Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
Kunngerð nr. 24 frá 18. apríl 1952 um nautisk royndarkamar fyri skipsljós og kumpassir 1)
§ 1. Eftir samráð við ríkisstýrið er sett á stovn í Tórshavn nautisk royndarkamar.
§ 2. Royndarkamarið hevur til uppgávu at kanna og síðani geva prógv (certificat) fyri skipsljós og kumpassir.
§ 3. Kanningin verður framvegis framd eftir reglunum í kunngerðum nr. 40 og 41. frá 30. januar 1930.1)
§ 4. Stovnsetingar- og rakstrarútreiðslur verða goldnar av landskassanum, sum til lutvísa afturrindan av hesum fær tey gjøld, sum skulu latast fyri kanning og prógv.
§ 5. Tey í § 4 nevndu gjøld eru hesi:
Fyri kanning av skipsljósum kr. 20.- fyri hvørt ljósið.
Fyri kanning av kumpassum kr. 20.- fyri hvørja kumpass.
Fyri kanning av skipsljósum og kumpassum, ið ikki kunnu fáa prógv, kr. 10.- fyri hvørt ljósið og hvørja kumpass.
Fyri avrit av nýggjum prógvum kr. 2.- fyri hvørt.
§ 6. Henda kunngerð kemur í gildi beinanvegin.
1) Avloyst av Teknisk forskrift SM 340 og SM380, víst verður til bls. 3492-93.
