevndar- ella stjórnarlimur má ikki vegna sína fíggjarligu støðu ella umvegis eitt felag, sum viðkomandi eigur, luttekur í rakstrinum av ella hevur munandi ávirkan á, hava borið ella bera tryggingarfelagnum tap ella vanda fyri tapi.
4) Nevndar- ella stjórnarlimur má ikki hava sýnt ella sýna atburð, ið gevur orsøk til at halda, at viðkomandi ikki fer at røkja starvið ella uppgávuna á fullgóðan hátt. Tá ið mett verður um, hvørt ein nevndar- ella stjórnarlimur hevur sýnt ella sýnir skilaleysan atburð, skal dentur leggjast á atlitið at varðveita álitið á tryggingarøkið.
Stk. 3. Nevndar- ella stjórnarlimir í einum tryggingarfelag skulu geva Tryggingareftirlitinum upplýsingar um viðurskifti, nevnd í stk. 2, í sambandi við, at teir koma inn í leiðsluna í felagnum, og um viðurskiftini seinni verða broytt.
Stk. 4. Stk. 1, stk. 2, nr. 1, 2 og 4 og stk. 3 verða at nýta samsvarandi fyri nevndar- og stjórnarlimir í einum fíggjarligum haldfelagsskapi.
Stk. 5. Stk. 1-4 verða at nýta samsvarandi fyri aðalumboð, sbr. § 26.”

 

 

58) Í § 50 verður  sum stk. 2 sett:
”Stk. 2. Tryggingareftirlitið kann áseta reglur um innihaldið í starvsskipanini.”

 

 

59) Í § 51 verður ”§ 60, stk. 2 í partafelagslógini” broytt til: ”§ 135, stk. 2 í vinnufelagslógini”.

 

 

60) § 52, stk. 2 verður orðað soleiðis:
“Stk. 2. Stk. 1 er ikki galdandi fyri feløg, sum ein fíggjarligur haldfelagsskapur eigur 100 prosent, ella tryggingarfeløg í somu samtøku.”

 

 

61) Í § 53 verður ”§ 72, stk. 2 í partafelagslógini” broytt til: ”§ 92, stk. 2 og 3 í vinnufelagslógini”. 

 

 

62) § 55 verður orðað soleiðis:
”§ 55. Nevndin í einum tryggingarfelagi skal
1) áseta tey høvuðsvirkisøki, ið felagið skal virka innan,
2) eyðmerkja og kvantifisera týðandi váða í felagnum og áseta váðaprofilin hjá felagnum, undir hesum eisini áseta, hvønn og hvussu stóran váða, felagið kann átaka sær, og
3) áseta politikk fyri, hvussu felagið skal stjórna hvørjum høvuðsvirkisøki og tí váða, sum er knýttur at hesum, við atliti til samanspælið millum hesi.
Stk. 2. Við støði í ásetta váðaprofilinum og ásetta politikkinum skal nevndin í tryggingarfelagnum geva stjórnini skrivligar leiðreglur, sum í minsta lagi skulu fevna um
1) karmar, sum kunnu eftirkannast, fyri hvønn og hvussu stóran váða, stjórnin kann leggja á tryggingarfelagið,
2) meginreglurnar fyri uppgerð av einstøku váðasløgunum,
3) reglur fyri, hvørjar avgerðir krevja støðutakan nevndarinnar, og hvørjar avgerðir stjórnin kann taka sum part av starvi sínum, og
4) reglur fyri, hvussu og í hvønn mun stjórnin skal boða nevndini frá váðum tryggingarfelagsins, undir hesum eisini um nýtsluna av kørmunum í leiðreglunum fyri stjórnina og um at lúka tey mørk, sum eru ásett í lóggávuni viðvíkjandi teimum váðum, sum felagið kann átaka sær.
Stk. 3. Nevndin í tryggingarfelagnum skal støðugt taka støðu til, um váðaprofilur og politikkur felagsins, umframt leiðreglurnar fyri stjórnina, eru ráðiligar í mun til virksemi felagsins, bygnað og tilfeingi, undir hesum fæfeingi og likviditet, umframt tey marknaðarviðurskifti, sum virksemi felagsins verður rikið undir.
Stk. 4. Nevndin fyri tryggingarfelagnum skal støðugt meta um, hvørt stjórnin røkir uppgávur sínar í samsvari við ásetta váðaprofilin, ásetta politikkin og leiðreglurnar fyri stjórnina. Nevndin skal fremja nøktandi tiltøk, um hetta ikki er støðan.
Stk. 5. Tryggingareftirlitið kann áseta nærri reglur um tær skyldur, sum nevndin í einum tryggingarfelagi hevur sambært stk. 1-4.”

 

 

63) § 56 verður orðað soleiðis:
”§ 56. Eitt tryggingarfelag skal hava effektivar stýringshættir, undir hesum
1) ein greiðan bygnað við væl lýstum, gjøgnumskygdum og føstum ábyrgdarbýti,
2) eina góða umsitingarliga og roknskaparliga siðvenju,
3) skrivligar mannagongdir fyri alt høvuðsvirksemi,
4) effektivar mannagongdir til tess at eyðmerkja, umsita, eftiransa og rapportera um teir váðar, felagið er í ella kann koma í,
5) tað tilfeingið, sum er neyðugt til at útinna virksemi felagsins á rættan hátt og hóskandi nýtslu av hesum tilfeingi,
6) mannagongdir við atliti til at býta sundur virksemi í sambandi við handfaring og fyribyrging av áhugamálsósemjum,
7) nøktandi innanhýsis eftirlitsmannagongdir,
8) álítandi eftirlits- og trygdartiltøk á KT-økinum og
9) lønarpolitikk og –siðvenju, sum er í samsvari við og fremur góða og virkna váðastýring.
Stk. 2. Tryggingareftirlitið kann áseta nærri reglur um tey tiltøk, sum eitt tryggingarfelag og fíggjarligir haldfelagsskapir skulu fremja fyri at hava effektivar stýringshættir, sbr. stk. 1.
Stk. 3. Stk. 1, nr. 9 verður at nýta samsvarandi fyri fíggjarligar haldfelagsskapir.

 

 

64) Aftaná § 56 verður sett:
”§ 56 a. Landsstýrismaðurin ásetur nærri reglur um útveiting av:
1) ábyrgdini hjá útveitingarfelagnum og eftirlitinum við einum veitara, undir hesum víðariútveiting hjá hesum veitara,
2) skyldu útveitingarfelagsins at boða Tryggingareftirlitinum frá í seinasta lagi 8 yrkadagar eftir, at útveitingarsáttmálin er gjørdur,
3) innanhýsis leiðreglur hjá útveitingarfelagnum um útveiting, og
4) krøvunum, sum útveitingarfelagið skal tryggja sær, at veitarin í minsta lagi lýkur til eina og hvørja tíð, og sum skulu verða avtalað í útveitingarsáttmálanum.
Stk. 2. Tryggingareftirlitið kann taka avgerð um, at útveitingin hjá útveitingarfelagnum skal halda uppat innan ávísa freist, sum Tryggingareftirlitið setir, um so er, at útveitingarsáttmálin ella partar av honum ikki lúka treytirnar sambært stk. 1.”

 

 

65) Í § 58, stk. 1, 3. pkt. verður “at vera til staðar” broytt til: “at luttaka”.

 

 

66) Í § 59, stk. 3 verður aftaná ”§ 81” sett ”ella solvenstørvin eftir § 81, stk. 8”

 

 

