27. oktober 2017Nr. 141
Løgtingslóg um broyting í løgtingslóg um at byggja skúladepil í Tórshavn
(Útlegg, undirvísingaramboð og flagtekja)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 43 frá 26. mai 2008 um at byggja skúladepil í Tórshavn, sum broytt við løgtingslóg nr. 80 frá 7. juni 2011, løgtingslóg nr. 20 frá 26. mars 2013 og løgtingslóg nr. 106 frá 3. november 2016, verða gjørdar hesar broytingar:
1. § 1, stk. 3 verður orðað soleiðis:
“Stk. 3. Byggiútreiðslurnar kunnu í mesta lagi verða 636,5 mió. kr., íroknað innbúgv og útgerð, harav 86,6 mió kr. verða avsettar til fíggjarligt útlegg hjá Landsverki.”
2. Í § 2, stk. 1 verður “2017” broytt til: “2018”.
§ 2
Henda løgtingslóg kemur í gildi dagin eftir, at hon er kunngjørd.
Í Tinganesi, 27. oktober 2017
Aksel V. Johannesen (sign.)
løgmaður
Lm. nr. 13/2017