Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
15. mai 2014Nr. 50
Løgtingslóg um broyting í løgtingslóg um kolvetnisvirksemi
(Um at loyvishavarar skulu skráseta deild ella felag og hava umboð búsitandi í Føroyum)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 31 frá 16. mars 1998 um kolvetnisvirksemi, sum broytt við løgtingslóg nr. 52 frá 26. mai 2010, verður í § 6 sum stk. 3 sett:
“Stk. 3. Loyvishavarar við loyvi eftir stk. 1 skulu skráseta deild ella felag í Føroyum í seinasta lagi 3 mánaðir eftir, at loyvi er latið, ella eftir at teir eru góðkendir sum loyvishavarar eftir hesi lóg og skulu hava umboð búsitandi í Føroyum.”
§ 2
Stk. 1. Henda løgtingslóg kemur í gildi dagin eftir, at hon er kunngjørd.
Stk. 2. Kravið um, at loyvishavarar, skulu hava umboð búsitandi í Føroyum, sbrt. § 1, er ikki galdandi fyri verandi loyvishavarar í verandi loyvum, sum ikki hava umboðan í Føroyum, tá lógin fær gildi.
Tórshavn, 15. mai 2014
Kaj Leo Holm Johannesen (sign.)
løgmaður
Lm. nr. 102/2013
