Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
14. mai 2013Nr. 51
Løgtingslóg um broyting í løgtingslóg um útleigan av bústøðum
(Deponeringskonta)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 60 frá 26. mai 2010 um útleigan av bústøðum, verða gjørdar hesar broytingar:
1. Í § 5, stk. 1 verður “sam við” broytt til: “samsvarandi við”.
2. Í § 5 verður aftaná stk. 1 sum nýtt stk. sett:
“Stk. 2. Depositum, sambært stk. 1, skal setast á deponeringskontu hjá útleigara í peningastovni, tó undantikið fyri leigumál, skipað sambært § 5 b í løgtingslóg um Húsalánsgrunn. Depositum kann takast av deponeringskontuni sambært deponeringsavtalu, ella við avgerð leigunevndarinnar.”
Stk. 2 og 3 verða eftir hetta stk. 3 og 4.
§ 2
Stk. 1. Henda løgtingslóg kemur í gildi dagin eftir, at hon er kunngjørd.
Stk. 2. Skipanin við tvungnari deponeringskontu verður eftirmett áðrenn 1. januar 2018.
Tórshavn, 14. mai 2013
Annika Olsen (sign.)
varaløgmaður
Lm. nr. 103/2012
