Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
22. mai 2015Nr. 88
Løgtingslóg um broyting í løgtingslóg um stuttar framhaldsútbúgvingar á yrkisskúlum
(Stuttar framhaldsútbúgvingar)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 49 frá 9. mai 2005 um stuttar framhaldsútbúgvingar á yrkisskúlum verða gjørdar hesar broytingar:
1. Heitið á løgtingslógini verður orðað soleiðis:
“Løgtingslóg um stuttar framhaldsútbúgvingar á yrkisskúlum og almennum útbúgvingarstovnum”
2. Í § 1, stk. 1 verður aftan á 1. pkt. sum nýtt pkt. sett:
“Stuttar framhaldsútbúgvingar kunnu eisini skipast á almennum útbúgvingarstovnum.”
3. Í § 1, stk. 2 verður aftan á ”fram” sett: ”á almennum útbúgvingarstovnum ella”.
§ 2
Henda løgtingslóg kemur í gildi dagin eftir, at hon er kunngjørd.
Í Tinganesi, 22. mai 2015
Kaj Leo Holm Johannesen (sign.)
løgmaður
Lm. nr. 155/2014