67) Aftaná § 61 verður sett:
”§ 61 a. Tá ið tryggingarfeløg og fíggjarligir haldfelagsskapir løna nevndini, stjórnini og øðrum starvsfólkum, hvørs virksemi hevur týðandi ávirkan á váðaprofil felagsins, skal felagið tryggja sær, at hesar treytir eru loknar:
1) Variablu lønarpartarnir til ein nevndarlim ella stjórnina mugu í mesta lagi vera 50 prosent av ávikavist nevndarsamsýningini og føstu grundlønini, íroknað pensjón, sbr. tó § 61b, stk. 1.
2) Ásett verður hóskandi mark fyri variablum lønarpørtum til onnur starvsfólk, hvørs virksemi hevur týðandi ávirkan á váðaprofil felagsins.
3) Minst 50 prosent av einum variablum lønarparti til nevndina, stjórnina og onnur starvsfólk, sum hava týðandi ávirkan á váðaprofilin hjá felagnum, kann vera afturumsett skuld í tryggingarfelagnum.
4) Útgjald felagsins av í minsta lagi 40 prosentum av einum variablum lønarparti, tó um talan er um størri upphæddir, minst 60 prosentum, skal fara fram í einum tíðarskeiði, sum er í minsta lagi 3 ár við byrjan 1 ár eftir, at útrokningin er gjørd, fyri nevnd og stjórn tó í minsta lagi 4 ár, við einum jøvnum býti gjøgnum árini ella við einum vaksandi parti móti endanum av tíðarskeiðinum.
5) Felagið kann heilt ella partvíst lata vera við at útgjalda ein variablan lønarpart, um felagið, tá ið variabli lønarparturin skal verða útgoldin, ikki lýkur kapitalkravið í § 82 ella solvenskravið í § 81, stk. 7, ella um Tryggingareftirlitið metir, at nærstaddur vandi er fyri hesum.
6) Felagið skal ikki útgjalda nevndini og stjórnini variabla løn, um Tryggingareftirlitið eftir § 151, stk. 1 krevur, at felagið ger eina ætlan fyri endurreisn av fíggjarligu støðu felagsins.
Stk. 2. Fyri nevndina og stjórnina í tryggingarfeløgum og fíggjarligum haldfelagsskapum mugu partabrævaoptiónir og líknandi amboð í mesta lagi vera 12,5 prosent av ávikavist nevndarsamsýningini og føstu grundlønini, íroknað pensjón, tá ið hetta verður roknað.
Stk. 3. Tryggingarfeløg ella fíggjarligir haldfelagsskapir skulu tryggja sær, at partabrøv og amboð o.tíl., ið verða latin nevndini, stjórnini ella øðrum starvsfólkum, hvørs virksemi hevur týðandi ávirkan á váðaprofil felagsins, sum partur av variablu lønini, nevnd í stk. 1, nr. 3, ikki mugu avhendast av hesum persónum, áðrenn eitt hóskandi tíðarskeið er fráliðið, umframt at hesir persónar ikki mugu minka um tann váða, sum er knýttur at hesum partabrøvum og amboðum o.tíl.
Stk. 4. Tryggingarfelagið ella fíggjarligi haldfelagsskapurin skal tryggja sær, at útgjaldið av tí í stk. 1, nr. 4 útsetta variabla lønarpartinum til nevndina, stjórnina og onnur starvsfólk, hvørs virksemi hevur týðandi ávirkan á váðaprofil felagsins, er treytað av, at tey metingarstøði, ið hava verið grundarlag undir útrokningini av variabla lønarpartinum, framhaldandi eru lokin, tá ið útgoldið verður, umframt at útgjaldið er treytað av, at fíggjarliga støða felagsins ikki er munandi versnað í mun til tíðarskeiðið, tá ið variabli lønarparturin varð útroknaður.
Stk. 5. Tryggingarfelagið ella fíggjarligi haldfelagsskapurin skal tryggja sær, at nevndin, stjórnin og onnur starvsfólk, hvørs virksemi hevur týðandi ávirkan á váðaprofil felagsins, og sum fáa variabla løn, heilt ella partvíst skulu gjalda aftur variablu lønina, um variabla lønin er útgoldin við støði í úrsliti, ið er grundað á skeivar upplýsingar, sum kunnu skjalprógvast, og um móttakarin er í óndari trúgv.
Stk. 6. Tryggingarfelagið ella fíggjarligi haldfelagsskapurin skal tryggja sær, at um nevndin, stjórnin og onnur starvsfólk, hvørs virksemi hevur týðandi ávirkan á váðaprofil felagsins, fáa eina pensjónsveiting, sum heilt ella partvíst kann javnsetast við variablar lønarpartar, sbr. stk. 7, skal felagið, um móttakarin fer úr felagnum áðrenn pensjónsaldur, halda eftir henda partin av pensjónsveitingini í 5 ár sum amboð, nevnd í stk. 1, nr. 3. Stk. 4 og 5 verða at nýta samsvarandi fyri tey í 1. pkt. nevndu føri. Um móttakarin er nevndarlimur ella starvsfólk í felagnum við pensjónsaldur, skal felagið gjalda móttakaranum variabla partin av pensjónsveitingini sum tey í stk. 1, nr. 3 nevndu amboð uttan møguleika fyri avhendan ella nýtslu í einum tíðarskeiði upp á 5 ár. Stk. 5 verður at nýta samsvarandi fyri tey í 3. pkt. nevndu føri.
Stk. 7. Variablir lønarpartar eru at skilja sum lønarskipanir, har ið endaliga lønin ikki kann ásetast frammanundan, undir hesum bonusskipanir, úrslitasáttmálar og tílíkar skipanir. Ein variabul lønarpartur, sum er úrslitatreytaður, skal ásetast við støði í eini meting av úrslitunum hjá viðkomandi móttakara, úrslitunum í deildini hjá viðkomandi og í úrslitum felagsins.
Stk. 8. Tryggingareftirlitið kann áseta nærri reglur um tey í stk. 1-7 nevndu viðurskifti.
Stk. 9. Stk. 1-7 verða einans at nýta fyri starvssetanir, sum ikki eru fevndar av kollektivum lønarsáttmálum. Stk. 1-7 verða bert at nýta fyri avtalur um variablar lønarpartar fyri starvsfólk, ið eru fevnd av kollektivum lønarsáttmálum, um avtalan um variabla løn ikki er ásett í sáttmálanum.

§ 61 b. Tryggingarfeløg og fíggjarligir haldfelagsskapir, hvørs kapitalpartar eru upptiknir til handils á einum reguleraðum marknaði, ella sum seinastu 2 roknskaparárini, tá ið javnin varð gjørdur upp, í miðal hava havt 1.000 ella fleiri fulltíðarsett starvsfólk, skulu seta eina lønarnevnd, sbr. tó stk. 2.
Stk. 2. Í samtøkum við fleiri feløgum, sum eftir stk. 1 hava skyldu til at seta eina lønarnevnd, kann tó verða sett ein felags lønarnevnd fyri hesi feløg í samtøkuni ella part av hesi. Lønarnevndin skal bygnaðarliga vera staðsett í einum felagi, ið er undir eftirliti Tryggingareftirlitsins, tó ikki í einum fíggjarligum haldfelagsskapi, og skal vera í einum felagi, ið er móðurfelag fyri hini feløgini, sum nevndin er sett fyri.
Stk. 3. Formaðurin og limirnir í lønarnevndini skulu vera nevndarlimir í tí felagnum, sum setir lønarnevndina, ella nevndarlimir í feløgunum, sum eftir stk. 2 hava felags løningarnevnd. Lønarnevndin skal mannast soleiðis, at limirnir eru førir fyri at gera eina skikkaða og óhefta meting av, um løn felagsins, undir hesum lønarpolitikkur og tilhoyrandi virkismannagongdir, eru í samsvari við § 56, stk. 1, nr. 9 og § 61a.
Stk. 4. Lønarnevndin skal standa fyri tí fyrireikandi arbeiðinum, sum nevndin tekur avgerð um viðvíkjandi løn, undir hesum um lønarpolitikk og aðrar avgerðir, sum kunnu hava ávirkan á váðastýring felagsins. Nevndin kann átaka sær aðrar uppgávur viðvíkjandi løn. Nevndin skal í fyrireikandi arbeiði sínum røkja langtíðaráhugamál felagsins, undir hesum eisini í mun til partaeigarar og aðrar íleggjarar.

§ 61 c. Áðrenn eitt tryggingarfelag ella ein fíggjarligur haldfelagsskapur ger eina avtalu um variabla løn ella fráfaringarsamsýning við ein nevndar- ella stjórnarlim, skal evsti myndugleiki felagsins hava góðkent lønarpolitikk felagsins, sbr. § 56, stk. 1, nr. 9, undir hesum leiðreglur um tillutan av variablari løn og leiðreglur um fráfaringarsamsýningar.
Stk. 2. Í einum tryggingarfelagi ella fíggjarligum haldfelagsskapi skal nevndarformaðurin í síni frágreiðing til evsta myndugleika felagsins greiða frá lønini til nevnd og stjórn. Í frágreiðingini skulu vera upplýsingar um lønina í farna roknskaparári og um væntaðu lønina í verandi og komandi roknskaparári.
Stk. 3. Tryggingarfeløg og fíggjarligir haldfelagsskapir skulu í ársfrásøgnini almannakunngera samlaðu samsýningina fyri hvønn einstakan nevndar- og stjórnarlim, sum viðkomandi sum liður í starvinum hevur fingið tillutað frá felagnum í roknskaparárinum, og sum viðkomandi í sama roknskaparári hevur fingið tillutað sum nevndar- ella stjórnarlimur í einum felag innan fyri somu samtøku.
Stk. 4. Tryggingareftirlitið ásetir reglur um skylduna hjá tryggingarfeløgum og fíggjarligum haldfelagsskapum at almannakunngera upplýsingar um samsýningina av nevnd, stjórn og øðrum starvsfólkum, hvørs virksemi hevur týðandi ávirkan á váðaprofil felagsins.”

 

 

68) Í § 62, stk. 4 verður aftaná ”samlívi” sett inn ”í minst 2 ár”.

 

 

69) Í § 63 verður ”í partafelagslógini” broytt til: ”í vinnufelagslógini”.

 

 

70) § 65, stk. 4, verður orðað soleiðis:
”Stk. 4. Tann ábyrgdarhavandi tryggingarfrøðingurin skal ansa eftir, at felagið heldur sítt tøkniliga grundarlag o.a. Tryggingarfrøðingurin skal í hesum sambandi gjøgnumganga tað tryggingartøkniliga innihaldið í virksemi og tilfari felagsins og ansa eftir, at tað tøkniliga grundarlagið o.a., sbr. § 14, altíð samsvarar við krøvini, nevnd í § 15, stk. 1-6.”

 

 

71) § 67 verður orðað soleiðis:
”§ 67. § 199 í vinnufelagslógini er ikki galdandi, tá ið eitt tryggingarfelag útvegar sær egin partabrøv.
Stk. 2. Útvega nevndarlimir, umboð ella stjórar sær, gjøgnum luttøku í umboðs- ella meklaravirksemi, ella við fíggjarligum áhugamálum í slíkum feløgum, umboðsløn ella aðra inntøku av tryggingum, ið felagið yvirtekur ella letur frá sær, skal fráboðan um hetta sendast Tryggingareftirlitinum.”

 

 

72) Í § 69 verður ”§ 4 í partafelagslógini” broytt til: ”§§ 25 og 26 í vinnufelagslógini”.

 

73) Í § 70, stk. 1 verður ”§ 38 í partafelagslógini” broytt til: ”§ 159 í vinnufelagslógini”. 

 

 

74) § 71, stk. 1 verður orðað soleiðis:
”§§ 77 og 86-88, § 89, stk. 1 og 3, §§ 92 og 93, § 94, stk. 1, § 95, § 96, stk. 1, § 100, § 101, stk. 1-4 og 8, § 102, stk. 1-3, § 105, § 111, stk. 1, nr. 1 og stk. 2 og 4, §§ 112-115, § 117, stk. 1, §§ 118-122, 124-128, 131, 133 og 134, § 135, stk. 1-3 og 5, og §§ 136-141 og 143 í vinnufelagslógini eru, við teimum neyðugu tillagingunum og teimum frávikum, sum ásetingarnar í hesi lóg hava við sær, somuleiðis galdandi fyri sínámillum tryggingarfeløg.”

 

 

75) Í § 71, stk. 3 verður ”§ 65, stk. 2, § 66, § 71, § 73, stk. 6, § 74, § 75, stk. 1 og 3, § 76, stk. 2, § 80 og § 81 í partafelagslógini” broytt til: ”§ 76, stk. 2, 3 og 5, § 80, stk. 1-4, § 81, § 90, stk. 1 og 2, §§ 91, 98 og 99, § 101, stk. 1, 2 og 4, § 102, stk. 1-3, og §§ 108, 109, 125 og 126 í vinnufelagslógini”.

 

 

76) Í § 71, stk. 5 verður ”§§ 112 og 113 í partafelagslógini” broytt til: ”§ 180, stk. 1, og § 194 í vinnufelagslógini”.

 

 

77) Í § 73, stk. 2 verður ”§ 49, stk. 6 í partafelagslógini” broytt til: ”§ 120, stk. 1 og 3 í vinnufelagslógini”.

