Løgtingslóg nr. 50 frá 20. mai 1996 um broyting í løgtingslóg um vinnuligan fiskiskap

20. mai 1996Nr. 50

Løgtingslóg um broyting í løgtingslóg um vinnuligan fiskiskap

Samsvarandi samtykt Føroya Løgtings staðfestir og kunnger løgmaður hesa løgtingslóg:

§ 1

Í løgtingslóg nr. 28 frá 10. mars 1994 um vinnuligan fiskiskap við seinni broytingum verða gjørdar hesar broytingar:

 

1)   § 2, stk. 4. verður orðað soleiðis:

“Stk. 4. Landsstýrið setir eina skipanarnevnd við umboðum frá vinnuni, Fiskirannsóknarstovuni, fískivinnuumsitingini og fískiveiðueftirlitinum, sum á hvørjum ári, út frá tilmælí frá Fiskirannsóknarstovuni og Stovnsrøktarnevndini, metir um, at ásetta fiskidagatalið fyri hvønn bólk av fískiførum tryggjar, at stovnarnir verða gagnnýttir burðardygt, og um skipanin við fiskidøgum og stongdum økjum yvirhøvur tryggjar, at endamálini í hesi lóg verða rokkin. Nevndin verður vald fyri 4 ár í senn og ger landsstýrið reglugerð um val og virki nevndarinnar.”

 

2)   Nýggj § 4, stk. 4 verður soljóðandi:

“Stk. 4. Innara fískidagaleiðin er sjógvurin innanfyri beinar linjur drignar gjøgnum hesi tilskilaðu støð í hesi raðfylgju:

1)     62°47'00" N,
07°12'00" W.

2)    62°47'30" N,
06°300'00" W.

3)    62°42'00" N,
06°00'00" W.

4)     62°28'00" N,
05°00W W.

5)         62°00'00" N,
04°51'00" W.

6)     61°30'00" N,
04°50'00" W.

7)     61°15'00"N,
05°00'00" W.

8)     61°15'00" N,
06°00'00" W.

9)     60°35'00" N,
06°09'00" W.

10)  60°26'00" N,
06°10'00" W.

11)   60°26'00" N,
06°32'00" W.

12)   60^o35'00" N,
06°35'00" W.

13)  61°23'00"N,
07°30'00" W.

14)   61°25'25" N,
08°01’00" W.

15)  61°32'48" N,
08°20'30" W.

16)  61°49'00" N,
08°41'48" W.

17)   62°15'00" N,
08^o41'48" W.

18)   62°35'00" N,
08°00'00" W.”

 

3)   Nýggj § 4, stk. 5 verður soljóðandi:

“Stk. 5. Ytra fiskidagaleiðin er sjógvurin millum 200 fjórðinga sjómarkið og innaru fiskidagaleiðina ásett í stk 4, tó verður Føroya Banki ikki tikin við.”

 

4)     Verandi § 4, stk. 4 verður § 4, stk. 6

 

5)   § 5 verður orðað soleiðis:

“§ 5. Mest loyvda veíða (MLV) sambært hesi lóg er tað tal og/ella tann nøgd í tonsum, rund vekt, av fiski og dýrasløgum, sum veiðast kann í eínum fiskiári úr ávísum fiskastovni á føroysku landleiðunum, Veiðuevnið hjá fiskifari er veiðitrýstið hvørt fiskifar fremur hvønn fiskidag.

Stk. 2. Heildarkvota sambært hesi lóg er tann nøgd av fiski í tonsum, rund vekt, sum fiskifør undir føroyskum flaggi hava rættindi at veiða sambært árligum semjum í millumlandafiskivinnunevndum og sambært árligum avtalum eftir sínámillum fiskivinnusáttmálum við onnur lond.

Stk. 3. Veiðuloyvi sambært hesi lóg er góðkenning, ið Føroya Landsstýri veitir ávísum fiskifari at veiða á føroysku landleiðunum og á leiðum uttanfyri føroysku landleiðirnar.

