Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
18. desember 2015Nr. 141
Løgtingslóg um broyting í løgtingslóg um serligt avgjald á brenniolju
(Broytingar í vørunumrum í Toll- og vøruskránni)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 179 frá 18. desember 1992 um serligt avgjald á brenniolju, sum broytt við løgtingslóg nr. 66 frá 10. mai 1994, løgtingslóg nr. 97 frá 29. desember 1998, løgtingslóg nr. 50 frá 4. apríl 2000, løgtingslóg nr. 121 frá 1. desember 2003, løgtingslóg nr. 132 frá 9. desember 2005, løgtingslóg nr. 49 frá 16. mai 2006, løgtingslóg nr. 65 frá 10. juni 2008, løgtingslóg nr. 46 frá 8. mai 2012, løgtingslóg nr. 80 frá 7. juni 2012 og løgtingslóg nr. 108 frá 19. november 2012, verða gjørdar hesar broytingar:
1. Í § 1, stk. 1 verður 2. pkt. orðað soleiðis:
“Vøran er nevnd í Toll- og vøruskránni undir vørunumrum 2710.19.47 og 2710.19.48 fýringsolja, 2710.19.43 og 2710.19.46 autodieselolja.”
2. Í § 1, stk. 1 verður 4. pkt. orðað soleiðis:
“Vøran er nevnd í Toll- og vøruskránni undir vørunumrum 2710.19.64 og 2710.19.68 brenniolja.”
3. Í § 2, stk. 4, verður nr. 6 orðað soleiðis:
“Framflutningsvirki hava rætt til at fáa endurútgoldið avgjaldið, sum tey hava goldið sambært § 1 av vørunummrunum: 2710.19.47, 2710.19.48 fýringsolja, og 2710.19.43, 2710.19.46 autodieselolja.”
§ 2
Henda løgtingslóg kemur í gildi 1. januar 2016.
Í Tinganesi, 18. desember 2015
Aksel V. Johannesen (sign.)
løgmaður
Lm. nr. 43/2015
