Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
4. desember 2025Nr. 191
Løgtingslóg um broyting í løgtingslóg um sjófeingi (Sjófeingislógin)
(Flyting av fiskidøgum til árið eftir verður víðkað til eisini at fevna um bólk 5)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 152 frá 23. desember 2019 um sjófeingi (Sjófeingislógin), sum seinast broytt við løgtingslóg nr. 91 frá 7. mai 2025, verður í § 19 sum stk. 5 sett:
“Stk. 5. Landsstýrismaðurin kann áseta reglur um, at fiskidagar, sum bólkur 5, sambært § 18, stk. 1, nr. 5, ikki hevur brúkt í fiskiárinum, tó í mesta lagi 10% av tillutaðu døgunum, kunnu flytast til árið eftir at brúka í tíðarskeiðinum frá 1. oktober til 31. desember, herundir treytir fyri at fáa lut í hesum fiskidøgum.”
§ 2
Henda løgtingslóg kemur í gildi dagin eftir, at hon er kunngjørd og fer úr gildi 1. januar 2027.
Í Tinganesi, 4. desember 2025
Aksel V. Johannesen (sign.)
løgmaður
Lm. nr. 46/2025
