Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Rundskriv
  • Gildisstøða: Galdandi
  • Felagsmál/Sermál: Sermál
  • Myndugleiki: Uttanríkis- og mentamálaráðið
  • Útgávudagur: 30-04-2019
Tilvísingar
Valmøguleikar
Tín lógalisti

30. apríl 2019Nr. 9004

Rundskriv um árliga skúladagatalið

(Til allar fólkaskúlar)

 

1. Heimild

1.1.Við heimild í § 18, stk. 1 í løgtingslóg nr. 125 frá 20. juni 1997 um fólkaskúlan verður ásett:

 

1.2. Árliga skúladagatalið hjá næmingum fólkaskúlans er 193 dagar.

2. Ráðlegging og námsfrøðilig menning

2.1. Leiðsla og lærarar skúlans nýta fimm dagar, har næmingarnir ikki eru í skúla, til fakliga og námsfrøðiliga menning og til at fyrireika komandi skúlaár, sí avtalu millum Mentamálaráðið og Føroya Lærarafelag um arbeiðsdagar eftir síðsta skúladag.

 

2.2. Í minsta lagi tríggir dagar verða lagdir í juni mánað, eftir at næmingarnir eru farnir í summmarferiu.

 

2.2.1. Leiðsla skúlans leggur dagarnar til rættis og ger av sbrt. 2.2., um allir dagarnir til ráðlegging og námsfrøðiliga- og fakliga menning verða lagdir í juni mánað, tá ið næmingarnir hava fingið summarferiu, ella tveir dagar verða lagdir í august mánað, áðrenn næmingarnir byrja aftur í skúla.

3. Gildiskoma

3.1. Hetta rundskriv kemur í gildi 1. august 2019.

 

 

Mentamálaráðið, 30. apríl 2019

 

Hanna Jensen (sign.)

landsstýrismaður

/ Poul Geert Hansen (sign.)