Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
22. desember 2009Nr. 165
Løgtingslóg um broyting í løgtingslóg um dagpening vegna sjúku v.m.
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 74 frá 8. mai 2001 um dagpening vegna sjúku v.m., sum seinast broytt við løgtingslóg nr. 9 frá 30. mars 2004, verða gjørdar hesar broytingar:
1) § 4, 2. pkt. verður orðað soleiðis:
”Hesin rættur dettur burtur frá tí 1. í mánaðinum eftir, at viðkomandi hevur fingið tillutað fólkapensjón ella er fyltur 70 ár.”
2) § 12, stk. 2, 2. pkt. verður strikað.
3) Í § 25, stk. 1 verður ”Kærunevndina í almannamálum” broytt til: ”Kærunevndina í almanna- og heilsumálum”.
§ 2
Stk. 1. Henda løgtingslóg kemur í gildi 1. januar 2010.
Stk. 2. Fólkapensjónistur, ið er sjúkur og sum fær sjúkradagpening, tá lógin kemur í gildi, verður ikki ávirkaður av broytingini í § 1, nr. 1, fyrr enn játtaða dagpeningatíðarskeiðið er úti.
Tórshavn, 22. desember 2009
Kaj Leo Johannesen (sign.)
løgmaður
Lm. nr. 24/2009
