Løgtingslóg nr. 162 frá 21. desember 2018 um broyting í løgtingslóg um fyrisiting av sjófeingi

21. desember 2018Nr. 162

Løgtingslóg um broyting í løgtingslóg um fyrisiting av sjófeingi

(Leingjan av fiskidagaskipan fyri 2019)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 161 frá 18. desember 2017 um fyrisiting av sjófeingi, sum broytt við løgtingslóg nr. 33 frá 20. apríl 2018, verða gjørdar hesar broytingar:

1.    Í § 10, stk. 2 verður “1. januar 2019” broytt til: “1. januar 2020”.

2.    Í § 22, § 23, stk. 1, § 24, stk. 1, § 26 og § 27, stk. 1 verður “1. januar 2019” broytt til: “1. januar 2020”.

3.    Í § 23, stk. 5 verður “2018” broytt til: “2019”.

4.    Í § 23, stk. 6 verður “við árslok 2018” broytt til: “í 2019”.

5.    Í § 27, stk. 2-5 og í § 29, stk. 1 verður “við árslok 2018” broytt til: “í 2019”.

6.    Í § 41, stk. 1 og stk. 3 verður “1. januar 2019” broytt til: “1. januar 2020”.

7.    Í § 41, stk. 2 verður aftan á “2018” sett: “og 2019”.

8.    Heitið á kapitli 16 verður orðað soleiðis:

“Fiskidagaskipan í føroyskum sjógvi í 2019”

9.    Í § 73, stk. 1 verður “1. januar 2018 til 31. desember 2018” broytt til: “1. januar 2019 til 31. desember 2019”.

10.  Í § 73, stk. 2 verður “1. september til 31. desember 2017” broytt til: “1. januar 2018 til 31. desember 2018”.

11.  § 74, stk. 1 verður orðað soleiðis:

“Innan fyri hvønn av hesum bólkum av fiskiførum verður fiskidagatal ásett soleiðis:

1)    Bólkur 2: Trolarar:

a)    Innara fiskidagaleið: 4.386 fiskidagar.

b)   Ytra fiskidagaleið: 1.530 fiskidagar.

2)    Bólkur 3: Línuskip yvir 110 tons: 2.029 fiskidagar.

3)    Bólkur 4 A: Útróðrarbátar millum 15-40 tons: 859 fiskidagar.

4)    Bólkur 4 B: Útróðrarbátar størri enn 40 tons á línuveiðu: 1.323 fiskidagar.

5)    Bólkur 4 T: Útróðrarbátar størri enn 40 tons á trolveiðu: 1.178 fiskidagar.

6)    Bólkur 5: Útróðrarbátar undir 15 tons á húkaveiðu: 8.879 fiskidagar.”

12.  Í § 74 verður stk. 2 strikað.

Stk. 3-12 verður eftir hetta stk. 2-11.

13.  § 74, stk. 4, sum verður stk. 3, verður orðað soleiðis:

“Stk. 3. Fiskidagar, tillutaðir bólki 2, 3, 4 A, 4 B og 4 T sambært stk. 1, verða latnir sum egnir fiskidagar í sama lutfalli, sum var í 2018.”

14.  § 74, stk. 7, sum verður stk. 6, verður orðað soleiðis:

“Stk. 6. Landsstýrismaðurin kann í 2019 fyri bólk 2, sambært stk. 1, tilluta 177 fiskidagar og fyri bólkarnar 3 og 4, sambært stk. 1, tilluta ávikavist 61 og 101 fiskidagar tilsamans at lata fiskiførum, sum avreiða livur. Landsstýrismaðurin ásetir í kunngerð treytir fyri at fáa lut í hesum fiskidøgum.”

15.  § 74, stk. 8, sum verður stk. 7, verður orðað soleiðis:

“Stk. 7. Umframt fiskidagar sambært stk. 1 verða fiskidagar fyri tíðarskeiðið frá 1. januar 2019 til 31. desember 2019 ásettir soleiðis:

1)   Bólkur 3: Línuskip yvir 110 tons: 179 fiskidagar.

2)   Bólkur 4 A: Útróðrarbátar millum 15-40 tons: 76 fiskidagar.

3)   Bólkur 4 B: Útróðrarbátar størri enn 40 tons á línuveiðu: 117 fiskidagar.

4)   Bólkur 4 T: Útróðrarbátar størri enn 40 tons á trolveiðu: 104 fiskidagar.”

16.  Í § 74, stk. 9, sum verður stk. 8, verður “1. apríl 2018” broytt til: “1. apríl 2019” og “stk. 8” broytt til: “stk. 7”.

17.  Í § 74, stk. 10, sum verður stk. 9 verður “stk. 9” broytt til: “stk. 8”.

18.  Í § 74, stk. 11, sum verður stk. 10, verður tríggja staðni “1. september 2016 til 31. august 2017” broytt til: “1. januar 2018 til 31. desember 2018”, og tvær staðni verður “stk. 8” broytt til: “stk. 7”.

19.  Í § 79, stk. 1 verður tvær staðni “2018” broytt til: “2019”.

20.  Í § 79, stk. 2 verður “1. september 2016 til 31. august 2017” broytt til: “1. januar 2018 til 31. desember 2018”.

21.  Í § 79, stk. 3 verður “1. oktober 2018 til 31. desember 2018” broytt til: “1. oktober 2019 til 31. desember 2019”.

22.  Í § 80, stk. 1 og stk. 3 verður “2018” broytt til: “2019”.

§ 2

Henda løgtingslóg kemur í gildi dagin eftir, at hon er kunngjørd.

Í Tinganesi, 21. desember 2018

Aksel V. Johannesen (sign.)

løgmaður

Lm. nr. 82/2018