Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Heilsu- og innlendismálaráðið
  • Útgávudagur: 22-12-2010
Tilvísingar
Kunngerðablaðið
  • Kunngerðarblað 2010 A - Hefti 32 A frá 22. desember 2010
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

16. desember 2010Nr. 118

Kunngerð um ozonoyðandi evni

Við heimild í §§ 7, 8, 34 a, 34 d og 72 í løgtingslóg nr. 134 frá 29. oktober 1988 um umhvørvisvernd, sum seinast broytt við løgtingslóg nr. 128 frá 22. desember 2008 og §§ 15, 29 og § 45 í løgtingslóg nr. 59 frá 17. mai 2005 um verju av havumhvørvinum, verður ásett:

§ 1. Endamálið við hesi kunngerð er at verja ozonlagið við at steðga nýtsluni og útlátið av ozonoyðandi evnum.

Virkisøki

§ 2. Kunngerðin er galdandi fyri øll ozonoyðandi evni.

Stk. 2. Kunngerðin er bæði galdandi fyri rein evni, blandingar, vørur og útbúnað, ið innihalda ozonoyðandi evni.

Stk. 3. Kunngerðin er galdandi fyri framleiðslu, innflutning, útflutning, marknaðarføring, nýtslu, goymslu, burturbeining, endurvinning, endurnýtslu, endurvirking og fyribeining av ozonoyðandi evnum.

Stk. 4. Kunngerðin er galdandi fyri persónar, virki og fyritøkur, tað verið seg á landi, umborð á skipum, skrásett í Føroyum, og havstøðum á føroyskum landgrunnsøki.

Stk. 5. Ásetingar í hesi kunngerð skúgva ikki til viks møguligar ásetingar í lóggávu annars um ozonoyðandi evni.

Allýsingar

§ 3. Heitini í hesi kunngerð verða nýtt á henda hátt:

1)   Ozonoyðandi evni: Eru evni, ið bróta niður ozonlagið, og sum eru nevnd í fylgiskjali 1.

2)   Blandingar: Blandingar, har innihaldið av ozonoyðandi evnum er hægri enn 1%.

3)   CFC: Stytting fyri chlorfluorcarbonir, sum eru ozonoyðandi evni, sí bólk I í fylgiskjali 1.

4)   Halón: Sløg av ozonoyðandi evnum, sbrt. fylgiskjali 1.

5)   HCFC: Stytting fyri hydrochlorfluor­carbonir, sum eru ozonoyðandi evni, sí bólk VIII í fylgiskjali 1.

6)   Nýtsla: At brúka ozonoyðandi evni til tænastu ella røkt, herundir áfylling av útbúnaði, vørum, ella til framleiðslu.

7)   Neyðsynjarnýtsla: Nýtsla av ávísum ozonoyðandi evnum, ið eru alneyðug, hóast nýtslan annars ikki er loyvd.

8)   Marknaðarføring: At lata ella bjóða ozonoyðandi evni, vøru ella útgerð við ozonoyðandi evni til triðjamann, annaðhvørt ókeypis ella fyri eina ávísa upphædd.

9)   Endurvinning: Tá ozonoyðandi evni í sambandi við tænastu, røkt ella áðrenn fyribeining verða savnaði, eitt nú úr vørum og útbúnaði, og goymd.

10) Endurnýtsla: Tá endurvunnin ozonoyðandi evni, eftir eina grundreinsing, verða endurnýtt.

11) Endurvirking: Tá endurvunnin ozonoyðandi evni verða virkað til av nýggjum, so tey lúka ein standard, sum samsvarar við óbrúkt evni, við atliti at ætlaðu nýtsluni av evninum.

Forboð

§ 4. Ikki er loyvt at framleiða, innflyta, útflyta, marknaðarføra ella nýta ozonoyðandi evni ella vørur og útbúnað, ið innihalda ozonoyðandi evni, ella sum ikki kunnu virka uttan ozonoyðandi evni.

Stk. 2. Ikki er loyvt at hava ozonoyðandi evni á transit-goymslu.

