Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
7. juni 2012Nr. 80
Løgtingslóg um broyting í løgtingslóg um serligt avgjald á brenniolju
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 179 frá 18. desember 1992 um serligt avgjald á brenniolju, sum seinast broytt við løgtingslóg nr. 65 frá 10. juni 2008, verða gjørdar hesar broytingar:
1) Í § 1, stk. 1 verður sum 3. pkt. og 4. sett:
“Somuleiðs verður eitt gjald upp á 0,10 kr. pr. litur lagt á søluna til brúkaran av brenniolju (fuelolju). Vøran er nevnd í Toll- og vøruskránni undir vørunummarinum 2710.19.70 (brenniolja).”
2) § 2, stk. 3 verður orðað soleiðis:
“Stk. 3. Niðanfyri standandi meirvirðisgjaldskrásettu virki:
Garðyrki og plantuskúlar
Fiskaaling
Ídnaður
Gistingarhús
Vallaraheim
Farmaflutningsvirki
hava rætt til at fáa endurgoldið avgjaldið, sum tey hava goldið sambært § 1 av vørunumrunum:
2710.19.61 (fýringsolja),
2710.19.62 (autodieselolja) og
2710.19.69 (aðrar gassoljur).”
§ 2
Henda løgtingslóg kemur í gildi 1. juli 2012.
Tórshavn, 7. juni 2012
Kaj Leo Holm Johannesen (sign.)
løgmaður
Lm. nr. 191/2011
