Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Samferðslumálaráðið
  • Útgávudagur: 19-07-1990
Tilvísingar
Valmøguleikar
Tín lógalisti

Kunngerð nr. 102 frá 19. juli 1990 um aldursmark at passa ávísar maskinur á fiskavirkjum v.m.

Við heimild í § 28, stk. 3, í løgtingslóg nr. 58 frá 24. mai 1974 um arbeiðaravernd sum seinast broytt við løgtingslóg nr. 44 frá 5. mai 1987, hevur landsstýrið fyrisett:

§ 1. Ikki er loyvt at lata persónar undir 17 ár passa avhøvdarar, flakamaskinur, flekimaskinur, skrædlarar, kutarar og farsmaskinur.

 Stk. 2. Viðvíkjandi aldursmarki fyri tól og maskinur ið ikki eru nevndar í stk. 1, verða hesar í hvørjum einstøkum føri mettar av eftirlitsmonnum Arbeiðseftirlitsins.

 Stk. 3. Arbeiðseftirlitið skal saman við trygdarskipanini á virkinum merkja nevndu maskinur, soleiðis at eingin ivi skal verða um, hvørjar maskinur talan er um.

§ 2. Vísandi til § 5 í lógini hevur leiðsla virksins skyldu til at geva teimum persónum, ið passa maskinur og vandamikil tól, eina gjølla upplæring og leiðbeining at passa og handfara hesar maskinur og tól.

§ 3. Brot á hesa kunngerð verða revað eftir § 40 í lógini.

§ 4. Henda kunngerð kemur í gildi dagin eftir at hon er kunngjørd.