 

 

78) Í § 75 verður aftaná stk. 2 sum nýtt stk. sett:
”Stk. 3. Tryggingarfeløg  og eftirlønargrunnar kunnu í sambandi við ráðgeving um lívstryggingar- og eftirlønarskipanir umframt persónstryggingar, ið eru partur av slíkum skipanum, lata víðari upplýsingar um kundaviðurskifti til tryggingarfeløg, sum tryggingarfelagið ella eftirlønargrunnurin eru samtøkuknýtt at, ella til umsitingarfelagið í einum tryggingarumsitingarfelagsskapi. Upplýsingar um heilsulig viðurskifti ella aðrar viðkvæmar upplýsingar kunnu ikki latast víðari uttan kundans samtykki.”
Stk. 3 og 4 eftir hetta stk. 4 og 5.

 

 

79) Í § 75, stk. 3, sum verður stk. 4, verður ”stk. 1 og 2” broytt til: ”stk. 1-3”.

 

 

80) Í § 78, stk. 1 verður aftaná ”samtykki” sett ”, sbr. tó § 75, stk. 3.”

 

 

81) Í yvirskriftini til kapittul 10 verður “Gjaldføri” broytt til: “Solvens”.

 

 

82) Í § 81, stk. 2, nr. 4, litra a verður ”53,1” broytt til: ”57,5”.

 

 

83) Í § 81, stk. 2, nr. 4, litra b verður ”37,2” broytt til: ”40,3”.

 

 

84) Í § 81, stk. 2, nr. 5 og 7 verður ”3,2” broytt til: ”3,5”.

 

 

85) Í § 81, stk. 2, nr. 6 verður ”2,2” broytt til: ”2,3”.

 

 

86) Í § 81, stk. 2 verður aftaná nr. 8 sett:
”9) 1 millión evrur fyri captiv endurtryggingarfeløg.” 

 

 

87) Í § 81, stk. 3 verður “gjaldføriskravið” broytt til: “solvenskravið”.

 

 

88) Í § 81, stk. 3, 4, 5 og 6 verður ”stk. 1” broytt til: ”stk. 2”.

 

 

89) Í § 81, stk. 4 verður ”7” broytt til: ”9”.

 

 

90) Í § 81, stk. 8 verður “gjaldføristørvurin” broytt til: “solvenstørvurin”

 

 

91) Í § 81, stk. 9 verður “gjaldføriskrav” broytt til: “solvenskrav”.

 

 

92) Í § 81 verður  sum stk. 10 sett:
”Stk. 10. Tær í stk. 2, nr. 4-9 nevndu upphæddir verða ásettar í samsvari við avgerð, sum verður tikin av European Insurance and Occupational Pensions Committee. Landsstýrismaðurin kunnger, hvørjar upphæddir skulu vera galdandi frá byrjanini av komandi roknskaparári.”

 

 

93) Í § 82 verður “gjaldføriskravinum” broytt til: “solvenskravinum”.

 

 

94) § 83 verður strikað, og í staðin verður § 83 og § 83a sett:
“§ 83. Grundarfæfeingið er kjarnufæfeingið lagt aftur at ískoytisfæfeinginum við frádrátti.
Stk. 2. Tryggingareftirlitið ásetur reglur um uppgerð av grundarfæfeinginum, undir hesum veruligt kjarnufæfeingi og ískoytisfæfeingi.

§ 83 a. Tryggingareftirlitið kann áseta reglur um, at tryggingarfeløg kunnu skriva út skuldarbrøv við treytum um umskifti til partapening, ábyrgdarpening ella lutapening, undir hesum í hvønn mun kapittul 10 í vinnufelagslógini verður at nýta.”

 

 

95) §§ 84-91 verða strikaðar.

 

 

96) § 93 verður orðað soleiðis:
”§ 93. Tryggingareftirlitið ásetur neyvari reglur um:
1) uppgerð av váðamettu postunum,
2) uppgerð eftir § 81, stk. 1 og 8,
3) fráboðan um váðamettu postarnar, fæfeingiskravið, solvenstørvin og grundarfæfeingið,
4) treytir fyri lækkan av minsta fæfeingiskravinum, sbr. § 81, stk. 5.”

 

 

97) § 98, stk. 1, nr. 2 verður orðað soleiðis:
”2) Lánsbrøv, upptikin til handils á einum reguleraðum marknaði í einum ES-landi ella í einum landi, ið ES hevur gjørt avtalu við á fíggjarøkinum, ella á samsvarandi marknaðum í øðrum londum, og sum altjóða felagsskapir, ið hava í minsta lagi eitt ES-land sum lim, hava givið út.”

 

 

98) § 98, stk. 1, nr. 8 verður orðað soleiðis:
” 8) Lutir í
a) íløgustovnum, ið eru fevndir av samveldisrættarligum reglum, peningamarknaðarfeløgum, íløgufeløgum og góðkendum fámannafeløgum ella deildum, sbr. anordning om ikrafttræden for Færøerne af lov om investeringsforeninger og specialforeninger samt andre kollektive investeringsordninger m.v.,
b) plaseringsfeløgum og professionellum feløgum ella deildum, sum í viðtøkunum hava ásetingar um amboð og váðaspjaðing, sum samsvara við tær, ið eru galdandi fyri íløgufeløg, peningamarknaðarfeløg og íløgustovnar, ella ásetingar um váðaspjaðing, ið samsvara ásetingunum í § 106, stk. 3 og 4 í anordning om ikrafttræden for Færøerne af lov om investeringsforeninger og specialforeninger samt andre kollektive investeringsordninger m.v., og
c) øðrum feløgum ella deildum, um hesi feløg í sínum viðtøkum hava ásetingar um amboð og váðaspjaðing, ið samsvara við tað, sum er galdandi fyri íløgufeløg, peningamarknaðarfeløg og íløgustovnar, ella ásetingar um váðaspjaðing, ið samsvara við ásetingarnar í § 106, stk. 3 og 4 í anordning om ikrafttræden for Færøerne af lov om  investeringsforeninger og specialforeninger samt andre kollektive investeringsordninger m.v.”

 

 

99) § 98, stk. 1, nr. 9-13 verður orðað soleiðis:
”9) Onnur lánsbrøv ella lán, upptikin til handils á einum reguleraðum marknaði í einum ES-landi ella í einum landi, ið ES hevur gjørt avtalu við á fíggjarøkinum, ella á samsvarandi marknaðum í øðrum londum innan A-økið.
10) Fæfeingislutir, upptiknir til handils á einum reguleraðum marknaði í einum ES-landi ella í einum landi, sum ES hevur avtalu við á fíggjarøkinum, ella á samsvarandi marknaðum í øðrum londum innan A-økið.
11) Ognir, ið ikki eru fevndar av nr. 5, og lán, tryggjað við tinglýstum veðrætti í ognum, sum ikki eru fevndar av nr. 6.
12) Fæfeingislutir og onnur virðisbrøv, upptikin til handils á einum marknaði í einum landi uttan fyri A-økið, hvørs marknaður samsvarar við ein reguleraðan marknað í ES, og onnur virðisbrøv, upptikin til handils á einum reguleraðum marknaði í einum ES-landi ella einum landi, sum ES hevur avtalur við á fíggjarøkinum, ella á samsvarandi marknaðum í øðrum londum innan A-økið.
13) Onnur lán og virðisbrøv, ið ikki eru fevnd av nr. 1-12.”

 

 

100)  § 99, stk. 1, nr. 2 verður strikað.
Nr. 3-5 verða eftir hetta nr. 2-4.

 

 

101)  Í § 99, stk. 1, nr. 4 verður “og íløguognarstovnum” broytt til: “íløguognarstovnum, fámannafeløgum og professionellum feløgum”

 

 

102)  § 99, stk. 2 verður orðað soleiðis:
”Stk. 2. Onnur lán og virðisbrøv, ið eru fevnd av § 98, stk. 1, nr. 13, mugu ikki fara upp um 10 prosent av tryggingarligu burturleggingunum. Fyri endurtryggingarvirksemi er markið 30 prosent.”

 

 

103)     § 100 verður orðað soleiðis:
”§ 100. Ognir, ið eru ein váði fyri eitt einstakt felag ella ein bólk av innanhýsis atknýttum feløgum, kunnu verða tiknar við í ognirnar, nevndar eru í § 95, stk. 1, um tær eru innan fyri niðanfyri nevndu mørk, ið eru ásett í mun til tryggingarligu burturleggingarnar:
1) Ognir, fevndar av § 98, stk. 1, nr. 3, mugu ikki fara upp um 40 prosent.
2) Ognir, fevndar av § 98, stk. 1, nr. 4, mugu ikki fara upp um 10 prosent.
3) Ognir, fevndar av § 98, stk. 1, nr. 8, sbr. tó stk. 4, mugu ikki fara upp um 10 prosent.
4) Ognir, fevndar av § 98, stk. 1, nr. 14, mugu ikki fara upp um 10 prosent.
5) Ognir, fevndar av § 98, stk. 1, nr. 6, 7, 9, 10, 12 og 13, mugu tilsamans ikki fara upp um 4 prosent í tryggingarfeløgum, ið ikki beinleiðis reka lívstryggingarvirksemi, sbr. tó stk. 2.
6) Ognir, fevndar av § 98, stk. 1, nr. 6, 7, 9, 10, 12 og 13, mugu tilsamans ikki fara upp um 2 prosent í eftirlønargrunnum og tryggingarfeløgum, sum reka beinleiðis lívstryggingarvirksemi, sbr. tó stk. 2. Markið er 3 prosent, um so er, at eginpeningurin í tí felagnum, sum henda ogn viðvíkur, fer upp um 250 milliónir kr., tá ið felagið hevur heimstað í einum landi í A-økinum, og ognin er upptikin til handils á einum reguleraðum marknaði í einum ES-landi ella í einum landi, sum ES hevur avtalu við á fíggjarøkinum, ella á samsvarandi marknaðum í øðrum londum innan A-økið.
7) Ognir, fevndar av § 98, stk. 1, nr. 5-7 og 9-13, mugu tilsamans ikki fara upp um 5 prosent.
8) Lán, ið eru fevnd av § 98, stk. 1, nr. 13, mugu ikki fara upp um 1 prosent.
Stk. 2. Tá ið íløgur verða gjørdar í fæfeingislutir og lán til eitt felag ella ein bólk af innanhýsis atknýttum feløgum, hvørs virksemi einans er at gera íløgur í ognir, fevndar av § 98, stk. 1, nr. 5 og 11, má íløgan tilsamans ikki fara upp um 5 prosent av tryggingarligu burturleggingunum, sbr. § 95, stk. 1.
Stk. 3. Stk. 1, nr. 3 og 5-7, og stk. 2 og 5 eru ikki galdandi fyri íløgur í eitt dótturfelag, sum er fevnt av § 98, stk. 2-4.
Stk. 4.Stk. 1, nr. 3 og 5-7, og stk. 2 og 5 eru ikki galdandi fyri íløgur í virkir, íløgustovnar og feløg, ið eru fevnd av § 98, stk. 1, nr. 8, hvørs virksemi sambært viðtøkunum er avmarkað til at gera íløgur í ognir, ið eru fevndar av § 98, stk. 1, nr. 1-3. Tílíkar íløgur kunnu, í mun til mørkini, ið eru ásett í stk. 1, nr. 5-8 og stk. 2 og § 99, stk. 1, nr. 1-3, verða mettar sum ognir, fevndar av § 98, stk. 1, nr. 1-3.
Stk. 5. Fyri ognir, ið eru fevndar av § 98, stk. 1, nr. 6, 7, 9, 10, 12 og 13, er markið 5 prosent fyri íløgur í einstakt felag og 10 prosent fyri íløgur í ein bólk av innanhýsis atknýttum feløgum í mun til burturleggingar tryggingarfelagsins til at dekka endurtryggingarvirksemi tess.”

