Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Heilsu- og innlendismálaráðið
  • Útgávudagur: 08-03-2001
Tilvísingar
Valmøguleikar
Tín lógalisti

8. mars 2001Nr. 32

Kunngerð um fráboðan av upplýsingum um vandamikið ella dálkandi góðs umborð á skipum

 

Við heimild í §§ 40, 45, 48 og §§ 61-63 í kgl. fyriskipan nr. 646 frá 12 august 1999 um gildiskomu fyri Føroyar av lóg om vernd av havumhvørvinu, verður ásett:

Kapittul 1

Allýsingar v.m.

§ 1.  Í hesi kunngerð skilst við:

1) Fyristøðufelag: reiðari, farmasendari, leiðari, umboðsfólk o.t. hjá skipi.

2) Sendari: persónur, ið ger avtalu við eina flutningsfyritøku um sjóvegis flutning av góðsi, ella í hvørs navni ella hvørs vegna, slík avtala verður gjørd.

3) Skip: eitthvørt ferðafólka-, farma-, olju-, kemikaliu- ella gasstangaskip, sum er ávegis til ella úr føroyskari havn við vandamiklum ella dálkandi góðsi sum leysafarmur ella innpakkað.

4) Vandamikið góðs: góðs, sum er fevnt av

a)     kapittul 17 í IBC-fyriskipanini hjá IMO um bygging og útgerð av skipum til flutning av vandamiklum kemiskum vørum sum leysafarmur, soleiðis sum hon er orðað 10. juni 1998,

b)     kapittul 19 í IGC-fyriskipanini hjá IMO um bygging og útbúnað av skipum til flutning av flótandi gassi sum leysafarmur, soleiðis sum hon er orðað 1. juli 1998, og

c)     IMDG-fyriskipanini um flutning av vandamiklum góðsi, soleiðis sum hon er orðað 1. januar 1999, herundir av geislavirknum tilfari umrøtt í INF-fyriskipanini hjá IMO um tryggan flutning av geislaðum kjarnorkubrennievni, plutoniumi og sterkum geislavirknum burtur­kasti í íløtum umborð á skipum, soleiðis sum hon er orðað 1. januar 1998.

5) Dálkandi góðs: olja, sum allýst í MARPOL, ið er altjóða sáttmálin frá 1973 um fyribyrging av dálking frá skipum, umframt protokollin frá 1987 til henda, herundir fylgiskjal 1 um skaðiligar løgir, fylgiskjali 2 um skaðilig evni og fylgiskjali 3, soleiðis sum MARPOL er orðað tann 1. januar 1996.

6) IMO-samtykt A 851 (20): Viðtøka 851 (20) hjá altjóða sjóvinnufelagskapinum IMO samtykt á 20. aðalfundi tann 27. november 1997 undir heitinum ”General principles for ship reporting systems and ship reporting requirements, including guidelines for reporting incidents involving dangerous goods, harmful substances and/or marine pollutants”.

§ 2. Kunngerðin fevnir ikki um herskip og onnur skip, sum ein statur eigur ella nýtir, meðan skipið verður nýtt til tænastur, sum ikki eru handilsligar. Harafturat fevnir kunngerðin ikki um brennievnis­goyms­l­ur, goymslurúm og útgerð til nýtslu umborð á skipum.

Kapittul 2

Frágeiðing um vandamikið og dálkandi góðs

§ 3. Skip mugu ikki gera avtalu um ella bjóða seg fram at flyta ella lasta vandamikið ella dálkandi góðs, um ikki frágreiðing er givin skipsførara ella fyristøðufelag um rætta tøkniliga heitið á vandamikla ella dálkandi góðsinum, nummar Sameindu Tjóða (ST nr.) í tann mun, slík eru til taks, IMO-vandaflokk í samsvar við IMDG-, IBC-, og IGC-fyriskipanirnar, nøgd, og har talan er um flytbarar tangar ella bingjur, kennimerki teirra.

