Løgtingslóg nr. 59 frá 11. apríl 2025 um broyting í løgtingslóg um fyribyrgjandi tiltøk ímóti hvítvaski av vinningi og fígging av yvirgangi (Hvítvasklógin)

11. apríl 2025Nr. 59

Løgtingslóg um broyting í løgtingslóg um fyribyrgjandi tiltøk ímóti hvítvaski av vinningi og fígging av yvirgangi (Hvítvasklógin)

(Um uppgávur og heimildir hjá eftirlitsmyndugleikum o.a.)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 190 frá 18. desember 2020 um fyribyrgjandi tiltøk ímóti hvítvaski av vinningi og fígging av yvirgangi (Hvítvasklógin), sum broytt við § 42 í løgtingslóg nr. 159 frá 10. desember 2021, § 7 í løgtingslóg nr. 31 frá 17. mars 2022, § 23 í løgtingslóg nr. 31 frá 9. mars 2023 og løgtingslóg nr. 69 frá 22. mai 2023, verða gjørdar hesar broytingar:

1.    Í § 1, stk. 1 verður aftan á “fyritøkur og persónar” sett: “, heruppií deildir, útbýtarar, útdeilarar og umboðsfólk hjá slíkum útlendskum fyritøkum og persónum her í landinum”.

2.    § 1, stk. 1, nr. 4 verður strikað.

Nr. 5-10 verða eftir hetta nr. 4-9.

3.    Í § 1, stk. 1, nr. 7, sum verður nr. 8, verður “nr. 5-6 og í § 1, stk. 1, nr. 14” broytt til: “nr. 4 og 5 og í § 1, stk. 1, nr. 13”.

4.    Í § 2, nr. 4, litra b verður “nr. 1-4” tvær staðni broytt til: “nr. 1-3”.

5.    Í § 2, nr. 11 verður “nr. 1-4” broytt til: “nr. 1-3”.

6.    Í § 2, nr. 12 verður “§ 1, stk. 1, nr. 5 og 6, ella av § 1, stk. 1, nr. 14” broytt til: “§ 1, stk. 1, nr. 4 og 5, ella av § 1, stk. 1, nr. 13”.

7.    Í § 6, stk. 2, 1. pkt. verður aftan á “§ 7, stk. 2” sett: “, § 16, stk. 2, nr. 5”.

8.    Í § 7, stk. 3 og 4 verður aftan á “nr. 1-3” sett: “tó ikki deildir, útbýtarar, útdeilarar og umboðsfólk her í landinum”.

9.    Í § 7, stk. 4 verður aftan á “og sum hava eina innanhýsis grannskoðan ella innanhýsis audit,” sett: “og nevndir í øðrum fyritøkum, sum eru fevndar av § 1, stk. 1, og sum sambært aðrari lóggávu eru fevndar av krøvum um innanhýsis grannskoðan ella innanhýsis audit,”.

10.  Í § 7, stk. 5 verður aftan á “Fyritøkur” sett: “, tó ikki deildir, útbýtarar, útdeilarar og umboðsfólk her í landinum”.

11.  Í § 13, stk. 5 verður “nr. 6-8” broytt til: “nr. 5-7”.

12.  Í § 13, stk. 5 verður “stk. 2” broytt til: “stk. 4”.

13.  Í § 25 verður aftan á stk. 2 sum nýtt stk. sett:

“Stk. 3. Fyritøkur og persónar skulu steðga við at gjøgnumføra transaktiónir, til kunning eftir stk. 1 er framd, og tey hava fingið góðkenning frá Hvidvasksekretariatet, um tey hava vitan um, illgruna um ella rímiliga orsøk at halda, at transaktiónin viðvíkur hvítvaski, og er omanfyri ávísa stødd, ella er serliga illgrunasom. Hvidvasksekretariatet setur í verk avgerðina um inndrátt skjótast gjørligt og í seinasta lagi áðrenn endan av bankadegnum eftir, at fráboðanin um avgerðina er móttikin. Nærri reglur um, nær ein transaktión er fevnd av 1. pkt. verða ásettar við heimild í § 26, stk. 5 í anordning om ikrafttræden for Færøerne af lov om forebyggende foranstaltninger mod hvidvask og finansiering af terrorisme (hvidvaskloven).”

Stk. 3-5 verða eftir hetta stk. 4-6.

14.  § 25, stk. 3, 2. pkt., sum verður stk. 4, 2. pkt., verður orðað soleiðis:

“Hvidvasksekretariatet setur skjótast gjørligt avgerðina um inndrátt í verk og í seinasta lagi áðrenn endan av bankadegnum eftir, at fráboðanin um avgerðina er móttikin.”