Stk. 3. Ikki er loyvt at innflyta ozonoyðandi evni í einnýtisíløtum.

Stk. 4. Tá undantøk vera givin sbrt. § 5, er ikki loyvt at innflyta ozonoyðandi evni ella útflyta ozonoyðandi evni til lond, ið ikki hava samtykt Montreal protokollina frá 1987 um evni, ið bróta niður ozonlagið, við seinni broytingum.

Undantøk

§ 5. Forboðið í § 4, stk. 1 er ikki galdandi fyri fyritøkur og virki, tá talan er um:

1)   Innflutning og útflutning av HCFC fram til 1. februar 2011.

2)   Marknaðarføring og nýtslu av HCFC, sum er komin til Føroya innan gildiskomudagin fyri hesi kunngerð.

3)   Innflutning, útflutning, marknaðarføring og nýtslu av endurvirkaðum HCFC fram til 31. desember 2014, tó einans til røkt og tænastu av verandi skipanum treytað av, at ílatið ella fløskan er merkt við upplýsingum um, at evnið er endurvirkað og við referensunummarinum hjá partínum, navni og bústaði hjá endurvirkingarverkinum.

4)   Innflutning og útflutning av ozonoyðandi evnum og vørum við ozonoyðandi evnum, sum skulu endurvirkast, fyribeinast ella á annan hátt viðgerast.

5)   Innflutning av halónum, tó einans í sambandi við neyðsynjarnýtslu.

6)   Nýtslu av vørum og útbúnaði, sum eru fingin til vega lógliga, og áðrenn gildiskomudagin fyri hesi kunngerð, og sum ikki eru fevnd av forboðsásetingini í § 6.

Nýtsluforboð o.a.

§ 6. Køliútbúnaður, vørur og annar útbúnaður, sum inniheldur CFC, og sum verður brúktur til vinnulig endamál, skal vera tikin úr nýtslu innan 1. juni 2011.

Stk. 2. Eldsløkkiskipanir, eldsløkkjarar og aðrar vørur og útbúnaður, sum innihalda halón, undantikið vørur og útbúnaður til neyðsynjarnýtslu, skal vera tikin úr nýtslu innan 31. desember 2013.

Stk. 3. Køliútbúnaður, vørur og annar útbúnaður, sum inniheldur HCFC, og sum verður brúktur til vinnulig endamál, skal vera tikin úr nýtslu innan 31. desember 2016.

Stk. 4. Tá útbúnaður, sum ikki kann virka uttan ozonoyðandi evni, verður broyttur soleiðis, at kølimegin økist, ella tá nýggjur útbúnaður verður keyptur, skal, í tann mun tað er møguligt, vera skift yvir til útbúnað, ið ikki brúkar ozonoyðandi evni ella onnur umhvørvisskaðilig evni.

Loyvi og umsókn

§ 7. Innflutningur og útflutningur sbrt. § 5 kann ikki fara fram uttan loyvi frá Umhvørvisstovuni.

Stk. 2. Umsókn um loyvi sbrt. stk. 1 skulu sendast til Umhvørvisstovuna.

Stk. 3. Umsóknir skulu í minsta lagi innihalda hesar upplýsingar:

1)   Navn, bústað og V-tal hjá umsøkjara,

2)   vørulýsing, herundir KN kotu, sbrt. fylgiskjali 2,

3)   nøgd av evni,

4)   um evni er óbrúkt, endurvunnið, endurnýtt ella endurvirkað,

5)   skjalprógv um, at innflutningur av halón bert verður brúktur til neyðsynjarnýtslu,

6)   navn og bústað á endurvirkingarverkinum, tá endurvirkað HCFC verður innflutt,

7)   annað, sum Umhvørvisstovan metir er viðkomandi fyri innflutningin ella útflutningin.

Stk. 4. Umhvørvisstovan kann í loyvinum áseta neyðugar treytir um slag, samanseting, reinleika og nøgd av ozonoyðandi evni og um nýtslu- og tíðaravmarkingar.

