Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
7. juni 2007Nr. 58
Løgtingslóg um stuðul til bygging og umvæling av egnum bústaði, sum seinast broytt við løgtingslóg nr. 168 frá 22. desember 2009
§ 1. Persónur, sum byggir ella umvælir egnan bústað, hevur rætt til stuðul eftir hesi lóg.
Stk. 2. 1) Stuðul verður veittur fyri meirvirðisgjald av arbeiðsløn við einari upphædd pr. matr. nr.
Stk. 3. 1) Hægsta stuðulsupphæddin er fram til 30. juni 2010 kr. 150.000, hereftir lækkar hægsta stuðulsupphæddin soleiðis, at hon er:
1) kr. 100.000 frá 1. juli 2010 til og við 30. juni 2011,
2) kr. 50.000 frá 1. juli 2011 til og við 31. desember 2011 og
3) kr. 0 frá 1. januar 2012.
Stk. 4. 1) Eftirverandi stuðulsupphæddin er lægra talið av hesum:
1) hægsta stuðulsupphæddin í tíðarskeiðnum ávikavist
2) kr. 150.000 minus stuðul, sum áður er rindaður eftir hesi løgtingslóg.
Stk. 5. 1) Er lutfallið millum løn og tilfar soleiðis, at lønarparturin er størri enn tilfarsparturin, verður stuðul veittur við í mesta lagi helvtini av meirvirðisgjaldinum av arbeiðsløn og tilfari samanlagt.
§ 1 a. 2) Vanlig lutaíbúðafeløg, sambært kapitli 2 í løgtingslóg um lutaíbúðafeløg, sum byggja ella umvæla egnar lutaíbúðir, hava rætt til stuðul eftir hesi lóg.
Stk. 2. 2) 1) Stuðul verður veittur fyri meirvirðisgjald av arbeiðsløn við einari upphædd pr. lutin í felagnum.
Stk. 3. 1) Hægsta stuðulsupphæddin er fram til 30. juni 2010 kr. 150.000, hereftir lækkar hægsta stuðulsupphæddin soleiðis, at hon er:
1) kr. 100.000 frá 1. juli 2010 til og við 30. juni 2011,
2) kr. 50.000 frá 1. juli 2011 til og við 31. desember 2011 og
3) kr. 0 frá 1. januar 2012.
Stk. 4. 1) Eftirverandi stuðulsupphæddin er lægra talið av hesum:
1) hægsta stuðulsupphæddin í tíðarskeiðnum ávikavist
2) kr. 150.000 minus stuðul, sum áður er rindaður eftir hesi løgtingslóg.
Stk. 5. 2) 1) § 1, stk. 5 í hesi lóg er eisini galdandi fyri vanlig lutaíbúðafeløg.
§ 2. Stuðul verður einans veittur eftir umsókn.
Stk. 2. Rætturin til stuðul eftir hesi lóg fyrnast eftir 5 árum.
Stk.3. 1) Saman við umsóknini skal umsøkjarin lata TAKS skeytið yvir ognina, umframt fakturar og kvittanir fyri lønir og tilfar, sum hava samband við byggingina ella umvælingina av egnum bústaði.
§ 3. Landsstýrismaðurin í fíggjarmálum kann í kunngerð áseta nærri reglur um útgjalding av stuðli fyri meirvirðisgjald.
§ 4. 1) Avgerðir, tiknar eftir hesi løgtingslóg, kunnu innan 4 vikur kærast til Skatta- og Avgjaldskærunevndina. Kæran skal vera skrivlig, og grundgeving fyri kæruni skal vera við.
Stk. 2. 1) Freistin í stk. 1 verður roknað frá tí degi, tá kærarin fekk boð um avgerðina.
§ 5. Renta verður roknað av ov nógv útgoldnum stuðli við 0,7% fyri hvønn byrjaðan mánað frá útgjaldingardegnum at rokna. Sama er galdandi fyri skuldskrivaða rentu.
Stk. 2. Ov nógv útgoldin stuðul við afturatkomnum eykagjøldum, rentum v.m. verður afturhildin í A-inntøku skuldarans eftir reglunum í skattalógini, eins og panting kann fremjast eftir reglunum fyri innkrevjing av skattum og avgjøldum.
§ 6. 1) Henda løgtingslóg kemur í gildi dagin eftir, at hon er kunngjørd, og hon fer úr gildi 1. januar 2012.
Stk. 2. Sáttmálar, sum eru fráboðaðir Toll og Skattstova Føroya áðrenn 1. juli 2007, verða viðgjørdir eftir higartil galdandi reglum.
Tórshavn, 7. juni 2007
Jóannes Eidesgaard (sign.)
løgmaður
/ Magni Laksáfoss (sign.)
Lm. nr. 118/2007