 

 

104)     Í § 102, stk. 2 og § 104 verður ”§ 99, stk. 1, nr. 5” broytt til: ”§ 99, stk. 1, nr. 4”.

 

 

105)     Í § 102, stk. 3 verður ”kapitli 11” broytt til: ”§§ 94-105” og ”stk. 4” verður broytt til: ”stk. 2”.

 

 

106)     Í § 103, stk. 6, 2. pkt. verður ”virðisbrævaognum” broytt: til ”virðisbrøvum”.

 

 

107)  Í § 104 verður ”nr. 2-7, og stk. 2-6” broytt til: ”nr. 2-8 og stk. 2-5”.

 

 

108)  Í § 104 verður aftaná ”§ 99, stk. 1, nr. 4” sett ”, og stk. 2, 1. pkt.”.

 

 

109)  Aftaná § 105 verður í kapittul 12 sett:
“§ 105 a. Í samtøkum, har móðurfelagið er ein fíggjarligur haldfelagsskapur, eru ásetingarnar um solvens fyri peningastovnar í kapitli 10 í anordning om ikrafttræden for Færøerne af lov om finansiel virksomhed galdandi. Móðurfelagið hevur eftirlit við at hesar ásetingar verða hildnar. Harumframt eru ásetingarnar um samtøkur og konsolidering v.m. í kapitli 12 í anordning om ikrafttræden for Færøerne af lov om finansiel virksomhed galdandi fyri samtøkur, har móðurfelagið er ein fíggjarligur haldfelagsskapur, og har hesi viðurskifti ikki frammanundan eru regulerað í tryggingarlógini.
Stk. 2. Reglur fyri fíggjarligar haldfelagsskapir, sum eru ásettar í kunngerð við heimild í kapitli 10 í anordning om ikrafttræden for Færøerne af lov om finansiel virksomhed, eru somuleiðis galdandi fyri fíggjarligar haldfelagsskapir, ið eru fevndir av tryggingarlógini.
Stk. 3. Tryggingareftirlitið kann taka tær avgerðir, sum danska Fíggjareftirlitið hevur heimild til sambært kapitli 10 og 12 í anordning om ikrafttræden for Færøerne af lov om finansiel virksomhed.”

 

 

110)  § 111, stk. 1, verður orðað soleiðis:
Tryggingarfeløg og fíggjarligir haldfelagsskapir skulu gera eina ársfrásøgn, sum skal hava eina leiðslufrágreiðing, leiðsluátekning og ein ársroknskap við fíggjarjavna, rakstrarroknskapi, notum, undir hesum frágreiðing um nýtta roknskaparsiðvenju og eitt yvirlit yvir gongdina í eginpeninginum. Tá ið ein ársroknskapur er grannskoðaður, inngongur grannskoðanarátekningin í ársfrásøgnina.”

 

 

111)  Í § 111 verður aftaná stk. 3 sum nýtt stk. sett:
”Stk. 4. Tryggingarfeløg og fíggjarligir haldfelagsskapir, hvørs virðisbrøv ikki eru upptikin til handils á einum reguleraðum marknaði her á landi, í einum ES-landi ella í einum landi, sum ES hevur gjørt avtalu við á fíggjarøkinum, kunnu, hóast ásetingina í stk. 2, velja í ársfrásøgnini at nýta teir standardir, sum eru nevndir í stk. 3. Tryggingarfeløg og fíggjarligir haldfelagsskapir, hvørs virðisbrøv eru upptikin til handils á einum reguleraðum marknaði her á landi, í einum ES-landi ella í einum landi, sum ES hevur gjørt avtalu við á fíggjarøkinum, kunnu, hóast stk. 2, í teimum pørtum av ársfrásøgnini, ið ikki er fevndir av grein 4 í nevnda forordningi, velja at nýta teir standardir, sum nevndir eru í stk. 3.”
Stk. 4 og 5 verða eftir hetta stk. 5 og 6.

 

 

112)  § 112, stk. 2, 2., pkt. verður orðað soleiðis:
”Harumframt hevur hvør einstakur limur ábyrgd fyri, at ársroknskapurin og møguligur samtøkuroknskapur kann grannskoðast rættstundis og at ársfrásøgnin kann góðkennast rættstundis.”

 

 

113)  § 113, stk. 1 verður orðað soleiðis:
”Tá ið ársfrásøgnin er gjørd, skulu allir nevndar- og stjórnarlimir skriva hana undir og dagfesta undirskriftina. Teir skulu geva undirskrift sína í tilknýti til eina leiðsluátekning, har eisini navnið á hvørjum einstøkum limi týðiliga er tilskilað eins og starv teirra í mun til felagið, og har váttað verður, hvørt
1) ársfrásøgnin er gjørd í samsvari við krøvini í lóggávuni og møgulig krøv í viðtøkum ella avtalu,
2) ársroknskapurin gevur eina rættvísandi mynd av felagsins ognum og skyldum og, um samtøkuroknskapur er gjødur, samtaksins ognum og skyldum, fíggjarstøðu og úrsliti, og hvørt,
3) leiðslufrágreiðingin inniheldur eina rættvísandi frágreiðing um gongdina í felagnum og, um samtøkuroknskapur er gjørdur, um virksemi samtaksins og fíggjarviðurskiftini, og eina lýsing av teim týdningarmestu váðunum og óvissu tættunum, sum kunnu koma at ávirka felagið ávikavist samtøkuna.”

 

114)  Í § 113, stk. 2, og § 118, stk. 1, 1. pkt. verður “eina rættvísandi mynd” broytt til “eina rættvísa frágreiðing.”

 

 

115)  § 114, stk. 1 verður orðað soleiðis:
“Ársroknskapurin og møguligur samtøkuroknskapur skulu geva eina rættvísandi mynd av felagsins og samtaksins ognum, skyldum, fíggjarligu støðuni og úrslitinum. Í leiðslufrágreiðingini skal vera ein rættvísandi frágreiðing um tey viðurskifti, sum frágreiðingin er um.”

 

 

116)  Í § 114, stk. 2 verður “ársfrásøgnini” broytt til: “ársfrásøgnini ávikavist samtøkuroknskapinum”. 

 

 

117)  Í § 114, stk. 3, 1. pkt. verður aftaná “stk. 1,” sett 1. pkt.,”.

 

 

118)  § 115, stk. 1 verður orðað soleiðis:
”Fyri at ársroknskapurin og samtøkuroknskapurin kunnu geva eina rættvísandi mynd, og fyri at leiðslufrágreiðingin kann innihalda eina rættvísandi frágreiðing, sbr. § 114, skulu krøvini í stk. 2 og 3 vera lokin.”

 

 

119)  Í § 116 verður aftaná stk. 2  sum nýtt stk. 3 sett:
“Stk. 3. Tryggingareftirlitið kann, hóast ásetingina í stk. 1, nr. 8, áseta reglur um skyldu at mótrokna.”
Stk. 3 verður eftir hetta stk. 4.

 

 

120)  § 121, 2. pkt., verður strikað og í staðin verður sett:
”Grannskoðanin fevnir ikki um leiðslufrágreiðingina og ískoytisfrágreiðingarnar, sum eru partar av ársfrásøgnini, sbr. § 118. Grannskoðarin skal kortini gera sínar viðmerkingar um, hvørt upplýsingarnar í leiðslufrágreiðingini samsvara við ársroknskapin og møguligan samtøkuroknskap.”

 

 

121)  Í § 126 verður sum 2. pkt. sett:
“Fráboðanirnar skulu sendast Tryggingareftirlitinum sum teldutøkt tilfar.”

 

 

122)  Í § 126 verður  sum stk. 2 sett:
“Stk. 2. Tryggingareftirlitið kann víkja frá § 81, stk. 1, 2. pkt.”

 

 

123)  Í § 127, stk. 8, verður “§§ 82-85 í partafelagslógini” broytt til: “§§ 144-149 í  vinnufelagslógini”.

 

 

124)  Í § 129 verða aftaná stk. 1  sum nýggj stk. sett:
“Stk. 2. Avgerðir sambært stk. 1 skulu fráboðast umsøkjaranum í seinasta lagi 2 mánaðir eftir at umsóknin er móttikin. Um umsóknin er ófullfíggjað, skal avgerðin fráboðast í seinasta lagi 2 mánaðir eftir, at umsøkjarin hevur sent tær upplýsingar, sum eru neyðugar til tess, at avgerðin kann verða tikin. Í øllum førum verður avgerð tikin í seinasta lagi 6 mánaðir eftir, at umsóknin er móttikin. Freistirnar verða longdar við 3 mánaðum, um avgerðin skal bíða eftir innsendum mótmælum, sbr. stk. 6 og 7.
Stk. 3. Loyvi eftir stk. 1 kann m.a. verða noktað, um samanleggingin gongur ímóti munandi samfelagsatlitum.
Stk. 4. § 242, 2. pkt., § 256, 3. pkt., § 257, stk. 2 og § 260, 2. pkt. í vinnufelagslógini verða ikki at nýta fyri samanleggingar, fevndar av stk. 1.”
Stk. 2-7 verða  eftir hetta stk. 5-10.

 

 

125)  Í § 129, stk. 2, sum verður stk. 5, verður ”kapitli 15 í partafelagslógini” broytt til: ”kapitli 15 í vinnufelagslógini”.

