Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
9. juni 1988Nr. 69
Løgtingslóg um sáttmálaeftirlit
Samsvarandi samtykt Føroya løgtings staðfestir og kunnger løgmaður hesa løgtingslóg:
§ 1. Landsstýrisnum er heimilað at seta á stovn sáttmálastov. Sáttmálastovnurin er stovnur undir landsskrivstovuni.
§ 2. Allar umsóknir um stuðul til skipabygging verða sendar sáttmálastovninum til viðgerðar. Stovnurin skal meta um tøkniligar loysnir, prísir og allar partar í teimum byggi- og umbyggingarsáttmálum, sum liggja til grund fyri umsóknunum. Havast skulu í huga møguleikarnir at byggja á føroyskari skipasmiðju. Stovnurin skal geva landsstýrinum tilráðingar í teimum einstøku byggimálunum. Stovnurin skal hava eftirlit saman við byggiharrunum við bygging og umbygging, sum verða játtað sambært lógini. og gera endaligu virðismetingina.
§ 3. Landsstýrið ásetur í kunngerð nærri reglur fyri virki stovnsins.
§ 4. Útreiðslur av arbeiðinum hjá stovninum verða bornar av landskassanum.
§ 5. Henda lóg kemur í gildi dagin eftir, at hon er kunngjørd.