Stk. 2. Sendarin ber ábyrgd av, at frágreiðing í samsvar við hesa kunngerð verður givin skipsførara ella fyristøðufelag og skal ansa eftir, at tað, ið flytast skal, samsvarar við tað, sum er fevnt av frá­greið­­ingini eftir stk.1.

Kapitul 3

Fráboðan av upplýsingum

§ 4. Áðrenn eitt skip fer úr havn, eigur fyristøðufelagið hjá skipinum at geva Vaktar- og Bjargingartænastuni frágreiðing um tær upplýsingar, ið verða kravdar eftir listanum í fylgiskjali I.

Stk. 2. Fyristøðufelagið hjá skipi, sum kemur úr einari havn uttanfyri europeiska samveldið og sum er á veg til eina føroyska havn ella skipalegu á føroyskum sjóøki, skal fyri at sleppa til hesa havn ella skipalegu geva Vaktar- og Bjargingartænastuni fráboðan um tær upplýs­ing­ar, ið verða kravdar eftir listanum í fylgiskjali I. Hendan fráboðan skal gevast Vaktar- og Bjargingtænastuni, tá farið verður úr fermingarhavnini.

Stk. 3. Skip, sum sigla í farleið, ið er styttri enn ein tíma, eru undantikin ásetingunum í stk. 1 og 2. Fyristøðufeløg hjá hesum skipum skulu til hvørja tíð hava tær upplýsingar, ið verða kravdar eftir fylgiskjali I, tøkar til myndugleikarnar.

Stk. 4. Fyri skip, ið sigla í farleið, sum er longri enn ein tíma, kann landsstýrismaðurin, um siglingartíðin bert fer eitt sindur út um ein tíma, gera undantak frá stk. 1. Fyristøðufeløg á hesum skipum skulu til eina og hvørja tíð kunna geva myndugleikunum tær upplýsingar, sum krevjast eftir fylgiskjali I.

§ 5. Tekur ein hending ella tilburður, sum kann hava við sær eina hótt­an ímóti føroyskum strondum, havumhvørvi ella øðrum áhugamálum, seg upp til havs, skal skipsførarin beinan vegin boða Vaktar- og Bjargingatænastuni frá umstøðunum kring tilburðin. Eisini skulu tær upplýsingar, sum verða nevndar í fylgiskjali 1, latast Vaktar- og Bjargingartænastuni. fráboðanin skal gerast í samsvar við IMO-samtykt­ina A 851 (20) og skal í minsta lagi gevast í teimum førum, sum nevndar eru í hesi samtykt.

Kapitul 4

Eftirlitslisti

§ 6. Áðrenn skipið kemur í føroyska havn skal skipsførarin fylla út eftirlitslistan, sum er nevndur í fylgiskjali 2. Listin skal vera Vaktar- og Bjargingatænastuni tøkur eftir áheitan. Kemur loðsur umborð skal listin latast viðkomandi.

Stk. 2. Loðsur, sum hjálpir skipi við komu ella fráferð ella sigling, skal beinanvegin boða Vaktar- og Bjargingatænastuni frá, um hann fær vitan um viðurskifti, sum kunnu hava við sær vanda fyri hav- ella strandaøki í sambandi við siglingina.

Kapitul 5

Fráboðan av upplýsingum

§ 7. Um neyðugt skal Vaktar- og Bjargingatænastan senda út radioboð til skip á leiðini um tilburð, sum fráboðan er komin um eftir § 5, umframt senda út radioboð við upplýsingum um skip, sum eru til vanda fyri aðra skipaferðslu.

Kapitul 6

Revsing

§ 8. Um ikki harðari revsing er ásett eftir lóggávuni annars, verður tann revsaður við bót, sum ikki:

1)     letur inn frágreiðing eftir § 3,

2)     gevur boð um upplýsingarnar eftir § 4, stk. 1 og 2 og § 5, 

3)     hevur til taks upplýsingar eftir § 4, stk. 3 og 4 ella

4)     fyllur út eftirlitslistan eftir § 6.