Stk. 5. Umhvørvisstovan kann til eina og hvørja tíð broyta ella taka loyvi aftur, um so er, at reglur ella ásettar treytir sambært hesi kunngerð ikki verða hildnar, ella um tað í umsókn um loyvi eru latnar rangar ella villleiðandi upplýsingar, ella um umstøðurnar eru munandi broyttar.

Stk. 6. Umhvørvisstovan kann í ítøkiligum førum sum eitt nú í sambandi við útflutning av ozonoyðandi evnum, herundir eisini sølu til skip, sum ikki eru skrásett í Føroyum, fráboða myndugleikum í viðkomandi landi.

Serlig undantøk

§ 8. Í serligum føri kann Umhvørvisstovan veita treytað undantak frá § 4.

Stk. 2. Í umsókn um undantak eftir stk. 1, skal verða útgreinað, hvør ætlanin er við nýtsluni, og hví ikki ber til at nýta onnur evni, ið eru minni skaðilig fyri umhvørvið. Haraftrat skal ein ætlan leggjast fram um fyribyrgjandi tiltøk, ið gera, at minni verður latið út av hesum evnum.

Burturbeining

§ 9. Vøra og útbúnaður, sum inniheldur ozonoyðandi evni, sum skal burturbeinast, skal latast til góðkendan móttakara.

Stk. 2. Ikki er loyvt at viðgera, endurvirka ella fyribeina ozonoyðandi evni, uttan loyvi frá Umhvørvisstovuni sbrt. kap. 5 í løgtingslóg um umhvørvisvernd.

Stk. 3. Virki, sum innflyta og selja ozonoyðandi evni, hava skyldu at taka ímóti evnunum aftur.

Endurvinning og endurnýtsla

§ 10. Í sambandi við tænastuveiting, røkt ella áðrenn niðurtøku og burturbeining av vørum og útbúnaði, sum innihalda ozonoyðandi evni, skulu hesi evni endurvinnast við atliti at verða burturbeind, fyribeind, endurnýtt ella endurvirkað. Hetta er eitt nú galdandi fyri sløkkiskipanir, handsløkkitól, hitapumpur, køliskipanir og køliskáp.

Førleikar og útbúnaður

§ 11. Virki ella fyritøka, ið veitir tænastu ella røkir útbúnað við ozonoyðandi evnum, skal hava:

a)    Løggilding, góðkenning, loyvisbræv e.l. frá Sjóvinnustýrinum, Arbeiðseftirlitinum ella øðrum avvarðandi myndugleika.

b)   Hóskandi tól og útbúnað, egnaður til at arbeiða við ozonoyðandi evnum, herundir at endurvinna og goyma hesi evni.

Útlát

§ 12. Ikki er loyvt at lata ozonoyðandi evni út í umhvørvið, eitt nú í sambandi við viðlíkahald og røkt, tá skipanir verða tiknar úr, ella undir brunavenjingum og lekakanningum.

Stk. 2. Elvur leki til útlát av ozonoyðandi evnum, skal hann tettast skjótast til ber.

Stk. 3. Ein og hvør, sum hevur ozonoyðandi evni, tól ella útbúnað, ið inniheldur hesi evni, um hendi, skal seta í verk øll trygdartiltøk, sum eru praktisk gjørlig, og sum kunnu fyribyrgja ella minka um útlát av ozonoyðandi evnum.

Stk. 4. Útlát av ozonoyðandi evnum skulu fráboðast Umhvørvisstovuni í seinasta lagi eina viku eftir hendingina. Umhvørvisstovan kann tá biðja um nærri frágreiðing.

Skráseting og innaneftirlit

§ 13. Tann, ið eigur HCFC-køliskipanir við kølifylling yvir 3 kg, skal á hvørjum ári kanna tær fyri lekar. Um kølifyllingin er yvir 30 kg, skal kanning gerast í minsta lagi hvørt hálvár. Um kølifyllingin er yvir 300 kg skal kannast í minsta lagi hvønn ársfjórðing.