 

 

126)  Í § 129, stk. 4, 1. pkt., sum verður stk. 7, 1. pkt., verður ”stk. 3” broytt til: ”stk. 6”.

 

 

127)  § 129, stk. 7, sum verður stk. 10, verður orðað soleiðis:
”Stk. 10. Samanleggingarætlanir, sundurbýtisætlanir og váttan hjá metingarmonnunum eftir §§ 242 og 243 í vinnufelagslógini skulu fyri tryggingarfeløg í seinasta lagi 4 vikur eftir, at tær eru undirskrivaðar, sendast Tryggingareftirlitinum, ið skal almannakunngera móttøkuna av samanleggingarætlanini, sundurbýtisætlanini og váttanunum hjá metingarmonnunum.”

 

 

128)  Í § 130, stk. 1 verður ”§§ 134 a-134 k í partafelagslógini” broytt til: ”§§ 237-253 í vinnufelagslógini”.

 

 

129)  Í § 130, stk. 2 verður ”§ 134 í partafelagslógini” broytt til: ”§ 236 í vinnufelagslógini”.

 

 

130)  Í § 133, stk. 1 verður  sum nýtt nr. 2 sett:
”2) um tryggingarfelagið ikki lýkur krøvini í kapitli 3.”
Nr. 2 og 3 verða  eftir hetta nr. 3 og 4.

 

 

131)  § 133, stk. 2 verður orðað soleiðis:
”Stk. 2. Hevur eitt tryggingarfelag ikki innan fyri tær freistir, sum Tryggingareftirlitið hevur sett, framt tey tiltøk, sum eru ásett í endurreisingarætlanunum, nevndar eru í § 151, stk. 1 og 2, kann loyvið sum tryggingarfelag verða tikið aftur.”

 

 

132)  ͧ 133 verður sum stk. 3 sett:
“Stk. 3. Lýkur ein samtøka, fevnd av § 105 a, ikki solvenskravið í nevndu ásetingum, og hevur samtøkan ikki fingið til vega neyðugan kapital innan fyri eina av Tryggingareftirlitinum ásetta freist, kann Tryggingareftirlitið taka aftur loyvið hjá dótturfeløgum, sum eru tryggingarfeløg.”

 

 

133)  Í § 136, stk.1 verður ”§ 116, stk. 1, í partafelagslógini” broytt til: ”§ 217 í vinnufelagslógini”.

 

 

134)  Í § 142, stk. 1 verður “ógjaldført” broytt til: “insolvent”.

 

 

135)  § 142, stk. 6, verður strikað.

 

 

136)  Í § 148 verður ”Kapittul 14 í partafelagslógini” broytt til: ”Kapittul 14 i vinnufelagslógini”.

 

 

137)  § 151, stk. 3 verður orðað soleiðis:
”Stk. 3. Ætlan felagsins skal miða ímóti at endurreisa fíggjarligu støðu felagsins innan eitt styttri tíðarskeið, sum Tryggingareftirlitið ásetur, tá
1) grundarfæfeingið í einum tryggingarfelagi er minni enn ein triðingur av solvenskravinum, ella
2) grundarfæfeingið í einum tryggingarfelagi er minni enn minsta fæfeingiskravið.”

 

 

138)  Í § 157 verður  sum stk. 7 sett:
”Stk. 7. Umsitari skal virða avtalur um netting í sambandi við endaliga avrokning, sbr. § 58h í anordning om ikrafttræden for Færøerne af lov om værdipapirhandel m.v., av fíggjarligum avtalum, sum kunnu vera partur av bólkinum av ognum sambært § 95, stk. 1.”

 

 

139)  Í § 161, stk. 1 verður ”§ 3 í partafelagslógini” broytt til: ”§§ 21 og 22 í vinnufelagslógini”.

 

 

140)  Í § 168, stk. 2 verður ”partafelagslógina § 109a, stk. 3, nr. 1” broytt til: ”vinnufelagslógina § 183, stk. 2”.

 

 

141)  Í § 169 verður aftaná ”vinningsbýti” sett ”ella serstakt vinningsbýti”.

 

 

142)  Í § 170, stk. 1 verður aftaná ”avtøku” sett ”undir hesum við likvidatión”.

 

 

143)  Í § 171, stk. 2 verður  sum 3. pkt. sett:
”Peningurin í trygdargrunninum kann tó nýtast til at dekka tap, tá ið tryggingarligu skyldurnar verða greiddar, ella nýtast á annan hátt teimum tryggjaðu til fyrimunar.”

 

 

144)  Í § 173, stk. 1 verður “§ 81, stk. 1”  broytt til: “§ 81, stk. 2”.

 

 

145)  Í § 173, stk. 1 verður “harumframt reglurnar í partafelagslógini §§ 3 og 5, § 6, stk. 1 og 3-5, og §§ 7-10 og § 11, stk. 1 og 3,” strikað.

 

 

146)  § 174, stk. 2-5 og §§ 175, 176 og 178 verða strikaðar.

 

 

147)  Í § 190, stk. 1 verður  sum 3. pkt. sett:
“Tryggingareftirlitið ansar harafturat eftir, at reglurnar, ásettar við heimild í § 29, stk. 8, í lóg um góðkendar grannskoðarar og grannskoðanarvirkir, verða hildnar.”

 

 

148)  § 190 stk. 3, 1. pkt. verður orðað soleiðis:
“Stk. 3. Tryggingareftirlitið skal skipa tað vanliga eftirlitsvirksemið við tí í hyggju at fremja fíggjarliga støðufestið og álitið á tryggingarfeløg og marknaðir. Tryggingareftirlitið skal í eftirlitsvirksemi sínum leggja dent á góðskuna á handilsmodellinum hjá tí einstaka tryggingarfelagnum. Eftirlitsvirksemið skal leggjast til rættis soleiðis, at vavið á eftirlitsvirkseminum er í samsvari við teir møguligu váðarnar ella møguliga skaðavirknaðin.”

 

 

149)  Í § 190 verða aftaná stk. 4  sum nýggj stk. 5 og 6 sett:
“Stk. 5. Tryggingareftirlitið skal skipa eftirlitsvirksemið soleiðis, at mett verður um møguligar avleiðingar fyri fíggjarliga støðufestið í londum, sum Føroyar hava gjørt avtalu við á fíggjarøkinum. Talan kann vera um avtalu við ES ella beinleiðis við einstøk ES-lond ella við lond, sum ES hevur avtalu við á fíggjarøkinum. Hetta er serstakliga galdandi í sambandi við kreppustøður. Fyri deildir her á landi hjá útlendskum feløgum, ið hava fingið loyvi at útinna tað í § 7 nevnda virksemi í einum ES-landi ella í landi, sum ES hevur gjørt avtalu við á fíggjarøkinum, skal Tryggingareftirlitið ansa eftir deildunum og hjálpa teimum málføru eftirlitsmyndugleikunum, tá ið eftirlit verður gjørt. Fyri týdningarmiklar deildir og dótturfeløg hjá útlendskum feløgum, ið hava fingið loyvi at útinna tað í § 7 nevnda virksemi í einum ES-landi ella í landi, sum ES hevur avtalu við á fíggjarøkinum, skal Tryggingareftirlitið taka lut í møguligum samstarvsfora um eftirlitið í samlaðu samtøkuni.”
Stk. 6. Tryggingareftirlitið kann gera avtalu við danska Fíggjareftirlitið um eftirlitsuppgávur og lógarfyrireikandi arbeiði.”
Stk. 5 og 6 verða  eftir hetta stk. 7 og 8.

 

 

150)  Í § 191, stk. 3 verður sum 2.  pkt. sett:
“1. pkt. er tó ikki galdandi fyri viðgerð av málum um gerð av reglum um reiðiligan handilsskikk og góða siðvenju.”

 

 

151)  Í § 191, stk. 4 verður aftaná nr. 1 sett  sum nýtt nr.:
”2) tekur avgerðir í málum um boð eftir § 193b, stk. 1, ella”
Nr. 2 og 3 verða  eftir hetta nr. 3 og 4.

 

 

152)  Í § 191 verður aftaná stk. 5 sum nýtt stk. sett:
”Stk. 6. Í málum, har partshoyring skal gerast sambært fyrisitingarlógini, fevnir atgongdin til partshoyring um alt uppskotið til avgerð. Freistin fyri at geva ummæli skal vera í minsta lagi 3 vikur uttan so, at málið longu hevur verið lagt fyri Tryggingarráðið, ella at avgerðin hevur serligan skund.”
Stk. 6 og 7 verða  eftir hetta stk. 7 og 8.

 

 

153)     § 191, stk. 7, ið verður stk. 8, verður orðað soleiðis:
”Stk. 8. Landsstýrismaðurin ásetur starvsskipan ráðsins, undir hesum reglur um høvi at fáa viðtal við ráðið.”

 

 

154)     Í § 193, stk. 1 verður ”Tryggingarfeløg og haldfelagsskapir” broytt til: ”Tryggingarfeløg, fíggjarligir haldfelagsskapir, tryggingarmeklarafeløg, veitarar og undirveitarar”.

 

 

155)  Í § 193 verður aftaná stk. 4  sum nýtt stk. sett:
”Stk. 5. Tryggingareftirlitið kann til eina og hvørja tíð við hóskandi samleikaprógvi uttan rættarúrskurð fáa atgongd til eitt tryggingarmeklarafelag, ein veitara ella ein undirveitara við tí endamáli at savna upplýsingar um tað útveitta virksemið.”
Stk. 5 verður eftir hetta stk. 6.

 

 

156)  Í § 193, stk. 5 verður ”stk. 5” broytt til: ”stk. 6”.

 

 

157)  Aftaná § 193 verður sett:
”§ 193 a. Landsstýrismaðurin kann áseta reglur um skyldu tryggingarfelagsins at almannakunngera upplýsingar um meting Tryggingareftirlitsins av tryggingarfelagnum og um, at Tryggingareftirlitið hevur møguleika fyri at almannakunngera upplýsingarnar áðrenn tryggingarfelagið.