Stk. 4. Fiskiloyvi sambært hesi lóg er tann rættur, sum Føroya Landsstýri hevur latið eigara av ávfsum fiskifari, sum hevur veiðuloyvi sambært stk. 3, at veiða ávíst flskidagatal og/ella ávísa nøgd úr ávísum fískastovnum á ávísum leiðum í ávísum fiskiári. Fiskiloyvi kann eisini verða tatið eigara av fiskifari, sum ikki áður hevur havt veiðuloyvi sambært stk. 3, soleiðis at veitt verða fyribils ella avmarkað rættindi at veiða ávísa nøgd úr fiskastovnum á ávísum leiðum í ávísum fískiári.

Stk. 5. Ein fiskidagur er eitt samdøgur og verður roknaður frá midnátt til midnátt í veiði við troli og snellu. Í beinleiðis veiði við línu kann samdøgrið verða roknað sum landsstýrið ásetur. Talið av fiskidøgum, ið eitt fiskifar hevur nýtt ein túr, verður roknað frá tí at túrur byrjar til túrur endar. Tað ber einans til at rokna við heilum fiskidøgum.

Stk. 6. Felags kvotupartur er tann partur av heildarkvotu á fjarleiðum av ávísum fiskastovni, ið landsstýrið setur av til at fiska hjá einum bólki av fiskiførum, undir einum. Felags árskvota er felags kvotuparturin á fjarleiðum roknaður um til tons, rund vekt, av fiski.

Stk. 7. Egin kvotupartur er tann prosentpartur av felags árskvotu av ávísum fiskastovni á fjarleiðum, ið landsstýrið hevur latið persóni ella felagi rættin at f'iska. Egin árskvota er egni kvotuparturin á fjarleiðum roknaður um til tons, rund vekt, av fiski.

Stk. 8. Hjáveiðupartur er tann partur í prosentum, sum verður lutaður fiskiførum ella bólkum av fiskif'ørum til.

Stk. 9. Stovnsrøktarnevndin. Landsstýrið velur stovnsrøktarnevnd. Fiskiveiðufeløgini umboðandi trol- og húkaveiðu hava hvør sínar tveir limir og tiltakslimir í stovnsrøktarnevnd, sum gevur landsstýrinum sítt tilmæli um mest loyvdu veiði. Nevndin verður vald fyri 4 ár í senn. Landsstýrið ger reglugerð um val og virki nevndarinnar og tryggjar nevndini neyðugt tilfar, fyri at nevndin kann lata landsstýrinum so neyvt tilmæli sum gjørligt.

Stk. 10. Fiskiveiðieftirlitið er tann myndugleiki, sum landsstýrið leggur eftirlit við hesi lóg til.

Stk. 11. Fiskirannsóknarstovan er tann stovnur, sum letur landsstýrinum upplýsingar viðvíkjandi støðuni í fiskastovnunum og vísindaligar tilráðingar og metingar samsvarandi endamálinum í hesi lóg.”

 

6)     Í § 7, stk. 3 verður pkt. 2) orðað soleiðis:

“2) Ognararnir skulu eiga í minsta lagi 2/3 av ognarpeninginum og skulu uppfylla treytirnar í stk. 2.”

 

7)   § 8, stk. 1 verður broytt soleiðis:

“§ 8. Bert persónar og feløg, ið eiga fiskifør, ið hava veiðuloyvi sambært § 5, stk. 3 kunnu fáa rættindi sambært § 5, stk. 4-8.”

 

8)   § 9, stk. 1 verður orðað soleiðis:

“§ 9. Landsstýrinum verður heimilað í kunngerð at skipa fyri fiskiskapi hjá fískiførum undir føroyskum og fremmandum flaggi á føroysku landleiðunum og fiskiskapi hjá fiskiførum undir føroyskum flaggi uttanfyri landleiðirnar og kann landsstýrið m.a. gera reglur um:

1)    Reglur verða gjørdar um hvussu fiskidagar á innaru fiskidagaleiðini verða býttir um við fiskidagar á ytru fiskidagaleiðini við neyvari tilskilan av kongafiski og svartkalva hjáveiðunøgd og fískidagaskipan fyri fiskifør, sum hava serloyvir.