Stk. 2. Tann, ið eigur HCFC køliskipanir, skal meta um árliga leka frá skipanini. Er lekin meiri enn 25% av fyllingini, skal Umhvørvis­stovan hava frágreiðing um, hvussu lekin er íkomin, og hvørji tiltøk verða sett í verk fyri at bøta um viðurskiftini.

Stk. 3. Innflytarar og útflytarar skulu skráseta innflutning, útflutning, goymslu og sølu av vørum og útbúnaði, ið kunngerðin fevnir um. Upplýsingar fyri tað farna árið skulu, eftir umbøn, latast Umhvørvisstovuni áðrenn 1. mars árið eftir.

Stk. 4. Tann, ið eigur HCFC-køliskipanir við kølifylling yvir 3 kg, skal í loggbók skráseta allar áfyllingar og endurvinningar, og tilskila slag og nøgd av evni. Navnið á tí virki og persóni, sum gjørdi arbeiði, skal tilskilast.

Eftirlit

§ 14. Umhvørvisstovan hevur eftirlit við, at kunngerðin verður hildin.

Stk. 2. Innflytarar, útflytarar, sølufyritøkur, farmasendarar, havnamyndugleikar ella tey, ið brúka ella hava ozonoyðandi evni á goymslu, skulu lata allar upplýsingar, sum eru neyðugar fyri, at Umhvørvisstovan kann hava eftirlit við tí virksemi, sum er fevnt av hesi kunngerð.

Stk. 3. Umhvørvisstovan kann, í tann mun tað er neyðugt í sambandi við eftirlitið, áleggja innflytara ella seljara at lata inn stakroyndir og aðrar upplýsingar, eitt nú tøkniligar og fíggjarligar.

§ 15. Umhvørvisstovan hevur heimild at fáa allar neyðugar upplýsingar frá TAKS til viðgerð av málum eftir hesari kunngerð.

Stk. 2. Ozonoyðandi evni ella vøra við slíkum evnum kunnu ikki tollavgreiðast, uttan at loyvi sbrt. § 7 er útvegað frá Umhvørvisstovuni.

Kærumál

§ 16. Avgerðir hjá Umhvørvisstovuni eftir hesi kunngerð kunnu innan 4 vikur kærast til Innlendismálaráðið.

Stk. 2. Ein kæra setir steðg fyri einum boði ella forboði, til avgerð frá kærumyndugleikanum fyriliggur ella kærumyndugleikin avgerð annað.

Gjald

§ 17. Við støði í veruligu umsitingar- og eftirlitsútreiðslunum, kann Umhvørvisstovan áseta gjald fyri eftirlit og viðgerð eftir hesari kunngerð, eitt nú fyri viðgerð av umsóknum o.ø.

Revsing

§ 18. Tann, ið brýtur ásetingarnar í § 4, § 5, stk. 2, § 6, § 7, stk. 1 og §§ 9-13 í hesi kunngerð, ella ikki aktar boð givin við heimild í kunngerðini, verður revsaður við bót.

Stk. 2. Revsingin kann hækka til fongsul í upp til 1 ár undir umstøðum, samsvarandi teimum,  nevndar í § 44, stk. 3 í løgtingslóg um verju av havumhvørvinum, ella í § 72, stk. 3 í løgtingslóg um umhvørvisvernd.

Stk. 3. Feløg og aðrir løgfrøðiligir persónar koma undir revsiábyrgd eftir reglunum í kapittul 5 í revsilógini.

Stk. 4. Málini verða viðgjørd sum løgreglumál. Rættartiltøkini í kapittul 72 í rættargangslógini um at leggja hald á og í kapittul 73 um rannsókn, eru tó galdandi í sama mun sum í málum, sum verða viðgjørd av statsadvokatinum.

Gildiskoma

§ 19. Henda kunngerð kemur í gildi dagin eftir, at hon er kunngjørd.

 

 

Innlendismálaráðið, 16. desember 2010

 

Annika Olsen (sign.)

landsstýriskvinna

 

/ Rúni Joensen (sign.)

