Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
13. juni 1995Nr. 80
Løgtingslóg um broyting í løgtingslóg um býarskipanir og byggisamtyktir og um avtøku av løgtingslóg um kommunalan lánigrunn
Samsvarandi samtykt Føroya Løgtings staðfestir og kunnger løgmaður hesa løgtingslóg:
§ 1
Í løgtingslóg nr. 13 frá 21. mai 1954 um býarskipanir og byggisamtyktir við seinni broytingum verður gjørd henda broyting:
“Í býarskipanarnevndini sita 7 limir valdir soleiðis: Landsstýrið velur 4 limir í nevndina, harímillum formannin, sum skal vera løgfrøðingur. 2. limir skulu vera byggikønir, harav Føroya Kommunufelag velur 2 og Tórshavnar kommuna 1.”
§ 2
Løgtingslóg nr. 75 frá 9. juni 1988 um kommunalan lánigrunn verður avtikin.
§ 3
Stk. 1. Henda lóg fær gildi ólavsøkudag 1995.
Stk. 2. Nýval av býarskipanarnevndini eftir § 1 fer fram aftaná, at lógin hevur fingið gildi og í seinasta lagi 1. oktober 1995.
Tórshavn 13. juni 1995
Edmund Joensen (sign.)
løgmaður
/ Eilif Samuelsen (sign.)