2)    Kvotuskipan á fjarleiðum.

3)     Fiskidagaskipan, har sum hesir ikki eru býttir út til ávísar skipabófkar eftir hesi lóg.

4)    Skyldu at lata veiðufráboðan til eftirlitsendamál

5)    Skipan við veiðu- og fiskiloyvum og avgreiðslugjald í hesum sambandi.

6)    Vernd av ungfiski og hámark fyri íblanding av ungfiski.

7)    Bann fyri at blaka veiði út aftur, og hvørji dýraog plantusløg koma undir hetta bann.

8)     Hvussu mótroknað verður, um veitt verður út um ásett fiskidagatal ella kvotu á fjarleiðum og um hvussu virði í mótrokningini verður at nýta.

9)    Reglur um hvør er at meta sum fult rikin og ikki fult rikin útróðrarbátur og reglur um inntøkumørk.

10)   Reglur um veiðibann sunnu- og halgidagar.

11)   Tíðaravmarkað veiðubann á ávísum leiðum við ávísum reiðskapi eftir tillagingartørvi fiskidagatalsskipaninnar.

 

9)   § 10, stk. 1 verður orðað soleiðis:

“§ 10. Virking av veiðu umborð á fiskiførum undir føroyskum flaggi á føroysku landleiðunum er bannað.”

 

10) § 11 stk. 2 verður orðað soljóðandi:

“Stk. 2. Til vinnuligan fískiskap við fiskiførum undir føroyskum flaggi eftir fiskasløgum, ið koma undir fiskidagaskipan, kvotu- ella aðra skipan sambært § 5 krevst, umframt veiðuloyvi og fiskiloyvi, sum nevnt í stk. 1, ræði yvir fiskidøgum og kvotum, sambært § 5, stk. 5-8.”

 

11) Kapittul 3 yvirskriftin verður broytt til: “Reglur um fiskidaga- og kvoturættindi”.

 

12) § 12 verður broytt soleiðis:

”§ 12. Skip við veiðuloyvi og fiskiloyvi hava rætt til fiskidagatal á føroysku landleiðunum og skip við avvarðandi veiði- og fískiloyvi á fjarleiðum hava rætt til kvotupart ella til at fiska burturav heildarkvotu grundað á ásettar reglur við atliti at § 4.”

 

13)   § 13 verður strikað.

 

14)   § 14. verður broytt soleiðis:

“§ 14. Fiskidagar kunnu frítt umsetast í hvørjum skipabólki sær í eitt fimm ára tíðarskeið. Fiskidagar kunnu bert verða læntir ella leigaðir millum høvuðsbólkarnar, tá 3 mánaðir eru eftir av fiskiárinum eftir nærri reglum, sum landsstýrið ásetur. Tó kunnu fiskidagar í bólki 4, § 29, stk. 1, ikki latast frá húki til trol. Fiskiveiðieftirlitið skal hava fráboðan um flyting av fiskidøgum, áðrenn farið verður at fiska fluttu dagarnar.

Stk. 2. Fiskidagar kunnu verða læntir ella leigaðir í hvørjum skipabólki sær í upp til 5 ár.

Stk. 3. Fiskidagar kunnu bert verða læntir ella leigaðir millum høvuðsbólkarnar eftir reglunum í stk. 1 í sama fiskiári.”

 

15)   Í § 15, stk. 1 verður “Landsstýrið” broytt til “Fiskiveiðieftirlitið” og í § 15, stk. 2 verður “1 ár” broytt til  “5 ár” í § 15, stk. 2 verður orðið “tvey” broytt til: “fímm”.

 

16)   § 16, stk. 2 verður strikað.

 

17)   Í § 17 verður “§ 5, stk. 6” broytt til “§ 5, stk.7”.

 

18)   Í § 18, stk. 1 aftaná fyrsta punktum verður skoytt uppí:

“§ 18. Fiskiskapur skal eisini steðga, tá ið fiskidagarnir hjá einstøkum fiskifari ella bólki eru nýttir. ”Í § 18, stk. 2 verður skoytt uppí: “ella fiskidagarnir eru nýttir.”