 

 

 

Fylgiskjal 1

Ozonoyðandi evni, sum eru fevnd av kunngerðini:

Bólkur

Evni

Ozonoyðandi megi ([1])

Bólkur I

CFCl3

CFC-11

Trichlorofluoromethan

1,0

CF2Cl2

CFC-12

Dichlorodifluoromethan

1,0

C2F3Cl3

CFC-113

Trichlorotrifluoroethan

0,8

C2F4Cl2

CFC-114

Dichlorotetrafluoroethan

1,0

C2F5Cl

CFC-115

Chloropentafluoroethan

0,6

Bólkur II

CF3Cl

CFC-13

Chlorotrifluoromethan

1,0

C2FCl5

CFC-111

Pentachlorofluoroethan

1,0

C2F2Cl4

CFC-112

Tetrachlorodifluoroethan

1,0

C3FCl7

CFC-211

Heptachlorofluoropropan

1,0

C3F2Cl6

CFC-212

Hexachlorodifluoropropan

1,0

C3F3Cl5

CFC-213

Pentachlorotrifluoropropan

1,0

C3F4Cl4

CFC-214

Tetrachlorotetrafluoropropan

1,0

C3F5Cl3

CFC-215

Trichloropentafluoropropan

1,0

C3F6Cl2

CFC-216

Dichlorohexafluoropropan

1,0

C3F7Cl

CFC-217

Chloroheptafluoropropan

1,0

Bólkur III

CF2BrCl

halón-1211

Bromochlorodifluoromethan

3,0

CF3Br

halón-1301

Bromotrifluoromethan

10,0

C2F4Br2

halón-2402

Dibromotetrafluoroethan

6,0

Bólkur IV

CCl4

CTC

Tetrachloromethan (carbon tetrachlorid)

1,1

Bólkur V

C2H3Cl3 ([2])

1,1,1-TCA

1,1,1-Trichloroethan (methylchloroform)

