Løgtingslóg nr. 76 frá 1. juni 2023 um broyting í løgtingslóg um veiðigjøld fyri fiskiskap (Veiðigjaldslógin)

1. juni 2023Nr. 76

Løgtingslóg um broyting í løgtingslóg um veiðigjøld fyri fiskiskap (Veiðigjaldslógin)

(Dagføring av gjøldum, veiðigjald fyri lodnu og heystgýtandi sild og strikan av undantaki fyri heimaflotan)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 77 frá 5. mai 2021 um veiðigjøld fyri fiskiskap (Veiðigjaldslógin), verða gjørdar hesar broytingar:

1.    § 1 verður orðað soleiðis:

“§ 1. Eigari av fiskifari, undir føroyskum flaggi, sum veiðir av rættindum, Føroyar ráða yvir, skal rinda veiðigjald av veiðu av makreli, sild, lodnu, svartkjafti og botnfiski í Barentshavinum.”

2.    § 2 verður orðað soleiðis:

“§ 2. Veiðigjald skal ikki rindast av veiðu, tá rættindini at veiða eru keypt á uppboðssølu, og uppboðssølugjald skal rindast fyri kvotuna.”

3.    Í § 3 verður sum nr. 2 sett:

“2)  Sild: norðhavssild og heystgýtandi sild.”

4.    § 5 verður orðað soleiðis:

“§ 5. Veiðigjald á makrel, sild, lodnu og svartkjaft verður roknað eftir ásetingunum í § 9, stk. 1, 2 og 4 og verður lagt á veiðu, landað 1. august til og við 31. juli.

Stk. 2. Á hvørjum ári, seinast 15. juli, ásetir landsstýrismaðurin í kunngerð veiðigjald fyri makrel, sild, lodnu og svartkjaft, sum skal vera galdandi 1. august til og við 31. juli árið eftir, samanber tó § 7, stk. 2.”

5.    § 7, stk. 2, 2. pkt. verður orðað soleiðis:

“Er talan um kvotu av makreli, sild, lodnu ella svartkjafti, ásetir landsstýrismaðurin í seinasta lagi 15. juli í kunngerð veiðigjaldið sambært stk. 1, sum skal vera galdandi frá 1. august til og við 31. desember.”

6.    § 9 verður orðað soleiðis:

“§ 9. Veiðigjaldið er tað í skjali 1, 1A og 1B ásetta prosentið av miðal avgreiðingarvirðinum fyri hvørt kilo í rundari vekt fyri hvørt fiskaslag sær.

Stk. 2. Miðal avreiðingarvirðið fyri makrel, sild og svartkjaft verður gjørt upp fyri hvørt fiskaslag sær. Uppgerðin verður gjørd við støði í avreiðingarprísum og nøgdum í rundari vekt fyri nevndu fiskasløg, sum fiskifør undir føroyskum flaggi landa feskt óvirkað, og sum eru avreidd og fráboðað Vørn 1. juli árið frammanundan, at veiðigjaldið skal áleggjast, og til og við 30. juni sama ár, veiðigjaldið skal áleggjast.

Stk. 3. Fyri botnfisk í Barentshavinum verður miðal avreiðingarvirðið gjørt upp við støði í prísum og nøgdum av toski í rundari vekt, sum er seldur á almennari uppboðssølu í Føroyum frá 1. desember annað árið frammanundan, at veiðigjaldið skal áleggjast, til og við 30. november árið frammanundan, at veiðigjaldið skal áleggjast. Selda nøgdin av fiski og fiskavøru skal umroknast til runda vekt eftir ásetingunum um umrokningarfaktorar, ásettir við heimild í løgtingslóg um sjófeingi.

Stk. 4. Miðal avreiðingarvirðið fyri lodnu verður gjørt upp við støði í avreiðingarprísum og nøgdum í rundari vekt, sum fiskifør undir føroyskum flaggi landa feskt óvirkað, og sum eru avreidd og fráboðað Vørn 1. mai árið frammanundan, at veiðigjaldið skal áleggjast, og til og við 30. apríl sama ár, veiðigjaldið skal áleggjast.”

