Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
14. desember 2009Nr. 154
Løgtingslóg um broyting í løgtingslóg um lestrarstuðul
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 36 frá 3. mai 2007 um lestrarstuðul, sum broytt við løgtingslóg nr. 76 frá 25. mai 2009, verða gjørdar hesar broytingar:
1) § 13, stk. 1 verður orðað soleiðis:
“Studningur til skúlagjald kann veitast umsøkjara, ið er fyltur 18 ár, og sum fer undir hægri lestur uttan fyri Norðurlond. Stuðulsstovnurin rindar studning til skúlagjaldið sambært rokning frá útbúgvingarstaðnum. Frá 1. august 2010 verður studningurin til skúlagjaldið í mesta lagi kr. 100.000, og frá 1. august 2011 í mesta lagi kr. 80.000. Møguligur studningur til skúlagjaldið frá SU ella øðrum lestrarstuðulsstovni verður roknaður sum partur av nevndu upphædd.”
2) Í § 19, stk. 1, 2. pkt. verður sett aftaná “1. august 2009”: “og 1. august 2010”.
§ 2
Henda løgtingslóg kemur í gildi 1. august 2010.
Tórshavn, 14. desember 2009
Kaj Leo Johannesen (sign.)
løgmaður
Lm. nr. 26/2009