0,1

Bólkur VI

CH3Br

methylbromid

Bromomethan

0,6

Bólkur VII

CHFBr2    

HBFC-21 B2

Dibromofluoromethan

1,00

CHF2Br

HBFC-22 B1

Bromodifluoromethan

0,74

CH2FBr

HBFC-31 B1

Bromofluoromethan

0,73

C2HFBr4

HBFC-121 B4

Tetrabromofluoroethan

0,8

C2HF2Br3

HBFC-122 B3

Tribromodifluoroethan

1,8

C2HF3Br2

HBFC-123 B2

Dibromotrifluoroethan

1,6

C2HF4Br

HBFC-124 B1

Bromotetrafluoroethan

1,2

C2H2FBr3

HBFC-131 B3

Tribromofluoroethan

1,1

C2H2F2Br2

HBFC-132 B2

Dibromodifluoroethan

1,5

C2H2F3Br

HBFC-133 B1

Bromotrifluoroethan

1,6

C2H3FBr2

HBFC-141 B2

Dibromofluoroethan

1,7

C2H3F2Br

HBFC-142 B1

Bromodifluoroethan

1,1

C2H4FBr

HBFC-151 B1

Bromofluoroethan

0,1

C3HFBr6

HBFC-221 B6

Hexabromofluoropropan

1,5

C3HF2Br5

HBFC-222 B5

Pentabromodifluoropropan

1,9

C3HF3Br4

HBFC-223 B4

Tetrabromotrifluoropropan

1,8

C3HF4Br3

HBFC-224 B3

Tribromotetrafluoropropan

2,2

C3HF5Br2

HBFC-225 B2

Dibromopentafluoropropan

2,0

C3HF6Br

HBFC-226 B1

Bromohexafluoropropan

3,3

C3H2FBr5

HBFC-231 B5

Pentabromofluoropropan

1,9

C3H2F2Br4

HBFC-232 B4

Tetrabromodifluoropropan

2,1

C3H2F3Br3

HBFC-233 B3

Tribromotrifluoropropan

5,6

C3H2F4Br2

HBFC-234 B2

Dibromotetrafluoropropan

7,5

C3H2F5Br

HBFC-235 B1

Bromopentafluoropropan

1,4

C3H3FBr4

HBFC-241 B4

Tetrabromofluoropropan

1,9

C3H3F2Br3

HBFC-242 B3

Tribromodifluoropropan

3,1

C3H3F3Br2

HBFC-243 B2

Dibromotrifluoropropan

2,5

C3H3F4Br

HBFC-244 B1

Bromotetrafluoropropan

4,4

C3H4FBr3

HBFC-251 B1

Tribromofluoropropan

0,3

C3H4F2Br2

HBFC-252 B2

Dibromodifluoropropan

1,0

C3H4F3Br

HBFC-253 B1

Bromotrifluoropropan

0,8

C3H5FBr2

HBFC-261 B2

Dibromofluoropropan

0,4

C3H5F2Br

HBFC-262 B1

Bromodifluoropropan

0,8

C3H6FBr

HBFC-271 B1

Bromofluoropropan

0,7

Bólkur VIII

CHFCl2

HCFC-21

Dichlorofluoromethan

0,040

CHF2Cl

HCFC-22 (3)

Chlorodifluoromethan

0,055

CH2FCl

HCFC-31

Chlorofluoromethan

0,020

C2HFCl4

HCFC-121

Tetrachlorofluoroethan

0,040

C2HF2Cl3

HCFC-122

Trichlorodifluoroethan

0,080

C2HF3Cl2

HCFC-123 (3)

Dichlorotrifluoroethan

0,020

C2HF4Cl

HCFC-124 (3)

Chlorotetrafluoroethan

0,022

C2H2FCl3

HCFC-131

Trichlorofluoroethan

0,050

C2H2F2Cl2

HCFC-132

Dichlorodifluoroethan

0,050

C2H2F3Cl

HCFC-133

Chlorotrifluoroethan

0,060

C2H3FCl2

HCFC-141

Dichlorofluoroethan

0,070

CH3CFCl2

HCFC-141b (3)

1,1-Dichloro-1-fluoroethan

0,110

C2H3F2Cl

HCFC-142

Chlorodifluoroethan

0,070

CH3CF2Cl

HCFC-142b (3)

1-Chloro-1,1-difluoroethan

0,065

C2H4FCl

HCFC-151

Chlorofluoroethan

0,005

C3HFCl6

HCFC-221

Hexachlorofluoropropan

0,070

C3HF2Cl5

HCFC-222

Pentachlorodifluoropropan

0,090

C3HF3Cl4

HCFC-223

Tetrachlorotrifluoropropan

0,080

C3HF4Cl3

HCFC-224

Trichlorotetrafluoropropan

0,090

C3HF5Cl2

HCFC-225

Dichloropentafluoropropan

0,070

CF3CF2CHCl2

HCFC-225ca (3)

3,3-Dichloro-1,1,1,2,2-pentafluoropropan

0,025

CF2ClCF2CHClF

HCFC-225cb (3)

1,3-Dichloro-1,1,2,2,3-pentafluoropropan

0,033

C3HF6Cl

HCFC-226

Chlorohexafluoropropan

0,100

C3H2FCl5

HCFC-231

Pentachlorofluoropropan

0,090

C3H2F2Cl4

HCFC-232

Tetrachlorodifluoropropan

0,100

C3H2F3Cl3

HCFC-233

Trichlorotrifluoropropan

0,230

C3H2F4Cl2

HCFC-234

Dichlorotetrafluoropropan

0,280

C3H2F5Cl

HCFC-235

Chloropentafluoropropan

0,520

C3H3FCl4

HCFC-241

Tetrachlorofluoropropan

0,090

C3H3F2Cl3

HCFC-242

Trichlorodifluoropropan

0,130

C3H3F3Cl2

HCFC-243

Dichlorotrifluoropropan

0,120

C3H3F4Cl

HCFC-244

Chlorotetrafluoropropan

0,140

C3H4FCl3

HCFC-251

Trichlorofluoropropan

0,010

C3H4F2Cl2

HCFC-252

Dichlorodifluoropropan

0,040

C3H4F3Cl

HCFC-253

Chlorotrifluoropropan

0,030

C3H5FCl2

HCFC-261

Dichlorofluoropropan

0,020

C3H5F2Cl

HCFC-262

Chlorodifluoropropan

0,020

C3H6FCl

HCFC-271

Chlorofluoropropan

0,030

Bólkur IX

CH2BrC

BCM

Bromochloromethan

0,12

 