§ 193 b. Tryggingareftirlitið kann áleggja einum tryggingarfelagi ella einum fíggjarligum haldfelagsskapi at rinda fyri, at óheft kanning av einum ella fleiri viðurskiftum í tryggingarfelagnum ella í fíggjarliga haldfelagsskapinum verður gjørd, um Tryggingareftirlitið metir, at hetta hevur stóran týdning fyri eftirlitið við felagnum, og talan ikki er um kanning, sum Tryggingareftirlitið vanliga fremur.
Stk. 2. Óhefta kanningin skal gerast av einum ella fleiri sakkønum persónum. Tryggingareftirlitið heitir á tryggingarfelagið ella fíggjarliga haldfelagsskapin um at skjóta upp ein ella fleiri sakkønar persónar at gera óheftu kanningina. Um tey sakkønu, sum eru í uppskoti, ikki verða mett at vera egnað og óheft, kann Tryggingareftirlitið tilnevna aðrar sakkønar persónar. Útreiðslurnar til tann ella teir sakkønu persónarnar kunnu fyribils verða rindaðar av Tryggingareftirlitinum, men verða endaliga rindaðar av tryggingarfelagnum ella fíggjarliga haldfelagsskapinum. Tryggingareftirlitið kann krevja, at rindað verður frammanundan ella so við og við, ella at trygd verður sett.
Stk. 3. Tryggingarfelagið ella fíggjarligi haldfelagsskapurin skal geva sakkønu persónunum tær upplýsingar, sum eru neyðugar fyri at fremja óheftu kanningina.
Stk. 4. Úrslitið av óheftu kanningini skal latast Tryggingareftirlitinum í skrivligari frágreiðing samstundis, sum avrit av frágreiðingini verður latið tryggingarfelagnum ella fíggjarliga haldfelagsskapinum.
Stk. 5. Sakkønu persónarnir skulu beinanvegin lata Tryggingareftirlitinum upplýsingar um viðurskifti, sum teir gerast varugir við í sambandi við óheftu kanningina, um munandi vandi er fyri, at hesi viðurskifti kunnu broytast soleiðis, at felagið fer at missa sítt loyvi.”

 

 

158)  § 196, stk. 1, nr. 2 verður orðað soleiðis:
”2) tað er ein ikki-ótýðandi vandi fyri, at fíggjarstøða tryggingarfelagsins, vegna innan- ella uttanhýsis viðurskifti, broytist soleiðis, at felagið fer at missa sítt loyvi.”

 

 

159)  § 197 verður orðað soleiðis:
”§ 197. Tryggingareftirlitið kann, við eini freist, sum eftirlitið setur, áleggja einum tryggingarfelagi at koyra stjóran í einum tryggingarfelagi frá, um hesin ikki er førur fyri at røkja starvið, sbr. § 49, stk. 2.
Stk. 2. Tryggingareftirlitið kann, við eini freist, sum eftirlitið ásetur, áleggja einum nevndarlimi í einum tryggingarfelag at leggja frá sær, um hesin ikki er førur fyri at røkja starvið, sbr. § 49, stk. 2.
Stk. 3. Tryggingareftirlitið kann áleggja einum tryggingarfelagi at koyra ein stjóra frá, tá ið hesin er undir ákæru í einum revsimáli fyri brot á revsilógina ella fíggjarligu lóggávuna, og til dómur er fallin í málinum, um dómurin kann hava við sær, at stjórin ikki lýkur krøvini í § 49, stk. 2, nr. 1. Tryggingareftirlitið ásetur eina freist fyri, nær áløgdu boðini skulu vera eftirlíkað. Tryggingareftirlitið kann við somu treytum sum í 1. pkt. áleggja einum stjórnarlimi í einum tryggingarfelagi at fara úr starvi. Tryggingareftirlitið setir eina freist fyri, nær áløgdu boðini skulu vera eftirlíkað.
Stk. 4. Í boðum, ið verða áløgd eftir stk. 2, grundað á § 49, stk. 2, nr. 2, 3 ella 4, skal standa, hvussu leingi tey eru galdandi.
Stk. 5. Tá ið boð verða áløgd eftir stk. 1-3, kunnu tryggingarfelagið og tann persónurin, sum hevur fingið boðini áløgd, krevja málið lagt fyri rættin. Umbøn um hetta skal sendast Tryggingareftirlitinum innan 4 vikur eftir, at felagið ella persónurin hevur fingið boðini. Umbønin hevur ikki steðgandi virknað viðvíkjandi tí, sum álagt er, men rætturin kann gera úrskurð um, at viðkomandi stjóri ella nevndarlimur kann vera í starvi sínum, meðan málið verður viðgjørt. Tryggingareftirlitið skal innan 4 vikur leggja málið fyri rættin. Málið verður lagt fyri rættin sum borgarligt rættarmál.
Stk. 6. Tryggingareftirlitið kann av egnum ávum ella eftir umsókn taka aftur boð, sum álagt er eftir stk. 2 og stk. 3, 3. pkt. Sýtir Tryggingareftirlitið einari umsókn um afturtøku, kann umsøkjarin biðja um at fáa sýtingina lagda fyri rættin. Umbøn um hetta skal latast Tryggingareftirlitinum innan 4 vikur eftir, at umsøkjarin hevur fingið fráboðan um, at umsóknin er noktað. Tó kann bert verða biðið um at fáa málið lagt fyri rættin, um boðini ikki eru tíðaravmarkað, og tað eru gingin í minsta lagi 5 ár frá tí, at boðini vórðu áløgd, ella í minsta lagi 2 ár aftaná, at avgerð Tryggingareftirlitsins um at sýta fyri afturkalling er staðfest við dómi.
Stk. 7. Hevur tryggingarfelagið ikki koyrt stjóran frá innan ásettu freistina, kann Tryggingareftirlitið taka loyvið hjá felagnum aftur, sbr. § 133, stk. 1, nr. 2. Tryggingareftirlitið kann eisini taka loyvið hjá felagnum aftur, sbr. § 133, stk. 1, nr. 2, um ein stjórnarlimur ikki ger eftir boðum, sum eru áløgd eftir stk. 2 og 3.”

 

 

160)  Aftaná § 198 verður sett:
”§ 198 a. Tá ið eitt tryggingarfelag er farið á húsagang, og landsstýrið hevur veitt trygd ella latið pening standa til taks, ger Tryggingareftirlitið eina frágreiðing um gongdina frammanundan húsaganginum. Frágreiðingin skal m.a. lýsa leiklut Tryggingareftirlitsins hesa tíðina.
Stk. 2. Tryggingareftirlitið skal almannakunngera ta í stk. 1 nevndu frágreiðing. § 200 er ikki galdandi í sambandi við almannakunngeringina uttan so, at upplýsingarnar hava við kundaviðurskifti at gera ella við triðjamann, ið er ella hevur verið uppi í royndunum at bjarga umrødda tryggingarfelag.”

 

 

161)  § 199 verður strikað.

 

 

