6. mai 2011Nr. 36
Løgtingslóg um broyting í løgtingslóg um fólkayvirlit
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 41 frá 8. mai 2007 um fólkayvirlit verður § 21, stk. 4 orðað soleiðis:
”Stk. 4. Persónar, ið eru starvsettir undir danska statinum og sendir í uttanríkistænastu, ella í avmarkað tíðarskeið eru útsendir í trúboðaravirksemi, í humaniterum arbeiði ella framhaldsnámi, verða, hóast stk. 1, ongantíð skrásettir sum fluttir av landinum, sbr. tó § 22, stk. 1. Landsstýrismaðurin ásetir í kunngerð, hvat hugtøkini trúboðaravirksemi, humanitert arbeiði og framhaldsnám fevna um, og kann áseta nærri reglur annars.”
§ 2
Henda lóg kemur í gildi dagin eftir, at hon er kunngjørd.
Tórshavn, 6. mai 2011
Kaj Leo Holm Johannesen (sign.)
løgmaður
Lm. nr. 66/2010