15.  Í § 26, stk. 1, 1. pkt. verður “nr. 5” broytt til: “nr. 4”.

16.  Í § 26, stk. 2 verður “nr. 5-7” broytt til: “nr. 4-6”.

17.  Í § 33, stk. 1, 1. pkt. og § 34, stk. 1, 1. pkt. verður “nr. 5-10” broytt til: “nr. 4-9”.

18.  Í § 33 a, stk. 1 verður “nr. 5-9” broytt til: “nr. 4-8”.

19.  Í § 35, stk. 1, 1. pkt. verður “§ 25, stk. 1 og 2” broytt til: “§ 25, stk. 1” og “§ 25, stk. 3 og 4” broytt til: “§ 25, stk. 2, 3 og 4”.

20.  Í § 36, stk. 3 verður “nr. 1-4” broytt til: “nr. 1-3”.

21.  Í § 36, stk. 5 verður “nr. 5 og 6” broytt til: “nr. 4 og 5”.

22.  Í § 36, stk. 6 verður “nr. 1-5 og 7” broytt til: “nr. 1-4 og 6”.

23.  Í § 36, stk. 7 verður “nr. 7” broytt til: “nr. 6”.

24.  Í § 36, stk. 8 verður aftan á “er” sett: “tó”.

25.  Í § 36 a, stk. 1 verður aftan á “§ 25” sett: “ella § 26 í anordning om ikrafttræden for Færøerne af lov om forebyggende foranstaltninger mod hvidvask og finansiering af terrorisme”.

26.  § 37, stk. 1, 1. pkt. verður orðað soleiðis:

“Tryggingareftirlitið ansar eftir, at fyritøkur og persónar, fevnd av § 1, stk. 1, nr. 1-3, og deildir, útbýtarar, útdeilarar og umboðsfólk her í landinum hjá slíkum útlendskum fyritøkum og persónum, halda hesa løgtingslóg og reglur, ásettar sambært løgtingslógini, umframt lóggávu um avmarkandi tiltøk í sambandi við atgerðir móti Ukraina.”

27.  Í § 37 verða sum stk. 3-5 sett:

“Stk. 3. Tryggingareftirlitið skal samstarva við málførar myndugleikar í ES- ella EBS-londum í sambandi við eftirlitsvirksemi, eftirlit á staðnum ella skoðanir her í landinum, tá talan er um fyritøkur og persónar, ið útinna virksemi sambært § 1, stk. 1, nr. 1-3 her í landinum, og eru undir eftirliti í einum ES- ella EBS-landi. Eisini skal Tryggingareftirlitið samstarva við málførar myndugleikar í ES- ella EBS-londum, tá talan er um fyritøkur og persónar, ið útinna virksemi sambært § 1, stk. 1, nr. 1-3 í einum ES- ella EBS-landi, og eru undir eftirliti í Føroyum.

Stk. 4. Eftirlitsmyndugleikarnir í einum ES- ella EBS-landi kunnu eftir avtalu við Tryggingareftirlitið gera eftirlit hjá fyritøkunum og persónunum, sum eru her í landinum og útinna virksemi sambært § 1, stk. 1, nr. 1-3, og hava heimstað í viðkomandi landi. Tryggingareftirlitið kann luttaka í eftirliti, sum nevnt í 1. pkt. Setur fyritøkan ella persónurin seg upp ímóti, at ein málførur útlendskur myndugleiki hevur eftirlit, kann eftirlitið bert fara fram, um Tryggingareftirlitið luttekur.

Stk. 5. Tryggingareftirlitið kann biðja málførar myndugleikar í einum ES- ella EBS-landi um at viðvirka til, at løgtingslógin og reglur, ásettar við heimild í løgtingslógini, verða yvirhildnar viðvíkjandi fyritøkum og persónum, sum útinna tað slagið av virksemi sum ásett í § 1, stk. 1, nr. 1-3 við bústaði í einum ES- ella EBS-landi, tá eftirlit, eftirlit á staðnum og skoðanir eru í viðkomandi ES- ella EBS-landi.”

28.  Í § 39, § 40 a, stk. 1, 1. pkt., § 41, § 42, stk. 1 og 2 verður “nr. 1-4” broytt til: “nr. 1-3”.

