Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
19. mai 2008Nr. 29
Løgtingslóg um broyting í løgtingslóg um vinnuligan fiskiskap
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 28 frá 10. mars 1994 um vinnuligan fiskiskap við seinni broytingum verða gjørdar hesar broytingar:
1) Í § 35 verður aftaná stk. 1 sum nýtt stk. sett:
“Stk. 2. Fiskifør og fiskaflutningsfør hava skyldu at hava umborð leytara til nýtslu, tá Fiskiveiðieftirlitið ynskir at koma umborð. Leytarin skal lúka somu treytir, sum regluverkið hjá Skipaeftirlitinum setur til loðsleytarar.”
Stk. 2-4 verða hereftir stk. 3-5.
2) Í § 40, stk. 1, nr. 3 verður aftaná “§ 24, stk. 2,” sett: “§ 35, stk. 2,”.
§ 2
Henda løgtingslóg kemur í gildi dagin eftir, at hon er kunngjørd.
Tórshavn, 19. mai 2008
Jóannes Eidesgaard (sign.)
løgmaður
/ Tórbjørn Jacobsen (sign.)
Lm. nr. 152/2007
