Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
12. mai 2015Nr. 51
Løgtingslóg um broyting í løgtingslóg um trygging móti avleiðingunum av arbeiðsskaða (Arbeiðsskaðatryggingarlógin)
(Tulking av arbeiðsskaða, vanlukku, vanlukkutilburði, endurrindan, rættstundis fráboðan, kæru)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 67 frá 25. mai 2009 um trygging móti avleiðingunum av arbeiðsskaða, sum broytt við løgtingslóg nr. 48 frá 8. mai 2012, verða gjørdar hesar broytingar:
1. §§ 8 og 9 verða orðaðar soleiðis:
”§ 8. Við arbeiðsskaða í hesi løgtingslóg er at skilja vanlukka, sbrt. § 9, og vinnusjúka, sbrt. § 10, ið stendst av arbeiðinum ella teimum viðurskiftum, arbeitt verður undir.
§ 9. Við eina vanlukku er sambært hesi løgtingslóg at skilja ein persónskaði, ið er elvdur av einum tilburði ella eini ávirkan, sum hendir brádliga ella innan fyri 5 dagar.
Stk. 2. Fyri vanlukkur er rættarvirknaðurin í hesi løgtingslóg galdandi frá degnum, tá vanlukkan hendi, ella frá degnum, tá ávirkanin, sum hevur elvt til vanlukkuna, heldur uppat, um ikki annað er ásett í løgtingslógini.”
2. Í § 13, stk. 1 verður “, smbr. tó stk. 2” strikað.
3. § 13, stk. 2 verður strikað.
4. Í § 15, stk. 1 verður “vanlukkutilburðir, stutttíðar skaðilig árin og lyftiskaðar” broytt til: ”vanlukkur”.
5. Í § 21, stk. 1, 1. pkt. verður “Er hendur vanlukkutilburður, stutttíðar skaðiligt árin ella lyftiskaði” broytt til: “Er hend vanlukka”.
6. Í § 21 verða aftaná stk. 1 sum nýggj stk. sett:
“Stk. 2. Arbeiðsgevarin ella tann sjálvstøðugt vinnurekandi skal endurrinda útreiðslurnar hjá tryggingarfeløgunum í stk. 1, umframt rentu við 1% yvir diskonto Tjóðbankans, uttan so, at Vanlukkutryggingarráðið metir, at talan er um slíkar umberandi umstøður, at tann tryggingarskyldugi arbeiðsgevarin ella tann sjálvstøðugt vinnurekandi eigur heilt ella partvíst at frítakast fyri at endurrinda.
Stk. 3. Upphæddin, sum endurrindast skal sbrt. stk. 2, verður ásett og innheintað av Vanlukkutryggingarráðnum og samsvarandi nærri reglum, ásettar av landsstýrismanninum, lutfalsliga býtt ímillum tryggingarfeløgini. Útpantingarrættur er fyri upphæddina, sum endurrindast skal, umframt rentur og aðrar útreiðslur hesum viðvíkjandi.
Stk. 4. Í tann mun, tað verður mett at vera rímiligt, kann Vanlukkutryggingarráðið geva arbeiðsgevaranum ella tí sjálvstøðugt vinnurekandi upphæddina eftir.”
Stk. 2, 3 og 4 verða eftir hetta stk. 5, 6 og 7.
7. Í § 21, stk. 2, sum verður stk. 5 verður ”vanlukkutilburðir, stuttíðar skaðiligt árin ella lyftiskaðar” broytt til: ”vanlukkur”.
8. Í § 21, stk. 3, sum verður stk. 6, verður ”vanlukkutilburðurin, stutttíðar skaðiliga árinið ella lyftiskaðin er hendur” broytt til: “vanlukkan er hend”.
9. § 23, stk. 5 verður orðað soleiðis:
”Stk. 5. Er fráboðan ikki send inn rættstundis, kann tryggjaði ella tey eftirsitandi innan eitt ár, eftir at arbeiðsskaðin hendi, kortini seta fram krav um endurgjald eftir lógini. Fyri vinnusjúkur, sambært § 10, verður freistin roknað frá tí degi, tann tryggjaði ella avvarðandi hansara gjørdist varugur við, at sjúkan kann vera treytað av arbeiðinum. Síggjast kann burtur frá freistini, tá ið skjalprógv eru fyri, at tryggjaði hevur verið fyri einum arbeiðsskaða, sbrt. § 8, og tryggjaði ella tey eftirsitandi vegna arbeiðsskaðan havar rætt til endurgjald o.a. sbrt. § 38. § 39, stk. 2 verður ikki nýtt, tá ið mett verður um atvoldarsamband eftir hesari áseting.”
10. Í § 24, stk. 1 verður aftaná ”fráboðanarskylduna” sett: ”fyri vanlukkur”.
11. Í § 24, stk. 3 verður “ella brádliga hendir lyftiskaðar sbrt. § 9” strikað.
12. § 27, stk. 1, 1. pkt. verður “eftir tilmæli frá Landslæknanum” broytt til: “eftir tilmæli frá Vanlukkutryggingarráðnum”.
13. Í § 29, stk. 1, 1. pkt. verður “vanlukkutilburð, sbr. § 8, nr. 1, ella stutttíðar skaðilig árin, sbr. § 8, nr. 2” broytt til: ”vanlukku”.
14. Í § 29, stk. 2 verður “umframt brádliga hendar lyftiskaðar, sbr. § 9,” strikað.
15. Í § 35 verða aftaná stk. 3 sum nýggj stk. sett:
”Stk. 4. Áðrenn Ankestyrelsen viðger eina kæru eftir stk. 2, skal Vanlukkutryggingarráðið taka støðu til, um grundarlag er fyri at geva kæraranum heilt ella partvíst viðhald. Kæran skal tí sendast Vanlukkutryggingarráðnum.
Stk. 5. Kann Vanlukkutryggingarráðið ikki geva kæraranum viðhald, verður kæran send víðari til Ankestyrelsen við grundgevingini hjá Vanlukkutryggingarráðnum fyri avgerðini og endurmetingini.”
Stk. 4 verður eftir hetta stk. 6.
16. § 44, stk. 3 verður orðað soleiðis:
“Stk. 3. Er eitt hjálparamboð sum nevnt í stk. 1 og 2 nýtt í sambandi við arbeiðið, og er hetta hjálparamboð vorðið skatt, orsakað av arbeiðinum ella teimum viðurskiftum, arbeitt verður undir, rindar tryggingarfelagið ella landið, sbrt. § 21, stk. 7, ella Vinnusjúkugrunnurin kostnaðin av at umvæla ella endurnýggja hjálparamboðið.”
17. Í § 79, stk. 4, 3. pkt. verður “arbeiðstakarin” broytt til: “arbeiðsgevarin”.
§ 2
Stk. 1. Henda løgtingslóg kemur í gildi dagin eftir, at hon er kunngjørd.
Stk. 2. Løgtingslógin fær gildi fyri arbeiðsvanlukkur, ið henda á gildiskomudegnum ella aftaná gildiskomudagin, og vinnusjúkur, ið verða fráboðaðar á gildiskomudegnum ella aftaná gildiskomudagin.
Í Tinganesi, 12. mai 2015
Kaj Leo Holm Johannesen (sign.)
løgmaður
Lm. nr. 92/2014