29.  § 40, stk. 1 verður orðað soleiðis:

“Tryggingareftirlitið kann áleggja eini fyritøku, fevnd av § 1, stk. 1, nr. 1-3, tó ikki deildum, útbýtarum, útdeilarum og umboðsfólkum hjá slíkum útlendskum fyritøkum og persónum her í landinum, at seta tann persónin, sum er tilnevndur sambært § 6, stk. 2, frá starvinum, innanfyri eina freist ásetta av Tryggingareftirlitinum, um persónurin eftir § 6, stk. 2, 3. og 4. pkt., ikki kann røkja starvið.”

30.  Í § 43, stk. 3 verður “§ 25, stk. 1 og 3 og stk. 4” broytt til: “§ 25, stk. 1-4”.

31.  § 45, stk. 1, 1. pkt. verður orðað soleiðis:

“Skráseting Føroya ansar eftir, at fyritøkur og persónar, fevnd av § 1, stk. 1, nr. 4-7 og 9, og deildir, útbýtarar, útdeilarar og umboðsfólk her í landinum hjá slíkum útlendskum fyritøkum og persónum halda hesa løgtingslóg og reglur, ásettar sambært henni, umframt lóggávu um avmarkandi tiltøk í sambandi við atgerðir móti Ukraina.”

32.  Í § 45, stk. 2 verður “nr. 7” broytt til: “nr. 6”.

33.  Í § 45 verða sum stk. 4-6 sett:

“Stk. 4. Skráseting Føroya skal samstarva við málførar myndugleikar í ES- ella EBS-londum í sambandi við eftirlitsvirksemi, eftirlit á staðnum ella skoðanir her í landinum, tá talan er um fyritøkur og persónar, ið útinna virksemi sambært § 1, stk. 1, nr. 4-7 og 9 her í landinum, og eru undir eftirliti í einum ES- ella EBS-landi. Eisini skal Skráseting Føroya samstarva við málførar myndugleikar í ES- ella EBS-londum, tá talan er um fyritøkur og persónar, ið útinna virksemi sambært § 1, stk. 1, nr. 4-7 og 9 í einum ES- ella EBS-landi, og eru undir eftirliti í Føroyum.

Stk. 5. Eftirlitsmyndugleikarnir í einum ES- ella EBS-landi kunnu eftir avtalu við Skráseting Føroya gera eftirlit hjá fyritøkunum og persónunum, sum eru her í landinum og útinna virksemi sambært § 1, stk. 1, nr. 4-7 og 9, og hava heimstað í viðkomandi landi. Skráseting Føroya kann luttaka í eftirliti, sum nevnt í 1. pkt. Setur fyritøkan ella persónurin seg upp ímóti, at ein málførur útlendskur myndugleiki hevur eftirlit, kann eftirlitið bert fara fram, um Skráseting Føroya luttekur.

Stk. 6. Skráseting Føroya kann biðja málførar myndugleikar í einum ES- ella EBS-landi um at viðvirka til, at løgtingslógin og reglur, ásettar við heimild í løgtingslógini, verða yvirhildnar viðvíkjandi fyritøkum og persónum, sum útinna tað slagið av virksemi sum ásett í § 1, stk. 1, nr. 4-7 og 9 við bústaði í einum ES- ella EBS-landi, tá eftirlit, eftirlit á staðnum og skoðanir eru í viðkomandi ES- ella EBS-landi.”

34.  Í § 46, stk. 1 og § 49 verður “nr. 8” broytt til: “nr. 7”.

35.  Í § 46, stk. 6 verður “nr. 9” broytt til: “nr. 8”.

36.  Í § 47, stk. 1 og 2 og § 48 verður “nr. 5-8 og 10” broytt til: “nr. 4-7 og 9”.

37.  Í § 50, stk. 3 verður “§ 25, stk. 1, 3 og 4” broytt til: “§ 25, stk. 1-4”.

38.  Í § 59, stk. 1, 2. pkt. verður “§ 25, stk. 1 og 3, 1. pkt.” broytt til: “§ 25, stk. 1-4”.

39.  Í § 59, stk. 2 og stk. 5, 2. pkt. verður “§ 25, stk. 1 og stk. 3, 1. pkt.” broytt til: “§ 25, stk. 1-4”.

40.  Í § 59 a, stk. 1 verður “§ 25, stk. 1 og 3, stk. 4, 1. pkt., og stk. 6” broytt til: “§ 25, stk. 1-4”.

§ 2

Henda løgtingslóg kemur í gildi 1. juli 2025.

Í Tinganesi, 11. apríl 2025

Aksel V. Johannesen (sign.)

løgmaður

Lm. nr. 63/2024