162)  § 200 verður orðað soleiðis:
”§ 200. Starvsfólk Tryggingareftirlitsins hava sambært §§ 152-152 e í revsilógini skyldu til at dylja tær trúnaðarupplýsingar, ið tey fáa kunnleika til gjøgnum eftirlitsvirksemið. Sama er galdandi fyri persónar, ið útinna tænastur sum liður í rakstri Tryggingareftirlitsins, og serkøn, ið virka vegna eftirlitið. Hetta er eisini galdandi aftaná, at setanar- ella sáttmálaviðurskifti enda.
Stk. 2. Samtykki frá tí, ið tagnarskyldan er ætlað at verja, heimilar ikki persónunum, ið nevndir eru í stk. 1, at útflýggja trúnaðarupplýsingar.
Stk. 3. Stk. 1 er tó ikki galdandi fyri upplýsingar í málum um
1) góðan skikk og prísupplýsingar, sbr. § 35, og kunngerðir við heimild í hesi áseting,
2) blandings (hybrid) kjarnufæfeingi ella ábyrgdar lánsfæfeingi, útskrivað í hópskuldarbrøvum, sbr. § 37,
3) tekning av fæfeingisinnskoti, sbr. § 38,
4) forboð fyri at tekna ávísar lívstryggingaravtalur, sbr. § 39, stk. 1,
5) kunning, tá ið tryggingaravtalur verða gjørdar og í teimum framhaldandi kundaviðurskiftunum, sbr. kunngerð við heimild í § 40,
6) uppsagnarfreist fyri brúkaratryggingar, sbr. § 41, stk. 1,
7) skylduna at taka yvir bygningstrygging, sbr. § 44, stk. 1, og
8) forboð fyri at slíta eina bygningsbrunatrygging, sbr. § 45, stk. 1.
Stk. 4. Ásetingin í stk. 1 forðar ikki fyri, at Tryggingareftirlitið av egnum ávum útflýggjar trúnaðarupplýsingar í yvirlitskendum formi ella í samandrátti, tá ið hvørki einstaka felagið ella kundar tess kunnu eyðmerkjast.
Stk. 5. Trúnaðarupplýsingar kunnu útflýggjast í einum borgarligum rættarmáli, tá ið eitt tryggingarfelag er farið á húsagang, og um upplýsingarnar ikki viðvíkja kundaviðurskiftum ella triðjamanni, sum er ella hevur verið uppi í royndum at bjarga felagnum.
Stk. 6. Ásetingin í stk. 1 forðar ikki fyri, at trúnaðarupplýsingar kunnu útflýggjast:
1) Tryggingarráðnum.
2) Øðrum almennum myndugleikum, undir hesum ákæruvaldi og løgreglu, í sambandi við rannsókn og rættarsókn í revsiverdum viðurskiftum, fevnd av revsilógini ella eftirlitslóggávuni.
3) Avvarðandi landsstýrismanni sum liður í yvirskipaða eftirliti hansara.
4) Umsitingarligum myndugleikum og dómstólum, sum viðgera avgerðir, ið eru tiknar av Tryggingareftirlitinum.
5) Løgtingsins Umboðsmanni.
6) Tingnevndum (kommissiónum), settar av Løgtinginum at kanna alment umvarandi mál sbrt. § 19 í Stýrisskipanarlóg Føroya.
7) Kanningarnevndum, settar við lóg.
8) Føstu nevnd Løgtingsins viðvíkjandi almennu fíggjarviðurskiftunum hjá einum tryggingarfelagi, í sambandi við kreppuhandfaring av tryggingarfeløgum, tá ið avgerð verður tikin um, hvørt landsstýrið skal veita trygd ella lata pening standa til taks. Sama er galdandi fyri eftirlit Løgtingsins í málum, fevnd av 1. pkt.
9) Landsgrannskoðanini og løgtingsgrannskoðanini.
10) Áhugapørtum, undir hesum myndugleikum, sum eru uppi í royndunum at bjarga einum kreppuraktum tryggingarfelagi, treytað av, at tey, ið fáa upplýsingarnar, hava tørv á teimum.
11) Skiftirættinum og øðrum myndugleikum, ið taka lut í likvidatión, trotabúsviðgerð ella líknandi viðgerðum tryggingarfelagsins, umframt persónum, sum hava ábyrgd fyri lógarásettu grannskoðanini av roknskapi tryggingarfelagsins, treytað av, at tey, ið fáa upplýsingarnar, hava tørv á teimum fyri at røkja uppgávu sína.
12) Tryggingareftirlitsmyndugleikum í ES-londum ella í londum, sum ES hevur gjørt avtalu við á fíggjarøkinum, sum hava ábyrgd fyri eftirliti við tryggingarfeløgum og stovnum, sum taka lut í likvidatión, trotabúsviðgerð ella líknandi viðgerðum tryggingarfelagsins, umframt persónum, sum hava ábyrgd fyri lógarásettu grannskoðanini av roknskapi tryggingarfelagsins, treytað av, at tey, ið fáa upplýsingarnar, hava tørv á teimum fyri at røkja uppgávu sína.
13) Ráðharrum, sum hava ábyrgd av fíggjarligu lóggávuni í einum ES-landi ella í einum landi, sum ES hevur gjørt avtalu við á fíggjarøkinum, í sambandi við kreppuhandfaring av einum tryggingarfelagi.
14) Tryggingareftirlitsmyndugleikum í londum uttan fyri ES, sum ES ikki hevur gjørt avtalu við á fíggjarøkinum, ið hava ábyrgd av eftirliti við tryggingarfeløgum og stovnum, sum taka lut í likvidatión, trotabúsviðgerð ella líknandi viðgerðum tryggingarfelagsins umframt persónum, sum hava ábyrgd fyri lógarásettu grannskoðanini av roknskapi tryggingarfelagsins,sbr. tó stk. 9 og 10.
15) Grannskoðaraeftirlitinum og Grannskoðaranevndini til tess at tey kunnu røkja uppgávur sínar.
16) Landsstýrismanninum í fíggjarmálum sum liður í ábyrgd hansara fyri fíggjarliga støðufestinum í Føroyum og at nýta í sambandi við kreppuhandfaring av tryggingarfeløgum í Føroyum.
17) Danska ráðharranum í fíggjarmálum sum liður í ábyrgd hansara fyri fíggjarliga støðufestinum í Danmark og at nýta í sambandi við kreppuhandfaring av tryggingarfeløgum í Danmark.
18) Grønlendska landsstýrismanninum fyri vinnu og arbeiðsmarknaði sum liður í ábyrgd hansara fyri fíggjarliga støðufestinum í Grønlandi og at nýta í sambandi við kreppuhandfaring av tryggingarfeløgum í Grønlandi.
19) Føstu nevnd danska Fólkatingsins viðvíkjandi almennu fíggjarviðurskiftunum hjá einum donskum tryggingarfelagi, í sambandi við kreppuhandfaring av tryggingarfeløgum, tá ið avgerð verður tikin um, hvørt danska stjórnin skal veita trygd ella lata pening standa til taks. Sama er galdandi fyri eftirlit danska Fólkatingsins í málum, fevnd av 1. pkt.
20) Føstu nevnd grønlendska Landstingsins viðvíkjandi almennu fíggjarviðurskiftunum hjá einum grønlendskum tryggingarfelagi, í sambandi við kreppuhandfaring av tryggingarfeløgum, tá ið avgerð verður tikin um, hvørt grønlendska landsstýrið skal veita trygd ella lata pening standa til taks. Sama er galdandi fyri eftirlit grønlendska Landstingsins í málum, fevnd av 1. pkt.
21) Danska Fíggjareftirlitinum, treytað av at Fíggjareftirlitið hevur tørv á upplýsingunum til tess at røkja sínar uppgávur.
Stk. 7. Øll tey, ið eftir stk. 5 og 6 fáa trúnaðarupplýsingar frá Tryggingareftirlitinum, eru, við atliti til hesar upplýsingar, fevnd av teirri í stk. 1 nevndu tagnarskylduni.
Stk. 8. Trúnaðarupplýsingar, sum Tryggingareftirlitið fær, mugu bert nýtast í sambandi við eftirlitsstarvið, at áleggja revsitiltøk, ella um avgerð eftirlitsins verður kærd til hægri fyrisitingarligan myndugleika ella verður løgd fyri rættin.
Stk. 9. Atgongdin at útflýggja trúnaðarupplýsingar til føstu nevnd Løgtingsins eftir stk. 6, nr. 8, er avmarkað til skjøl í málum, sum eru stovnað í Tryggingareftirlitinum aftaná 1. januar 2013. Atgongdin at útflýggja trúnaðarupplýsingar til føstu nevnd Fólkatingsins eftir stk. 6, nr. 19, og til føstu nevnd grønlendska landstingsins eftir stk. 6, nr. 20, er avmarkað til skjøl í málum, sum eru stovnað í Tryggingareftirlitinum aftaná 1. januar 2013.
Stk. 10. Útflýggjan eftir stk. 6, nr. 14, kann bert fara fram
1) við støði í altjóða samstarvsavtalu, og
2) við teirri fortreyt, at móttakararnir eru fevndir av eini tagnarskyldu, sum í minsta lagi er í samsvari við tagnarskylduna eftir stk. 1, og hava tørv á upplýsingunum fyri at útinna uppgávur sínar.
Stk. 11. Útflýggjan eftir stk. 6, nr. 14, av trúnaðarupplýsingum, sum koma frá ES-londum ella londum, sum ES hevur gjørt avtalu við á fíggjarøkinum, kann harumframt bert fara fram, um teir myndugleikar, sum hava latið upplýsingarnar, hava givið staðiligt loyvi til tess, og mugu upplýsingarnar bert nýtast til tað endamál, sum loyvið viðvíkur.
Stk. 12. Hevur ein skuldari, ábyrgdari ella íleggjari munandi skyldur mótvegis fleiri tryggingarfeløgum, kann Tryggingareftirlitið kunna viðkomandi feløg um hetta.

 

 

163)  § 201 verður orðað soleiðis:
”§ 201. Avgerðir, tiknar sambært § 191, stk. 4, nr. 1, skulu almannakunngerast. 1. pkt. er eisini galdandi fyri avgerðir um at lata løgregluni mál til eftirkanningar, sbr. tó stk. 2. Navnið á felagnum skal standa í almannakunngeringini. 1.-3. pkt. eru somuleiðis galdandi fyri avgerðir um at lata løgregluni mál til eftirkanningar, sum verða tiknar av Tryggingareftirlitinum eftir delegatión frá Tryggingarráðnum.
Stk. 2. Almannakunngering eftir stk. 1 kann tó ikki fara fram, um tað verður til órímiliga stóran skaða fyri felagið, ella um atlit í sambandi við eina eftirkanning tala ímóti almannakunngering. Í almannakunngeringini mugu ikki standa trúnaðarupplýsingar um kundaviðurskifti ella upplýsingar, ið eru fevndar av § 12, stk. 1, í lóg um alment innlit. Í almannakunngeringini mugu ikki standa trúnaðarupplýsingar, ið stava frá fíggjareftirlitsmyndugleikum í ES-londum ella londum uttan fyri ES, uttan so at myndugleikarnir, ið hava latið upplýsingarnar, hava givið staðiligt loyvi til tess.
Stk. 3. Um avgerð ikki verður almannakunngjørd eftir stk. 2, 1. pkt., skal avgerðin almannakunngerast eftir stk. 1, tá ið atlitini, sum forðaðu fyri almannakunngeringini, ikki longur eru galdandi. Hetta er tó bert galdandi í upp til 2 ár eftir, at viðkomandi avgerð er tikin.”

 

 

164)  Aftaná § 201 verður sett:
”§ 201 a. Tryggingareftirlitið skal kunna almenningin um mál, ið eru viðgjørd av Tryggingareftirlitinum, ákæruvaldinum ella dómstólunum, og sum hava almennan áhuga ella hava týdning fyri tulkingina av niðanfyri nevndu ásetingum um:
1) Góðan skikk og prísupplýsingar, sbr. § 35 og kunngerðir við heimild í hesi áseting,
2) blandings (hybrid) kjarnufæfeingi ella ábyrgdar lánsfæfeingi, útskrivað sum hópskuldarbrøv, sbr. § 37,
3) tekning av fæfeingisinnskoti, sbr. § 38,
4) forboð fyri at tekna ávísar lívstryggingaravtalur, sbr. § 39, stk. 1,
5) kunning, tá ið tryggingaravtalur verða gjørdar og í teimum framhaldandi kundaviðurskiftunum, sbr. kunngerð við heimild í § 40,
6) uppsagnarfreist fyri brúkaratryggingum, sbr. § 41, stk. 1,
7) skyldu at taka yvir eina bygningstrygging, sbr. § 44, stk. 1, og
8) forboð móti at slíta eina bygningsbrunatrygging, sbr. § 45, stk. 1.
Stk. 2. Tryggingareftirlitið skal harumframt almannakunngera navnið á feløgum, ið bróta forboðið fyri at útinna tryggingarvirksemi uttan loyvi, sbr. § 7.”

 

 

165)  § 202, stk. 2, nr. 5 verður orðað soleiðis:
”5) Ætlaðum ognara ella eigara av einum kvalifiseraðum luti, tá ið Tryggingareftirlitið viðger mál um góðkenning av ognan, sbr. §§ 46, 46 a og 46 b, og tá ið Tryggingareftirlitið tekur onnur stig, orsakað av vantandi kunning um ein lut, ella strikar atkvøðurættin, ið er knýttur at lutinum hjá viðkomandi ognara, sbr. § 47, stk. 1-3.”

 

 

166)  § 202, stk. 4 verður orðað soleiðis:
“Stk. 4. Sum partur í avgerðum, ið Tryggingareftirlitið tekur sum liður í eftirlitinum við roknskapum, lagdir fram sambært reglunum í kapitli 13 í hesi lóg og teimum reglum, ið eru givnar sambært § 124, og við samtøkuroknskapum, fevndir av art. 4 í Forordning om anvendelse af internationale regnskabsstandarder hjá ES-tinginum og Ráðnum, er annars at meta ein og hvør, sum Tryggingareftirltið heldur vera partur í málinum.”

 

 

167)     Í § 202, stk. 5, verður sum 3. pkt. sett:
”Partsstøðan og partsheimildir eftir stk. 4 eru avmarkað til viðurskifti, har avgerð eftirlitsins er tikin aftaná 1. januar 2013.”