Stk. 2. Er brotið framt av partafelag, lutafelag, smáparta­felag ella líknandi, kann felagið sjálvt verða lagt undir sektarábyrgd.

Stk. 3. Er brotið framt av landinum, einari kommunu ella einum kommunalum felagsskapi, kann landinum, kommununi ella kommunala felagsskapinum verða áløgd bót.

Kapitul 7

Gildiskoma

§ 9. Henda kunngerð kemur í gildi dagin eftir, at hon er kunngjørd.

 

 

Oljumálastýrið, 8. mars 2001

 

 

Eyðun Elttør (sign.)

landsstyrismaður

 

/ Herálvur Joensen (sign.)


Fylgisskjal 1

 

Upplýsingar um skip, sum flyta vandamikið ella dálkandi góðs

 

  1. Navn á skipi og altjóða radiokallisignal, og møguligt IMO-id nummar.
  2. Heimstaður.
  3. Longd og flotdýpi..
  4. Næsta komuhavn.
  5. Nær skipið væntandi kemur í næstu komuhavn ella til ta loðsstøð, sum kravt verður av myndugleikunum.
  6. Nær skipið væntandi  fer úr næstu komuhavn.
  7. Ætlað siglingarleið.
  8. Røttu tøkniligu heitini á vandamikla ella dálkandi góðsinum, nummur Sameindu Tjóða (UN nr.) í tann mun, slík eru til taks, IMO-vandaflokkur í samsvar við IMDG-, IBC-, og IGC-fyriskipanirnar og, tá hetta hevur týdning, klassi skipsins, sum lýst í INF-fyriskipanini, nøgdir av vandamiklum góðsi og hvar umborð, góðsið er at finna. Er talan um flytbarar tangar ella bingjur, kennimerki hjá hesum.
  9. Váttan um, at ein listi, ein farmaskrá ella ein hóskandi fermingarætlan fyri tað vandamikla ella dálkandi góðsið er umborð.  Hesin skal siga, hvar í skipinum, góðsið er.
  10. Manningartal.

 


Fylgisskjal 2

 

Eftirlitslisti fyri skip

 

Upplýsingar um skipið


Navn:

 

 

Reiðarí:

Byggiár

Heimland:

 

 

Stødd, brt.:

 

Heimstaður:

 

Longd:

 

 

Kennibókstavir ella kallisignal:

 

IMO-id nummar, har hetta hevur týdning:

 

Klassingarfelag:

 

Havøki, har skipið er góðkent at sigla:

 

 

Klassamerking:

 

Skrokkur:

Maskinútbúnaður:

Framdráttarmaskinur:

 

 

Orka:

 

Umboðsmaður:

 

 

 

Flotdýpi:

 

Framman:

Miðskips:

Aftan:

Nøgd av vandamiklum ella dálkandi góðsi:

 

 

Trygdarútbúnaður


 

Í góðum standi

 

Ja          Nei

 

 

Brek

1. Bygnaður og tekniskur útbúnaður

Høvuðs- og hjálpimaskinarí

 

 

 

Høvuðsstýriskipan

 

 

 

Hjálpistýriskipan

 

 

 

Akkersútgerð

 

 

 

Føst innløgd eldsløkkiútgerð

 

 

 

Intergassskipan (um hon er)

 

 

 

2. Siglingarútbúnaður:

Siglingareyðkenni

 

 

 

Høvuðsradarútbúnaður

 

 

 

Hjálpiradarútbúnaður

 

 

 

Gyrokumpass

 

 

 

Standard magnetkumpass

 

 

 

Radiopeiliskipan

 

 

 

Ekkolodd

 

 

 

Onnur elektronisk hjálpitól til staðfesting av knattstøðu

 

