Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
20. november 2006Nr. 98
Kunngerð um skip í góðkendum klassafelag
Við heimild í § 23 og § 49 í løgtingslóg nr. 165 frá 21. desember 2001 um trygd á sjónum verður ásett:
§ 1. Øll skip, ið eru 24 metrar og longri, skulu vera í góðkendum klassafelag, sí tó stk. 2.
Stk. 2. Ásetingarnar í stk. 1 eru ikki galdandi fyri:
1) skip, stytri enn 45 metrar, sum pr. 1. januar 2002 vóru skrásett í føroyskari skipaskrá, og tá ikki vóru í góðkendum klassafelag,
2) skip, stytri enn 45 metrar, sum eru skrásett í føroyskari skipaskrá eftir 1. januar 2002, men har bindandi keyps- ella byggisáttmáli var gjørdur av føroyskum reiðara í seinasta lagi 1. januar 2002.
§ 2. Við bót verður revsaður tann, ið brýtur ásetingarnar í § 1.
Stk. 2. Feløg v.m. (løgfrøðiligir persónar) kunnu koma undir revsiábyrgd eftir reglunum í kapitli 5 í revsilógini.
§ 3. Henda kunngerð kemur í gildi dagin eftir, at hon er kunngjørd.
Fiskimálaráðið, 20. november 2006
Bjørn Kalsø (sign.)
landsstýrismaður
/ Rógvi Reinert (sign.)
