Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
25. mai 2009Nr. 65
Løgtingslóg um broyting í lóg um almenna forsorg
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í lov for Færøerne um offentlig forsorg, jfr. lovbekendtgørelse nr. 100 fra 2. marts 1988 om offentlig forsorg, sum seinast broytt við løgtingslóg nr. 99 frá 1. november 2007, verða gjørdar hesar broytingar:
1) Í § 24, stk. 1, nr. 2 verður sum 2. pkt. sett:
“Undantiknar frá hesum eru terminsútreiðslur av avdráttum til bústaðir, ið eru skipaðir sum vanlig ella serstøk lutaíbúðafeløg.”
2) Í § 32 verður aftaná stk. 4 sum nýtt stk. sett:
“Stk. 5. Landsstýrismaðurin kann áseta reglur um rakstur av vardum bústøðum til persónar við varandi avmarkaðum likamligum ella sálarligum førleika.”
§ 2
Henda løgtingslóg kemur í gildi 1. juli 2009.
Tórshavn, 25 mai 2009
Kaj Leo Johannesen (sign.)
løgmaður
Lm. nr. 167/2008