Fylgiskjal 2

Bólkar, toll- og vørunummur ([3]) og vørulýsing fyri evnini, sum eru nevnd í fylgiskjali 1

 

Bólkur

KN-kota

Vørulýsing

Bólkur I

2903 41 00

Trichlorfluormethan

2903 42 00

Dichlordifluormethan

2903 43 00

Trichlortrifluorethanir

2903 44 10

Dichlortetrafluorethanir

2903 44 90

Chlorpentafluorethan

Bólkur II

2903 45 10

Chlortrifluormethan

2903 45 15

Pentachlorfluorethan

2903 45 20

Tetrachlordifluorethanir

2903 45 25

Heptachlorfluorpropanir

2903 45 30

Hexachlordifluorpropanir

2903 45 35

Pentachlortrifluorpropanir

2903 45 40

Tetrachlortetrafluorpropanir

2903 45 45

Trichlorpentafluorpropanir

2903 45 50

Dichlorhexafluorpropanir

2903 45 55

Chlorheptafluorpropanir

Bólkur III

2903 46 10

Bromchlordifluormethan

2903 46 20

Bromtrifluormethan

2903 46 90

Dibromtetrafluorethanir

Bólkur IV

2903 14 00

Tetrachlormethan (carbontetrachlorid)

Bólkur V

2903 19 10

1,1,1-Trichlorethan (methylchloroform)

Bólkur VI

2903 39 11

Brommethan (methylbromid)

Bólkur VII

2903 49 30

Hydrobromfluormethanir, -ethanir og -propanir

Bólkur VIII

2903 49 11

Chlordifluormethan (HCFC-22)

2903 49 15

1,1-Dichlor-1-fluorethan (HCFC-141b)

2903 49 19

Andre hydrochlorfluormethanir, -ethanir og -propanir (HCFC’ir)

Bólkur IX

ex 2903 49 80

Bromchlormethan

Blandingar

3824 71 00

Blandingar, sum innihalda chlorfluorcarbonir (CFC’ir), og sum eisini innihalda hydrochlorfluorcarbonir (HCFC’ir), perfluorcarbonir (PFC’ir) ella hydrofluorcarbonir (HFC’ir)

3824 72 00

Blandingar, sum innihalda bromchlordifluormethan, bromtrifluormethan ella dibrom-tetrafluorethanir

3824 73 00

Blandingar, sum innihalda hydrobromfluorcarbonir (HBFC’ir)

3824 74 00

Blandingar, sum innihalda hydrochlorfluorcarbonir (HCFC’ir), og sum eisini innihalda perfluorcarbonir (PFC’ir) ella hydrofluorcarbonir (HFC’ir), men ikki chlorfluorcarbonir (CFC’ir)

3824 75 00

Blandingar, sum innihalda tetrachlormethan (carbontetrachlorid)

3824 76 00

Blandingar, sum innihalda 1,1,1-trichlorethan (methylchloroform)

3824 77 00

Blandingar, sum innihalda brommethan (methylbromid) ella bromchlormethan

 

 



1. Ozonoyðandi megi er tann megi, ið ozonoyðandi evni hava at bróta niður ozonlagið, í mun til megina, ið triklorfluormetan (CFC-11) hevur.

2. Hesin frymil vísir ikki til 1,1,2-trichlorethan

3. “Ex” framman fyri eitt nummar merkir, at onnur evni enn tey, sum eru við í teiginum “Vørulýsing”, kunnu hoyra undir nummarið.