 

 

Útgerð til at máta ferð og fjarstøðu (log)

 

 

 

-- Ferð gjøgnum sjógvin

 

 

 

-- Ferð yvir botninum

 

 

 

 

Í góðum standi

 

Ja          Nei

 

 

Brek

3. Radioútbúnaður útgerð

Radiotelegrafiútgerð

 

 

 

Radiotelefoniútgerð

 

 

 

GMDSS-radioútgerð

 

 

 

Radioútgerð til bjargingarútgerð

 

 

 

 

Skjøl

 

Galdandi váttanir/skjøl umborð

Ja          Nei

 

 

Viðmerkingar

Altjóða støddarváttan (1969)

 

 

 

Trygdarváttan fyri ferðafólkaskip

 

 

 

Trygdarváttan fyri farmaskip

 

 

 

Bygnaðartrygdarváttan fyri farmaskip

 

 

 

Útbúnaðartrygdarváttan fyri farmaskip

 

 

 

Radiotrygdarváttan fyri farmaskip

 

 

 

Radiotelegrafitrygdarváttan fyri farmaskip (1)

 

 

 

Radiotelefonitrygdarváttan fyri farmaskip (1)

 

 

 

Frítøkuváttan (SOLAS)

 

 

 

Altjóða fríborðarváttan (lastalinjuváttan)

 

 

 

Altjóða fríborðarfrítøkuváttan

 

 

 

Klassaváttan

 

 

 

Skjalprógvan av trygging móti privatrættar­ligari ábyrgd fyri skaðar vegna oljudálking

 

 

 

Skjalprógvan fyri samsvar við serligu krøvini til skip, sum flyta vandamikið góðs (SOLAS)

 

 

 

Førd olju- og lastaskrá

 

 

 

(Altjóða) váttan fyri flutning av vandamiklum kemikalium sum leysafarmur

 

 

 

(Altjóða) váttan fyri flutning av flótandi gassum sum leysafarmur

 

 

 

Altjóða váttan um fyribyrging av oljudálking (IOPP-váttan)

 

 

 

Altjóða dálkingarfyribyrgingarváttan fyri flutning av skaðiligum flótandi evnum sum leysafarmur (NLS-váttan)

 

 

 

HSC-trygdarváttan

 

 

 

HSC-rakstrarloyvi

 

 

 

Fermingarætlan fyri vandamikið góðs

 

 

 

Upplýsingar um stabilitet

 

 

 

Skjal um manningarlágmark

 

 

 

Avrit av samsvarsskjali (ISM-fyriskipan)

 

 

 

Váttan fyri tryggum skiparakstri (ISM-fyriskipan)

 

 

 

 

(1) Hesi skjøl hava bert týdning fyri skip, sum eru bygd fyri hin 1. februar 1995

 

Yvirmenn og manning


 

 

 

 

Ja

 

 

 

Nei

Sjóvinnubræv (nágreiniligt heiti og nr.)

Givið út av (myndugleiki)

Frá

(stað / land)

GMDSS

(1)

Skipari

 

 

 

 

 

 

Yvirstýrimaður

 

 

 

 

 

 

Fyrsti stýrimaður

 

 

 

 

 

 

Annar stýrimaður

 

 

 

 

 

 

Maskimstjóri

 

 

 

 

 

 

Fyrsti maskinmeistari

 

 

 

 

 

 

Annar maskinmeistari

 

 

 

 

 

 

Triði maskinmeistari

 

 

 

 

 

 

Radiooperatørur

 

 

 

 

 

 

 

Dekkarar

Í maskinuni

Onnur manning umborð

 

 

Loðsur umborð

 

 

 

 

 

 

 

…..……………….             …………………………………………………………………….

                      Dagf.             Undirskrift skiparans ella tiltaksmanni hansara

 

(1) Viðmerk um viðkomandi er GMDSS-operatørur við generellum prógvi