Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
24. desember 2015Nr. 162
Løgtingslóg um broyting í løgtingslóg um loyvisgjald á alivinnu
(Avtøka av loyvisskatti og dagføring av tøkugjaldi)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 64 frá 15. mai 2014 um loyvisgjald á alivinnu verða gjørdar hesar broytingar:
1. Í § 1, stk. 1 verður “og loyvisskatt” strikað.
2. § 2, stk. 4 verður orðað soleiðis:
“Stk. 4. Gjaldið verður ásett soleiðis:
1) Er miðal altjóða marknaðarprísurin kr. 27 fyri kilo ella hægri, er gjaldið 4,5%.
2) Er miðal altjóða marknaðarprísurin kr. 23 fyri kilo ella hægri, men lægri enn kr. 27 fyri kilo, er gjaldið 2,5%.
3) Er miðal altjóða marknaðarprísurin lægri enn kr. 23 fyri kilo, er gjaldið 0,5%.”
3. Yvirskriftin yvir § 3 verður strikað.
4. § 3 verður strikað.
§ 2
Henda løgtingslóg kemur í gildi 1. januar 2016.
Í Tinganesi, 24. desember 2015
Aksel V. Johannesen (sign.)
løgmaður
Lm. nr. 32/2015
