29. desember 2011Nr. 181
Løgtingslóg um bráðfeingis játtanarlóg fyri 2012
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1. Til fíggjarlógin fyri fíggjarárið 2012 er samtykt, verður landsstýrinum heimilað at uppkrevja beinleiðis og óbeinleiðis skattir eftir galdandi lógum. Landsstýrinum verður heimilað í sama tíðarskeiði at rinda neyðugar útreiðslur, soleiðis at landshúsarhaldið ótarnað kann fara fram, og átiknar skyldur verða hildnar.
§ 2. Henda løgtingslóg kemur í gildi 1. januar 2012.
Tórshavn, 29. desember 2011
Kaj Leo Holm Johannesen (sign.)
løgmaður
Lm. nr. 112/2011