Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
30. mars 2001Nr. 45
Løgtingslóg um broyting í løgtingslóg um stuðul til rentuútreiðslur av lánum
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 148 frá 30. desember 1996 um stuðul til rentuútreiðslur av lánum, við seinni broytingum, verður gjørd henda broyting:
1) § 2 a, stk. 3, verður strikað.
2) Í § 3, stk. 3, verður skoytt uppí:
“Og skal umsókn um hetta verða latin, áðrenn 1. apríl fyri tilskrivaðar rentur almanakkaárið frammanundan.”
3) Í § 3 verður sett sum stk. 4:
“Stk. 4. Fyri tey lán, sum eru nevnd í § 2, nr. 2, litra a, verður rentustuðul bert veittur til tær rentur, sum sambært vanligum lániavtalum verða tilskrivaðar leypandi fyri hvørt álmanakkaár.”
§ 2
Henda løgtingslóg kemur í gildi dagin eftir, at hon er kunngjørd, og hevur virknað frá framløgudegnum.
Tórshavn, 30. mars 2001
Anfinn Kallsberg (sign.)
løgmaður