 

19)   Í § 21, stk. 1 verður orðið: “heildarkvotu” strikað og ístaðin verður sett inn orðingin: “kvotu- ella fiskidagaskipan”.

 

20) § 22, stk. 1 verður orðað soleiðis:

“§ 22. Við løgtingslóg verður ásett fiskidagatal fyri botn Fiskaveiðu á føroyska landgrunninum og fyri Føroya Banka hvørt fiskiárið. Áðrenn 1. juli á hvørjum ári letur Fiskirannsóknarstovan og Stovnsrøktarnevndin landsstýrinum hvør sína stovnsmeting. Út frá hesum stovnsmetingum kemur Skipanarnevndin við tilmæli til landsstýrið um, hvussu fiskiskapurin skal skipast komandi fiskiár. Koma Fiskirannsóknarstovan og Stovnrøktarnevndin fram á, at lívfrøðiligu fortreytirnar og veiðuorkan, sum vóru galdandi, seinast Fiskidagaskipan varð ásett, eru munandi broyttar, skal Skipanarnevndini út frá hesum gera nýtt tilmæli um nýtt fiskidagatal og mest loyvdu veiðuna komandi árið (MLV).”

Í § 22, stk. 2 verður orðið “heildarkvotum” broytt til “fiskidøgum” og í § 22, stk. 3 verður orðið “Heildarkvotur” broytt til “Fiskidagar” og orðið “kvotuskeiðið” verður broytt til “Fiskiárið”. § 22, stk. 3 verður orðað soleiðis:

“Fiskiárið byrjar 1. september og endar 31. august. Tó gongur hetta fyrsta dagatalsskeiðið frá lógarinnar gildiskomu 1. juni 1996 til 31. august 1997, og verður fiskidagatalið ásett samsvarandi. Fiskidagar fyri komandi árið verða ásettir f seinasta lagi 10. august sama árið, fískiárið byrjar.”

 

21) Í § 26, stk. 1 verður orðingin: “Egnir kvotupartar og árskvotur koma undir somu reglur sum egnir kvotupartar og árskvotur á føroysku landleiðunum.” strikað. Ístaðin verður skoytt uppí orðingin: “Egnir kvotupartar og árskvotur koma undir reglurnar í kapittul 3.” Sum nýtt Stk. 4. verður sett inn

“Stk. 4. Landsstýrinum verður heimilað, tá fýra mánaðir eru eftir av fiskiárinum, at flyta ónýttar kvotur innanfyri bólkin, ella til annan bólk, sum tørvar hesar, grundað á tilætlingina í hesi lóg.”

 

22) § 27 verður orðað soleiðis:

“§ 27. Fiskidagar verða ásettir á landleiðunum fyri fiskifør undir føroyskum flaggi undantikið lemmatrolarar størri enn 1000 HK frá 1. september 1996 til 31. august 1997.”

 

23) § 28 verður orðað soleiðis:

“§ 28. Veiðiflotin verður býttur upp í hesar høvuðsbólkar av fískiførum á føroysku landleiðunum:

Bólkur 1: Stáltrolarar yvir 400 HK, lemmatrolarar.

Bólkur 2: Stáltrolarar yvir 400 HK, pør.

Bólkur 3: Stállínuskip yvir 110 BRT.

Bólkur 4: Útróðrarbátar yvir 15 BRT.

Bólkur 5: Útróðrarbátar undir 15 BRT á húkaveiðu.

Bólkur 6: Onnur veiða.