 

 

168)  Í § 202 verður  sum stk. 6-8 sett:
”Stk. 6. Tryggingareftirlitið kann, tá ið tað tekur eitt mál upp um útflýggjan av trúnaðarupplýsingum, sbrt. kapitli 9, til viðgerðar, geva øðrum likamligum ella løgfrøðiligum persónum enn teimum, nevndir eru í stk. 2 og 3, ávísar partsheimildir. Partsheimildir kunnu einans verða givnar fyri tann partin av málinum, ið hevur stóran og beinleiðis týdning fyri viðkomandi. Játtan av partsheimildum skal fara fram við atliti til at verja trúnaðarupplýsingar um tey feløg, sum eru undir eftirliti. Partsheimildirnar eru avmarkaðar til tey viðurskifti, har avgerð eftirlitsins er tikin aftaná 1. januar 2013.
Stk. 7. Sum partar í viðurskiftum við Tryggingareftirlitið verða somuleiðis mett at vera feløg, ið ein avgerð viðvíkir, tikin sambært hesi lóg ella reglum, gjørdar við heimild í hesi lóg, sbr. tó stk. 8.
Stk. 8. Sum partur í viðurskiftum við Tryggingareftirlitið viðvíkjandi tí parti av málinum, fevndur av stk. 7, ið viðvíkir viðkomandi, er eisini at meta
1) tann, ið rekur tryggingarmeklaravirksemi uttan at vera skrásettur í almenna yvirlitinum hjá Tryggingareftirlitinum yvir tryggingarmeklarar, sbr. § 42,
2) eitt felag, sum søkir um at verða skrásett sum tryggingarmeklari, sbr. § 42,
3) ein nevndar- ella stjórnarlimur í einum felagi ella tann ella teir persónar í felagnum, ið hava ábyrgd av tryggingarmeklingini, tá ið eftirlitið noktar at skráseta felagið sum tryggingarmeklara ella tekur aftur eina tílíka skráseting,
4) tann, sum í navninum ella heitinum hjá einum felagi nýtir orð, sum kunnu fáa ein at halda, at felagið rekur tryggingarmekling, uttan at vera skrásettur sum tryggingarmeklari, sbr. § 42, og
5) ein likamligur ella løgfrøðiligur persónur, sum Tryggingareftirlitið krevur upplýsingar frá, til tess at meta um, hvørt viðkomandi er fevndur av ásetingunum um tryggingarmekling í hesi lóg, sbr. § 193, stk. 1.”

 

 

169)  Í § 205, stk. 1 verður ”§ 33 a í partafelagslógini” broytt til: ”§ 161 í vinnufelagslógini”.

 

 

170)  § 205, stk. 2 verður strikað.

 

 

171)  Í § 208 verða sum stk. 2 og 3 sett:
”Stk. 2. Tryggingarmeklarafeløg rinda árliga 4,0 promillu av provisión og øðrum viðurgjøldum sínum. Minsta gjaldið er altíð 2.000 kr.
Stk. 3. Endurtryggingarmeklarafeløg rinda 15.000 kr.”

 

 

172)  Aftaná § 211 verður sett:
”§ 211 a. Deildir her á landi hjá útlendskum feløgum, ið hava fingið loyvi at reka virksemi sambært § 7 í einum ES-landi ella í landi, sum ES hevur gjørt avtalu við á fíggjarøkinum, rinda árliga 15 prosent av tí, sum feløg av líknandi slag og stødd við føroyskum loyvi rinda, sbr. § 209. Um eitt eftirlitskollegium er stovnsett, skulu tó rindast 20 prosent av tí, sum feløg av líknandi slag og stødd við føroyskum loyvi skulu rinda eftir § 209. Minsta gjaldið er altíð 2.000 kr.”

 

 

173)     § 215 verður orðað soleiðis:
”§ 215. Brot á § 7, stk. 1, 3 og 4, § 18, stk. 1, 2. pkt., § 19, 2. pkt., § 23, stk. 4, 5 og 7, § 28, § 30, stk. 1 og 5 og stk. 6, 1. pkt., § 31, stk. 1, §§ 32 og 36-38, § 46, stk. 1, §§ 46b og 46c, § 48, stk. 1, 2 og 4, § 49, stk. 3, sbr. stk. 2, nr. 1 og 2, § 50, stk. 1, § 51, § 52, stk. 1, § 58, stk. 1 og 3, §§ 59, 60 og 62, § 74, § 75, stk. 3, § 76, § 77, stk. 1, 2. pkt. og stk. 2, § 81, stk. 1, 2 og 8, § 106, § 110, stk. 1 og 2, § 122, § 123, stk. 1-3, § 128, § 129, stk. 1 og § 135 verða revsað við bót ella fongsli í upp til 4 mánaðir, uttan so, at hægri revsing er heimilað eftir aðrari lóggávu.
Stk. 2. Brot á § 41, stk. 1, § 42, stk. 1, § 55, stk. 1-4, § 56, stk. 1, § 57, stk. 1, 1. pkt. og stk. 2, § 61, stk. 1-6 og 10, § 61 a, stk. 1-7 og 9, §§ 61 b og 61 c, § 64, stk. 1, stk. 2, 1. pkt. og stk. 3, 7 og 8, § 65, stk. 1-6, § 78, stk. 1, §§ 79 og 80, §§ 94, 95 og 103, § 111, stk. 1, 1. pkt. og stk. 4, § 112, stk. 1, § 113, stk. 1 og 2 og stk. 3, 1. pkt., §§ 114 og 115, § 116, stk. 1, stk. 2, 1. pkt. og stk. 3, 2. pkt., §§ 117 og 118, § 119, stk. 1-3, § 120, 1. pkt., § 121, 1. pkt., § 126, stk. 1, § 127, stk. 2 og 5, § 193 b, stk. 3, umframt brot á art. 4 í Fyriskipan Ráðsins um nýtslu av altjóða roknskaparstandardum, verða revsað við bót.
Stk. 3. Við bót verða revsað tryggingarfeløg ella fíggjarligir haldfelagsskapir, sum ikki gera eftir boðum, givin sbrt. § 193b, stk. 1, 1. pkt., ella § 196, stk. 1, og sum bróta ásetingina í § 112, stk. 1, í vinnufelagslógini. Við bót verður harumframt revsaður tann, sum ikki ger eftir boðum, givin sbrt. § 197, stk. 2 og stk. 3, 3. pkt.
Stk. 4. Í reglum, givnar við heimild í lógini, kann verða ásett revsing við bót ella fongsli í upp til 4 mánaðir fyri brot á ásetingar í reglunum.
Stk. 5. Revsiábyrgd kann verða áløgd løgfrøðiligum persónum eftir reglunum í 5. kapitli í revsilógini.
Stk. 6. Ein nevndar- ella stjórnarlimur í einum tryggingarfelag ella einum fíggjarligum haldfelagsskapi, sum ikki fremur neyðug tiltøk í sambandi við tap ella týðandi vanda fyri munandi tapi, verður revsaður við bót ella fongsli í upp til 4 mánaðir, um ikki hægri revsing er heimilað eftir aðrari lóggávu.
Stk. 7. Persónur, sum er knýttur at einum tryggingarfelag, og sum letur almennum myndugleikum, almenninginum, vinnufelagsskipanum ella teimum tryggjaðu ella øðrum íleggjarum skeivar ella villleiðandi upplýsingar um viðurskifti felagsins, ella sum ger seg sekan í grovum ella ofta endurtiknum vansketni ella ósketni, ið kann hava við sær tap fyri felagið ella tey tryggjaðu ella aðrar íleggjarar í tryggingarfelagnum, verður revsaður við bót ella fongsli í upp til 4 mánaðir, um ikki hægri revsing er heimilað eftir aðrari lóggávu.
Stk. 8. Fyrningarfreistin fyri brot á ásetingar lógarinnar ella reglur, givnar við heimild í lógini, er 5 ár.
Stk. 9. Tá ið revsing eftir stk. 1-3 verður ásett, skal dentur leggjast á, hvussu grovt brot, talan er um, og hvussu leingi brotið hevur verið framt.
Stk. 10. Mál viðvíkjandi broti á hesar reglur verða viðgjørd sum politimál. Tey í kapitli 72 (um at leggja hald á) og kapitli 73 (um rannsókn) í rættargangslógini nevndu rættarstig verða nýtt í sama mun sum í málum, ið sambært vanligu reglunum áliggja statsadvokatinum at fremja.”

 

 

174)     Aftaná § 215 verður sett :
”§ 215 a. Landsstýrismaðurin kann áseta reglur um, at Tryggingareftirlitið í nærri ásettum førum um brot á ásetingar í hesi lóg, ið ikki metast at hava við sær hægri revsing enn bót, í einum sektaruppskoti kann boða frá, at málið kann verða gjørt av uttan rættarsókn, um tann, sum hevur framt brotið, játtar seg sekan í brotinum og váttar at vera til reiðar innan eina nærri ásetta freist at rinda eina í sektaruppskotinum ásetta bót.
Stk. 2. Ásetingar rættargangslógarinnar um krøv til innihaldið í ákæruritum í politimálum og um, at ein skuldsettur ikki hevur skyldu at úttala seg, verða at nýta á sama hátt fyri sektaruppskot.
Stk. 3. Verður tikið við bótini, fellur onnur rættarsókn burtur.

 

 

175)  § 216, stk. 3, verður orðað soleiðis:
”Stk. 3. Um eitt tryggingarfelag ikki ger eftir boðum, givin sbrt. § 197, stk. 1 og 3, 1. pkt., kann felagnum verða álagt dag- ella vikutvingsilsbøtur.

 

 

176)  §§ 219-222 verða strikaðar. 

 

 

177)  Í fylgiskjali 1, nr. 10 verður: “motorakfør” broytt til: “motorrikin akfør á landi”.

 

 

178)     Í fylgiskjali 1, nr. 10, 11 og 12 verður ”(heruppií ábyrgd førarans)” broytt til: ”(heruppií ábyrgd fraktførarans)”.

 

 

179)     Í Fylgiskjali 1, nr. 13 verður ”1” broytt til: ”12”.

§ 2

Í løgtingslóg nr. 69 frá 27. mai 2011 um at broyta ársroknskaparlógina, lóg um ávís vinnurekandi virkir, lóg um vinnurekandi grunnar, grannskoðanarlógina og tryggingarlógina verður § 5 strikað.

§ 3

Henda løgtingslóg kemur í gildi 1. januar 2013.

 

 

Tórshavn, 20. desember 2012

 

Kaj Leo Holm Johannesen (sign.)
løgmaður

Lm. nr. 51/2012