7.    Aftan á § 9, men áðrenn yvirskriftina yvir § 10, verður sett:

“§ 9 a. Fyri veiðu av makreli, norðhavssild og svartkjafti, ið er landað frá 1. august 2022 til og við 31. juli 2023, er veiðigjaldið tað í skjali 1, talvu 1-3 ásetta prosentið av miðal avreiðingarvirðinum fyri hvørt kilo í rundari vekt fyri hvørt fiskaslag sær.

Stk. 2. Fyri veiðu av botnfiski í Barentshavinum, ið er landað frá 1. januar 2022 til og við 31. desember 2023, er veiðigjaldið tað í skjali 1, talvu 4 ásetta prosentið av miðal avreiðingarvirðinum fyri hvørt kilo í rundari vekt.

§ 9 b. Fyri veiðu av makreli, sild, lodnu og svartkjafti, ið er landað frá 1. august 2023 til og við 31. juli 2026, er veiðigjaldið tað í skjali 1A, talvu 1 og 2 ásetta prosentið av miðal avreiðingarvirðinum fyri hvørt kilo í rundari vekt fyri hvørt fiskaslag sær.

Stk. 2. Fyri veiðu av botnfiski í Barentshavinum, ið er landað frá 1. januar 2024 til og við 31. desember 2025, er veiðigjaldið tað í skjali 1A, talvu 3 ásetta prosentið av miðal avreiðingarvirðinum fyri hvørt kilo í rundari vekt.

§ 9 c. Fyri veiðu av makreli, sild, lodnu og svartkjafti, ið er landað frá 1. august 2026, er veiðigjaldið tað í skjali 1B, talvu 1 og 2 ásetta prosentið av miðal avreiðingarvirðinum fyri hvørt kilo í rundari vekt fyri hvørt fiskaslag sær.

Stk. 2. Fyri veiðu av botnfiski í Barentshavinum, ið er landað frá 1. januar 2026, er veiðigjaldið tað í skjali 1B, talvu 3 ásetta prosentið av miðal avreiðingarvirðinum fyri hvørt kilo í rundari vekt.

§ 9 d. Veiðigjald eftir hesi løgtingslóg verður ikki rindað av veiðu, sum ikki kann seljast vegna ótilætlaða hending, sum fer fram áðrenn avreitt verður.”

8.    § 11 verður orðað soleiðis:

“§ 11. Vørn skal í seinasta lagi 5. juli á hvørjum ári lata landsstýrismanninum upplýsingar um prís og nøgd í rundari vekt av makreli, sild, lodnu og svartkjafti, sum fiskifør undir føroyskum flaggi hava landað feskt óvirkað, og sum er avreidd og fráboðað Vørn 1. juli árið frammanundan til og við 30. juni.”

9.    Í § 12, stk. 1 verður aftan á 1. pkt. sum nýtt pkt. sett:

“Veiðigjald fyri lodnu, ið er landað 1. mai árið frammanundan og til og við 30. apríl, fellur til gjaldingar 15. juli.”

10.  Aftan á § 12 verður sett:

“§ 12 a. 2% av veiðigjaldinum fellur til kommunurnar.

Stk. 2. Landsstýrismaðurin ásetur nærri reglur um, hvussu inntøkurnar frá gjaldinum verða býttar millum kommunurnar.”

11.  Skjal 1 í løgtingslóg nr. 77 frá 5. mai 2021 um veiðigjøld fyri fiskiskap verður orðað sum ásett í skjali 1.

12.  Skjal 2 verður sett sum skjal 1A og 1B í løgtingslóg nr. 77 frá 5. mai 2021 um veiðigjøld fyri fiskiskap.

§ 2

Henda løgtingslóg kemur í gildi dagin eftir, at hon er kunngjørd.

Stk. 2. § 12 a kemur í gildi 1. januar 2024.

Í Tinganesi, 1. juni 2023

Aksel V. Johannesen (sign.)

løgmaður

Lm. nr. 96/2022

Skjal 1

“Skjal 1

Veiðigjaldstalvur

”

Skjal 2

“Skjal 1A

Veiðigjaldstalvur

Skjal 1B

Veiðigjaldstalvur

”