Stk. 2. Rætturin til tilfeingið á føroysku landleiðunum verður roknað hvørjum høvuðsbólki sær eftir prosentbýti av teimum ymisku fískastovnunum soleiðis:

 

	Toskur	Hýsa	Upsi	Kongafiskur
Bólkur 1: Trol, lemmatrolarar	4%	1,75%	13%	90,5%
Bólkur 2: Trol, pør	21%	10,25%	69%	8,5%
Bólkur 3: Línuskip	23%	28%
Bólkur 4: Útróðrarbátar yvir 15 BRT.	31%	34,5%	11,5%	0,5%
Bólkur 5: Útróðrarbátar undir 15 BRT	20%	23,5%	6%
Bólkur 6: Onnur	1%	2%	0,5%	0,5%”

 

 

24) § 29 verður orðað soleiðis:

“§ 29. Innan fyri hvønn av høvuðsbólkunum av fiskiførum í § 28, stk. 1, sum eru í veiðiflotanum 1. januar 1995, verður fiskidagaskipan ásett fyri hesar undirbólkar við hesum árliga fiskidagatali, sum verður býtt javnt millum fiskiførini, bólkur 5 tó undantikin, tó jvb, stk. 3:

Bólkur 2: Partrolarar 8225 fiskidagar

Bólkur 3: Stállínuskip 3040 fiskidagar

Bólkur 4 A: Útróðrarbátar millum 15 - 40 BRT 4700 fiskidagar

Bólkur 4 B: Útróðrarbátar millum 40 - 60 BRT 3080 fiskidagar

Bólkur 4 D: Útróðrarbátar størri enn 60 BRT 1540 fiskidagar

Bólkur 5: Útróðrarbátar undir 15 BRT á húkaveiðu 22000 fískidagar

Tøkir 1000 fiskidagar

Stk. 2. Fyri Føroya Banka verður landsstýrið heimilað at áseta fiskidagaskipan eftir somu skipan sum fyri landgrunnin, tó við atliti at, hvussu Føroya Banki til eina og hvørja tíð er friðaður fyri ymsar veiðihættir.

Stk. 3. Ásetta fiskidagatalið fyri hvønn skipabólk sær er galdandi fyri fískiskap á innaru fiskidagaleiðini. Fiskiskapur á ytru fískidagaleiðini kann bert fara fram, um fiskifar hevur umsett fiskidagar frá innaru fiskidagaleiðini til ytru fiskidagaleiðina. Landsstýrið ásetur nærri reglur um, hvussu fiskidagar verða umsettir frá innaru fiskidagaleiðini til ytru fiskidagaleiðina.

Stk. 4. Fiskidagatalið fyri bólk 5 verður nýtt sambært áseting frá landsstýrinum fyri eitt hálvár í senn. Fiskidagatalið er umroknað og kann ikki umroknast til línu- ella kalvadagar.

Stk. 5. Fiskifar í bólki 4, ið roynir við húki, og ikki veiddi við troli áðrenn l.januar 1995, kann ikki leggja um til trolveiðu.

Stk. 6. Fiskifør, ið ikki eru undir fiskidagaskipan jvb. stk. 1 og stk. 2 í hesi grein og fiskifør við serloyvum, hava bert loyvi at veiða á føroysku landleiðunum eftir skipan við hjáveiðuparti, sum landsstýrið ásetir.

Stk. 7. Bátar, sum trola á leiðum, har loyvt berl verður troling við motororku undir 500 HK, fáa fískidagatal sum bólkur 4.

Stk. 8. Landsstýrinum verður heimilað, tá tríggir mánaðir eru eftir av fiskiárinum, at flyta ónýttar fiskidagar innanfyri bólkin, ella til annan bólk, sum tørvar hesar, grundað á tilætlingina í hesi lóg.”

 

25) § 30 verður strikað.

 

26) § 31 verður broytt soleiðis:

“§ 31. Talið av veiðiloyvum, ið koma undir fiskidagaskipan og skipan við hjáveiði eftir botnfiskasløgum á føroysku landleiðunum í hvørjum bólki av fískiførum undir føroyskum flaggi, er talið av veiðiloyvum, sum varð útskrivað frá landsstýrinum 1. januar 1995.”

§ 2

Henda lóg kemur í gildi 1. juni 1996.

 

 

Tórshavn, 20. mai 1996

 

Edmund Joensen (sign.)

løgmaður

/ Ivan Johannesen (sign.)